МАКЕДОНИЈА ПОРАЗЕНА ОД УНГАРИЈА 85:82

Кошаркарската репрезнтација на Македонија загуби од Унгарија со 85:82 во 6 - то коло во квалификациите за ЕП  кое догодина ќе се одржи во Литванија. Унгарија доминираше во првото полувреме  во кое тотално ја контролирше играта а со тоа и резултатот и  во еден момент  имаа предност  од 15 коша. Нашата репрезентација одигра многу подобро во второто полувреме кога успеавме да се доближиме до водството на Унгарија но не успеавме да се избориме за продолжение бидејќи во последниот напад на 8 секунди пред крајот Антиќ шутираше за три поени но за жал не погоди. Најефикасен во нашата репрезентација но и на средбата Мекејлеб со 35 коша Антиќ постигна 20 коша.Кај Унгарија  најефикасен Ханга со 21 кош . За Македонија ова е втор пораз во квалификациите кој не мора да значи одалечување од зацртаната цел пласман на ЕП но сега мораме да победиме во Скопје против Велика Британија и на последниот натпревар со БиХ на гости. Во нашата група се одигра средбата Украина - Бих на која победија Украинците со 87:69. На табелата во Б групата во водство е В.Британија со 10 бода колку што има и  Македонија по 8 бода засега имаат Украина и Унгарија.

E ovaa komplikacija ne ni trebase...

По убедливата победа од 75:56 над Велика Британија синоќа во Скопје, кошаркарската репрезентација на Македонија е многу блиску до пласман на Европското првенство што идната година ќе се одржи во Литванија.

Предводени од Лестер Бо Меккејлеб и бодрени од 8.000 гледачи во салата „Борис Трајковски“ избраниците на Марин Докузовски во целост му се реваншираа на противникот за поразот во Њукасл. Гостите само во воведните минути од натпреварот имаа позитива, а потоа Македонија имаше целосна контрола над резултатот кој на пет минути до крајот изнесуваше највисоки 29 поени разлика, односно 69:40.

Од високата победа беше изненаден и македонскиот селектор Марин Докузовски.

- Навистина не очекував дека ќе извојуваме толку висока победа. По малку стравував од исходот, но мора да истакнам дека вечерва го одигравме најдобриот натпревар во овие квалификации, односно одигравме најдобро досега во одбраната. Ако некој ја погледне статистиката ќе види дека Војдан Стојановски не постигнал кош, но тој одигра одлично во оддбрана го запре Луол Денг. Во второто полувреме го одигравме тоа што го посакувавме. Тие внимаваа на Антиќ, кој се извлече надвор од рекетот и со него го повлече Менсах – Бонсу, што пак остави простор за другите наши играчи кои тоа го искористија, изјави Докузовски на прес-конференцијата по натпреварот.

Меккејлеб со 20 постигнати поени беше најдобриот играч на натпреварот. Во македонската репрезентација двоцифрен број поени имаа уште и Самарџиски 12, Гечевски 11 и Мираковски 10. Кај гостите Менсах-Бонсу даде 17 поени, а Денг 14.

Последниот натпревар во овој квалификациски циклус Македонија го игра в недела против Босна и Херцеговина. Во зависност од резултатите во другите две групи може да се случи веќе в четврток по одигрувањето на претпоследното коло ( Македонија е слободна) избраниците на Докузовски да го обезбедат местото во Литванија. Пласман на евро-шампионатот обезбедуваат трите прволасирани и најдобрите две второпласирани репрезентации од групите.

Во вториот синоќешен натпревар од групата „Б“ Босна и Херцеговина на свој терен ја победи Унгарија со 73:64.

Табела: Македонија 12 бодови, Велика Британија 11, Унгарија 9, Босна и Херцеговина 8 и Украина 8.

Во рамките на групата „А“ две победи за гостинските репрезентации. Финска - Италија 83:85 и Летонија - Израел 56:92. Слободна беше Црна Гора.

Табела: Црна Гора 11 бодови, Италија 11, Израел 10, Летонија 9 и Финска 7.

Два натпревари се играа и во „Ц“ групата. Полска - Бугарија 75:71 и Белгија - Португалија 68:63. Слободна беше Грузија.

Табела: Белгија 11 бодови, Полска 11, Бугарија 9, Грузија 9 и Португалија 8.