Вести

УЕФА ги забрани вувузелите


Европската фудбалска унија го забрани користењето на навивачкиот реквизит, вувузела, на ЕП во 2012 година и на натпреварите од Лигата на шампионите.

Од УЕФА велат дека вувузелата не е дел од традиционалното навивање на стадионите во Европа. УЕФА веќе ги извести националните сојузи на 53-те земји членки да ја спроведат забраната.

Вувузелата популарноста ја стекна на СП кое од 11 јуни до 11 јули се одигра во Јужна Африка. ФИФА, со образложение дека вувузелата е дел од културата на Јужна Африка, на Мундијалот не ја забрани употребата на овој инструмент.


Изменето од mungos80 - 01.Септември.2010 во 11:47

Конечно им текна и ова,цело Светко слушав само зуење на пчели

Да.

Јуве без ѕвездите во Европа

Јувентус ги изостави Џиџи Буфон, Фабио Кваљарела и Алберто Аквилани од списокот на фудбалери кои сезонава ќе настапат во Лигата на Европа. Тоа не е сторено од каприц или желба на некој од челниците со оглед на тоа што Аквилани и Кваљарела се нови фудбалери на торинскиот клуб, туку поради неможност тие да ги бранат боите на Јуве во претстојната евро-сезона.

Поранешните играчи на Наполи и Ливерпул веќе настапија во Лигата на Европа за своите поранешните клубови и затоа немаат право да бидат регистрирани за Јувентус. Од друга страна, Буфон има тешка повреда и сигурно нема да се врати во тимот до крајот на 2010 година, па затоа не е ставен на списокот. Ако Јувентус обезбеди пласман во 1/16-финалето, тогаш сигурно ќе има место и за легендарниот голман.

На списокот на Луиџи дел Нери се најдоа и летните засилувања Арман Траоре и Леанрдо Ринаудо, но ги нема Хасан Салихамиџиќ и Фабио Гросо кои на овој начин се казнети затоа што летово одбија трансфери во некој друг клуб.

Schatzii напиша: веќе сонувам за тоа, нема да можам да отидам сигурно

 

Кака од јануари во Интер!?

По релативно мирното лето, италијанскиот и европскиот првак Интер во јануарскиот преоден рок планира трансфер бомба, купување на ѕвездата на Реал Рикардо Кака. Според тврдењата на италијанскиот Кориере дело Спорт, претседателот Масимо Морати наводно го подготвува теренот за преговори во ноември, а мотив повеќе за реализација на овој трансфер е да го возврати ударот на Милан, кој ова лето го донесе нивниот поранешен играч Златан Ибрахимовиќ.

Италијанскиот весник наведува дека Морати веќе разговарал со тренерот на Реал Жозе Мурињо и добил уверување дека трансферот би можел да биде реализиран во јануарскиот преоден рок. Изданието тврди дека договорот би бил сличен на оној на Ибрахимовиќ, при што "нероазурите" би го позајмиле до крајот на сезоната, а потоа би платиле 24 милиони евра за играчот кој Реал го донесе од Милан за 68.5 милиони минатото лето. Италијанците ќе ги направат првите обиди во ноември кога Реал Мадрид ќе гостува на Сан Сиро против Милан во рамките од Лигата на шампионите.

Кака моментално се опоравува од операција на коленото, а медиумите во Шпанија соопштуваат дека со оглед на брзината на неговата рехабилитација и враќање на препознатливата форма, новите засилувања Месут Озил и Серхио Каналес ќе добијат предност во првиот тим на "Кралевите". Па Бразилецот би можел да биде продаден или евентуално позајмен до крајот на сезоната на Џузепе Меаца.

Се шпекулира дека во трката по Кака е вклучен и Челзи, но ако лондонскиот клуб се реши веднаш да ја плати отштета тогаш Интер би останал со "празни раце".

Милан во претходните години донесуваше поранешни фудбалери на Интер, како Кристијан Виери, Роналдо и Златан Ибрахимовиќ, а сега нивниот ривал посакува да им се реваншира.

Карлос Кеирос доби отказ

Португалската фудбалска федерација (ФПФ) го отпушти селекторот Карлос Кеирос, што уследи по изрекувањето на шестмесечната суспензија поради навредување на антидопинг агенти во пресрет на Светското првенство во Јужна Африка.
- Како последица на неодамнешните настани, ФПФ одлучи моментално да го раскине договорот на Карлос Кеирос. Одлуката е донесена во комуникација со Кеирос - соопштија од Федерацијата.
Кеирос, кој имаше уште две години од договорот, беше суспендиран на еден месец во август, но антидопинг власите на Португалија му ја зголемија казната на половина година. Тој призна дека ги навредувал антидопинг лекарите при нивната ненадејна посета на репрезентативниот камп во мај, сметајќи дека ги вознемируваат играчите.
Кеирос, за кого ова беше втор мандат на кормилото на репрезентацијата, беше под силни критики и за слабиот настап на Португалија на СП, на кое едвај се квалификуваа, а циклусот за ЕП 2012 беше почнат со пораз и реми. Од ПФП соопштија дека неговиот наследник ќе биде избран до следните средби во октомври.