Вести

Баерн-Вердер, дерби во германскиот Куп

Финалистите од минатата сезона во фудбалскиот Куп на Германија, Баерн и Вердер, во новата сезона силите ќе ги одмерат уште во второто коло.
Покрај натпреварот Баерн-Вердер, второто коло носи уште две соочувања на екипи од Бундеслигата, Ајнтрахт-ХСВ и Борусија Менхенгладбах-Баер Леверкузен.
Натпреварите од шеснаесетфиналето во фудбалскиот Куп на Германија ќе се одиграат на 26 и 27 октомври.
Комплетни двојки: Кобленц-Херта, Викторија Хамбург-Волфсбург, Офенбах-Борусија Дортмунд, Елверсберг-Нинберг, Хемницер-Штутгарт, Халшер-Дуизбург, Котбус-Фрајбург, ФСВ Франкфурт-Шалке, Келн-Минхен 1860, Гројтер-Аугзбург, Хофенхајм-Инголштад, Алеманија Ахен-Мајнц, Кајзерслаутерн-Арминија

Вечерва 20:45 во Брисел...

Атрактивноста на шпанската Примера сè повеќе се зголемува, особено откако сè поголем број ѕвезди доаѓаат на Иберискиот Полуостров да играат за големите Барселона или Реал Мадрид. Двата најтрофејни клубови во Шпанија секогаш привлекувале големи имиња, а нивното ривалство е меѓу најголемите во светот. Токму овие два клуба и оваа сезона повторно се главни фаворити за престижниот трофеј, а од позадина својата шанса ќе ја бараат Валенсија, Севиља и Атлетико Мадрид. Барселона не реши да купува многу фудбалери, но затоа потроши 49.5 милиони евра за двајца, напаѓачот Давид Виља и дефанзивецот Адријано. Од клубот си заминаа тројца квалитетни играчи за врска, а Пеп Гвардиола не сакаше да носи нивна замена бидејќи реши да се потпре на младите таленти од својата школа. Инаку сезоната им тргна лошо бидејќи загубија во Севиља на гости во првиот дуел од Супер-купот, но затоа во реваншот покажаа дека повторно ќе доминираат во најсилната шпанска лига.

Меси, Чави, Иниеста и останатите се способни повторно да ја предводат моќната Барса кон нови трофеи.

Нивниот ривал Реал Мадрид на чело со Флорентино Перез и ова лето реши да троши, но поскромно од лани. Прва опција беше да се донесе големо тренерско име, а во тоа успеаја со ангажманот на Жозе Мурињо. Следеа низа засилувања како Ди Марија, Каналес, но и двајца Германци Кедира и Озил, кои осетно го засилија средниот ред на екипата. Вака подновениот Реал ќе се обиде конечно да ја прекине доминацијата на Барселона и да го врати трофејот во своите витрини по пауза од две години. Мурињо веќе воведе низа промени и очекува да ги повтори успесите кои ги имаше со Порто, Челзи и Интер. Низ пријателските натпревари испроба неколку варијанти, но фудбалерите не делуваа воиграно, меѓутоа Португалецот верува дека сето тоа ќе се поправи набргу.

Авантурата низ Примера "Кралевите" ја почнуваат на гости кај Мајорка, додека, пак, нивниот ривал Барселона кај Сантандер. Првиот гигантски меѓусебен дуел ќе го одиграат дури во 13 коло (ноември) на Ноу Камп, а реваншот следната година (април).

Реално, останатите екипи во првенството Атлетико Мадрид, Севиља и Валенсија немаат сили за шампионскиот трофеј, па се очекува да водат "војна" за третото и четвртото место за Лигата на шампионите. Атлетико ги задржа првотимците од минатата сезона и се засили со пет фудбалери, меѓу нив најзвучно Филипе за кого и платија на Ла Коруња 12 милиони евра и кој беше посакуван од Реал, Барселона, Севиља, Челзи, Манчестер Јунајтед и уште неколку европски гиганти. На чело со тренерот Кике Санчез Флорес клубот е решен да направи голем чекор кон врвот оваа сезона да биде пријатно изненадување во првенството.

Битката за опстанокот се очекува да ја водат Херкулес, Леванте, Хихон, Алмерија и Сантандер. Овие екипи, дел од нив оваа сезона влегоа во најсилната шпанска лига, според играчкиот кадар немаат големи шанси да издржат при налетот на поголемите па секој поен од дуелите меѓу себе ќе биде драгоцен за опстанокот.

Како и да е, повторно ќе бидеме сведоци на големи пресметки во највозбудливото првенство во светот исполнето со атрактивни потези, фантастични голови и да веруваме неизвесни мечеви.

ПЕТТЕ НАЈГОЛЕМИ ТРАНСФЕРИ

1. Давид Виља Валенсија Барселона 40 мил.евра

2. Анхел Ди Марија Бенфика Реал М. 25 мил.

3. Месут Озил Вердер Реал М. 15 мил.

4. Сами Кедира Штутгарт Реал М. 14 мил.