Македонската репрезентација

Предлагам истава тема да се отвори уште еднаш, специјално за да си коментираат таму женските членови! Стварно тапа коментари пишуваат (чест на реееетки исклучоци)
Некои дури и чувство за хумор имаат

Schatzii напиша: Нашите кога биле уиграни немам желба да ги гледам кога играат

zamislena напиша: ...Ај сега вака ..па и не беа толку лоши нашиве , ако се земе во предвид дека играа со ...по две леви нозе ........  но ..па.. за толку да се критикуваат и онака ...  со  УАААА   .... да си заминат ........ ....  Почнаа да растураат Ерменците во последните  десеттина минути  .......    и тие многу шанси пропуштија.... ..Од мене  имаат .....  мала поддршка ...мислам  Македонскава Репрезентација ........

BiBi_G напиша: ne gi gledav vecerva...mi bese sram

Ги молам споменатите да не се навредат

ќе биде бе ....... некад .. не губете надеж веднаш .... ова е само варка , финта ......... да помислат другите дека сме очајни , никакви , со две леви , па да се опуштат во дуелите со нас ........ ќе ги тепаме сите останати па и Русија а на словаците ќе им вратиме мило за драго коа ќе дојдат кај нас ....... Ерменците ќе ги скинеме таму и на крај ќе завршиме како први во група .......... СФ ...... ни Артур Кларк не може вака .......... 

Ако со Словачка се сметаше дека е несреќен пораз, ерменците синоќа во Скопје не почестија со бод, иако требаше до врв да ни ја наполнат мрежата, но што е многу поважно ни потврдија дека имаме селекција за маргинални достигнувања. Што уште треба да ни се случи за да сватиме дека немаме капацитет? И конечно нели е ова доволно и за фудбалските сеачи на магла да престанат во својот речник да употребуваат термини од типот лесна група, бараж, пласман.

Стануваат здодевни, лажната еуфорија и нереалната амбициозност со кои влегуваме во квалификациските циклуси. Веќе станува очигледно дека за себе имаме превисоко мислење што токму најдоговорните во селекцијата безмилосно го потенцираат иако и самите не се баш најубедени во тоа. Но тоа стана убав и проверен инструмент, да се грабне позицијата, а потоа да се опстане што подолго на неа без оглед што се случува. Кога основната цел е тоа, да се владее по секоја цена и да се води селекција само за побогато ЦВ.

Ерменија во Скопје да држи час по фудбал и да си замине дома разочарана со само освоен бод – и тоа со право. Затоа би било добро да се признае дека стануваме селекција од третиот европски ешалон, да не се игра со емоциите на искрените фудбалски фанови и да им се отстапи место на некои што можеби нешто можат да поправат во период од 10-ина години. А баражите и пласманите да им ги препуштиме на некои поквалитетни и поумни, примери има, Црна Гора, Словачка, Словенија, Кипар.

keravn напиша: Ако со Словачка се сметаше дека е несреќен пораз, ерменците синоќа во Скопје не почестија со бод, иако требаше до врв да ни ја наполнат мрежата, но што е многу поважно ни потврдија дека имаме селекција за маргинални достигнувања. Што уште треба да ни се случи за да сватиме дека немаме капацитет? И конечно нели е ова доволно и за фудбалските сеачи на магла да престанат во својот речник да употребуваат термини од типот лесна група, бараж, пласман. Стануваат здодевни, лажната еуфорија и нереалната амбициозност со кои влегуваме во квалификациските циклуси. Веќе станува очигледно дека за себе имаме превисоко мислење што токму најдоговорните во селекцијата безмилосно го потенцираат иако и самите не се баш најубедени во тоа. Но тоа стана убав и проверен инструмент, да се грабне позицијата, а потоа да се опстане што подолго на неа без оглед што се случува. Кога основната цел е тоа, да се владее по секоја цена и да се води селекција само за побогато ЦВ. Ерменија во Скопје да држи час по фудбал и да си замине дома разочарана со само освоен бод – и тоа со право. Затоа би било добро да се признае дека стануваме селекција од третиот европски ешалон, да не се игра со емоциите на искрените фудбалски фанови и да им се отстапи место на некои што можеби нешто можат да поправат во период од 10-ина години. А баражите и пласманите да им ги препуштиме на некои поквалитетни и поумни, примери има, Црна Гора, Словачка, Словенија, Кипар.

Браво keravn ...
Сакале или не , ни се допаѓало или не ... тоа е вистинската реална слика за Македонската репрезентација....
Останува само надежта дека ... некогаш може да биде подобро

Без Попов против Андора и Русија

Македонската фудбалска репрезентација на претстојните два квалификациски дуела, на 8 октомври во Ла Вела против Андора и четири дена подоцна против Русија во Скопје, ќе биде без стандардниот репрезентативец Горан Попов. Тој завчера се појави во дресот на Динамо Киев во второто полувреме од средбата на Лига Европа против Шериф и ја обнови повредата поради која претходно отсуствуваше од мечевите од украинското првенство.
Поради ова, селекторот Мирсад Јонуз го ослободи Попов од обврските, но, истовремено, изјави дека нема да повикува ново име за следниот двомеч.

Главата горе, се може и без Горан Пандев          

      
Струмичанецот, кој е наш најдобар фудбалер, многупати досега го покажал екстра-квалитетот на натпреварите за неговите клубови Лацио и Интер, но факт е дека, иако вложувал многу труд, не паметиме негова добра партија за македонската репрезентација       
       
      
Најдобриот македонски фудбалер во моментов, фудбалерот на Интер Горан Пандев, се дрзна да и соопшти на јавноста дека веќе нема да игра за репрезентацијата поради тоа што бил разочаран од однесувањето на публиката и од третманот што А-тимот го имал воопшто. Нималку капитенски, иако за овие квалификации ја доби честа да ја носи лентата на својата рака, во најлош можен момент пред важните дуели со Андора и со Русија, Пандев со оваа изјава до максимум ја вжешти и онака многу нервозната атмосфера во таборот на селекторот Мирсад Јонуз. Наместо да се обиде да дејствува смирувачки и, ако не може играчки, барем вербално да ги поддржи другарите од А-тимот, струмичанецот себично, како што многупати досега се однесувал и на теренот, му заби нож на и онака полумртвиот македонски фудбал.

Немаше вчера ниту еден љубител на фудбалот што мирно ја дочека веста за откажувањето од Македонија на најефикасниот на репрезентацијата. Но како никогаш досега сите го осудија тој потег, многумина го нарекоа кукавички и себичен, а мнозинството го оквалификува како крајно невнимателен и со лош тајминг.

Можеби и со право, откако струмичанецот направи очајно лош маркетинг, најмногу за самиот себеси, зашто иако е наш најдобар фудбалер, екстра-квалитетот го покажуваше само на натпреварите за неговите клубови Лацио и Интер, а факт е дека, иако вложуваше многу труд, не се памети негова добра партија за македонската репрезентација.

Аргументите на Пандев дека си оди поради лошиот однос на публиката спрема него и националниот тим воопшто не држат, зашто навивачите имаат право за парите што ги даваат да влезат на натпреварите, да демонстрираат незадоволство на секаков начин, секако ако тоа е во рамките на ненасилничко однесување. Така што, ако публиката со овации ги испрати македонските фудбалери по поразот дома од Шпанија (2-3), кога видоа како играчите го оставаат срцето на терен, исто така има право со концерт свирежи да го осуди „балетанскиот“ пристап на дуелот со Ерменија (2-2), меч што, според Пандев, ја прелеал чашата на незадоволство. Исто така, навивачите имаат право да бараат големи резултати, особено што гледаат дека пристапот на играта во клубовите и во репрезентацијата воопшто не е ист. И на крајот на краиштата, свирежите на навивачите на дуелот со Ерменија не беа само за Пандев туку за целиот тим, на чело со стручниот штаб, па никој од преостанатите не се дрзна да се откажува од понатамошно играње. И нека се запраша нашиот најдобар фудбалер како им е на најмалите, чиј идол е токму тој, кога го гледаат миленикот како само тој молчи кога се изведува македонската химна пред почетокот на натпреварите. А во училиштата учат дека пеењето на химната е најсветото нешто кога станува збор за бранење на државните бои.





Прашањето е зошто Пандев внесува немир во тимот токму во овој момент, кога пред Македонија се два меча, гостувањето кај Андора и мечот дома со Русија. Напаѓачот на Интер не е од вчера македонски репрезентативец и секогаш ги слушал свирежите на трибините, зашто публиката воопшто не е сменета. Каква-таква, разгалена или не, македонската фудбалска јавност многупати нелогично постапувала спрема најдобрите македонски фудбалери, но на крајот на краиштата, секогаш била на нивна страна. А на Пандев тоа не му пречеше кога беше фудбалер на Лацио со само една освоена (куп) титула, а наеднаш му стана главна болка откако минатата сезона со Интер освои сé што можеше да освои како професионален клупски фудбалер. За да го има досието перфектно, му недостига само учество на некое големо репрезентативно натпреварување, Светско или Европско првенство. Но од таа шанса, Пандев се откажа многу лесно...

Болеста што ја имаше кошаркарот Петар Наумоски, а ја прележа и ракометарот Кирил Лазаров, го фати и Пандев. Веројатно славата и парите на македонските спортисти многу често им удираат во глава и, наместо да дојдат и да даваат максимум секогаш кога треба, тие на најмала пречка се откажуваат и многу лесно му вртат грб на националниот грб. И секогаш грешката ја барале кај другите, никако кај себеси. А за споредбата да биде квалитетна докрај, многупати досега сме се радувале на победите на Македонија, благодарение на кошевите на Наумоски и на головите на Лазаров, но истото не може да се каже и за Пандев. Ексклузивноста да се радуваат на неговите успеси секогаш ја имаа само навивачите на Лацио и на Интер...



ФФМ може да го суспендира ако одбие да настапи

Според правилата на Светската фудбалска федерација (ФИФА), Горан Пандев може да добие суспензија од страна на ФФМ ако одбие настап за репрезентацијата. Ако кој било фудбалер не се одзве на повик на селекторот, а притоа игра без проблеми за матичниот клуб, може да биде суспендиран од страна на матичната федерација, а потоа ФИФА да му забрани да игра за неговиот клуб.

Најсвеж пример за сличен случај е откажувањето на францускиот репрезентативец Клод Макелеле, кој изјави дека нема повеќе да игра за селекцијата на „триколорите“. Но откако Француската федерација се закани дека ќе го суспендира и тој ќе нема право на настап за неговиот тогашен клуб Реал Мадрид, Макелеле се јави на подготовките на А-тимот и настапи на натпреварите


http://www.novamakedonija.com.mk/NewsDetal.asp?vest=10510951329&id=19&setIzdanie=22100


Одличен текст според мене

Изменето од mungos80 - 05.Октомври.2010 во 15:25

fakof na publikata i toa e