Фан клуб Реал Мадрид

НЕВЕРОЈАТНА ЕФИКАСНОСТ НА МЛАДИОТ НАПАЃАЧ НА РЕАЛ НА 22 ГОДИНИ
Игуаин подобар од Роналдо, Руни и Виља

Далеку подобра ефикасност на 22-годишна возраст бележи фудбалерот на Реал Мадрид Гонзало Игуаин од останатите ѕвезди како Кристијано Роналдо, Вејн Руни и Давид Виља, пишува шпанската Марка.

Статистички податоци говорат дека Роналдо на 22-години постигнал 17 погодоци во 34 одиграни меча во Премиер-лигата, додека пак Руни пред две години (сега има 24) дал 12 гола во 25 меча во дресот на "црвените ѓаволи", додека пак Виља во 2003 година како член на Сарагоса одиграл 38 натпревари и ја затресол противничката мрежа 16 пати. Игуаин оваа сезона оствари 20 погодоци во 1504 одиграни минути односно 21 натпревар од почетокот на сезоната во Примера, а на 17 од нив стартуваше. Игуаин упатил вкупно 58 шутеви кон противничкиот гол, а од 20 погодоци сезонава, 10 ги постигнал со десната нога, девет со левата, а еден со глава.

Интересен е фактот кој говори дека Аргентинецот ниту еднаш не шутирал пенал за разлика од останатите конк*ренти. Најдобриот светски фудбалер Лео Меси кој во јуни наполни 22 години, од почетокот на сезоната во Примера па до сега има дадено 25 погодоци во 24 одиграни натпревари (21 како стартер) меѓутоа во 115 удари кон голот, речиси двојно повеќе од Игуаин.

ЕФЕКТОТ НА ИГУАИН ВО ПРИМЕРА ОВАА СЕЗОНА

Одиграни натпревари 21

Стартер 17

Резерва 4

Постигнати голови 20

Со десна нога 10

Со лева нога 9

Со глава 1

Друго 0

Успешност 34%

Удари кон голот 58

Со десна нога 33

Со лева нога 20

Со глава 5

Друго 1

Офсајди 30

Асистенции 3

Жолти картони 2

Црвени 0

Специјална сума за специјалниот Мурињо

Вистинско богатство ќе го чини Реал доколку се обиде да го ангажира еден од најдобрите тренери во светот, Жозе Мурињо. Актуелниот предводник на Интер е меѓу најплатените тренери во светскиот фудбал, а ако се спореди со договорот на Гвардиола и актуелниот европски шампион разликата е небо и земја. "Кралскиот клуб" има желба да го ангажира Мурињо за следната сезона, меѓутоа во нивните пресметки се вртат астрономски суми во кои се вклучените и парите што треба да му се исплатат на актуелниот тренер Мануел Пелегрини за предвремен раскин на договорот. Едно око, една рака и еден бубрег или тестис ќе мора да заложи Реал Мадрид доколку сака да го донесе Мурињо на местото на Пелегрини. Вака шпанските весници ги опишаа финансиските детали околу операцијата за ангажман на Португалецот.

Како прво, за да се намами да дојде во Мадрид управата ќе мора да му понуди на Мурињо годишна плата од 11 милиони евра, со оглед на тоа дека моменталната сума што ја зема во Интер изнесува 10,5 милиони. Освен тоа Реал ќе треба да одвои и по еден милион за тројцата негови помошници како и традиционалните 1,5 милиони за секој трофеј кој ќе го донесе на Сантјаго Бернабе. Се разбира во сите овие суми не е вклучен данокот. Ако се знае дека Португалецот има договор со Интер до 2012 година тогаш сигурно на италијанскиот шампион ќе треба да му се плати соодветно обесштетување.

Меѓутоа, тука не завршува маката. Раскинот на договорот со Пелегрини, ќе ги чини претседателот Флорентино Перез извонредни 14,5 милиони евра. Претходно Реал му исплати на Виљареал 4,5 милиони евра како отштета, а ако на оваа сума се придодадат и 10 милиони (4,5 + 5,5) за двегодишниот договор, тогаш се доаѓа до навистина висока сума во време на светска финансиска криза. Сега конечната одлука останува да ја донесе Перез. Дали повторно ќе се расфрла со пари или овој пат ќе се реши за скромно трошење.

КАПИТЕНОТ НА РЕАЛ, НАЈВЕРОЈАТНО, ГО ОДИГРА ПОСЛЕДНИОТ НАТПРЕВАР ВО БЕЛИОТ ДРЕС


Раул заврши каде што почна

Легендарната "седумка" на Реал, Раул Гонзалес, најверојатно, нема повторно да го облече "белиот" дрес во својот живот. Тој доживеа повреда на скочниот зглоб на саботниот натпревар против Сарагоса и сега му е потребна пауза од четири недели што значи дека ќе ги пропушти последните четири кола од Примера кои треба да се одиграат заклучно со 16 мај.

Натпреварот со Сарагоса, најверојатно, беше последен за него во дресот на Реал затоа што одамна е најавено дека по завршувањето на сезоната ќе го напушти клубот каде ја помина целата кариера. Заедно со него, за заминување се подготвува уште една клупска легенда - Хозе Мариа Гутиерез Гути, кој самиот јавно потврди дека е во потрага по нов клуб. Засега, Раул тоа јавно не го кажува, но според малата минутажа оваа сезона такво нешто може да се предвиди.

"Официјално ќе објавам на крајот од сезоната", мистериозно изјавува Раул, кој сезонава постигна само пет гола во Примера и најголемиот дел од натпреварите на Реал ги почна од клупата за резервни фудбалери.

Интересно е тоа што својот последен натпревар за Реал, Раул го одигра на истиот стадион каде пред речиси 16 години ја почна својата блескава кариера. Ла Ромареда буди убави сеќавања кај легендарниот напаѓач кој во саботата постигна гол, што, најверојатно, ќе значи дека со погодок го крунисал последниот меч за Реал во кариерата. За "кралскиот клуб" одигра 740 натпревари и постигна 323 гола и во двете категории е рекордер на сите времиња. Прашање е дали во блиска иднина Реал ќе има таква легенда.

Педро Леон: Се надевам дека со Реал ќе освојам многу титули

Реал Мадрид денеска го претстави своето ново засилување, Педро Леон, кој рече дека преселбата на Сантијаго Бернабеу е ’остварување на сонот’

Вчера во доцните вечерни часови Реал Мадрид официјално потврди дека е постигнат догоовр за ангажман на Педро Леон од Хетафе. Играчот утрово ги помина лекарските прегледи и стави потпис на шестгодишен договор. Педро Леон потоа беше презентиран како третото засилување на Кралевите по ангажманите на Серхио Каналес и Анхел Ди Мариа. “Му се заблагодарувам на Реал Мадрид поради тоа што ми се исполни детскиот сон.” – рече Педро Леон. “Не сакам да го разочарам претседателот па ќе работам напорно и ќе дадам се за овој дрес.” “Се надевам дека ќе можам да освојам многу трофеи со Реал Мадрид.” Запрашан дали очекува да биде стартер со оглед на големата конк*ренција во Реал, играчот рече: “Возбуден сум што сум тука и сум фокусиран само на тоа да работам напорно и да се борам за бенефициите на клубот, да го одработам моето и да му помогнам на Реал да стигне до целите.” “Потоа тренерот е тој што ќе одлучи.” Претседателот на Реал, Флорентино Перез рече: “Сакавме нашиот тим да има одлични фудбалери од Шпанија и веруваме дека токму таков е Педро.” “Тој има квалитет да го носи дресот на Реал Мадрид. Се надевам дека Педро ќе освои многу титули.” Претседателот потоа му се обрати на Педро и му рече: “Добредојде во твојот дом, Реал и нека ти се остварат соновите.“

Озил во Реал Мадрид

 

Германскиот репрезентативец, Месут Озил е најновото засилување за мадридски Реал. Веста за комплетирањето на трансферот ја потврди Кралскиот клуб, но никој не сакаше да говори за условите под кои 21-годишниот фудбалер ќе се пресели на Сантијаго Бернабе. Неофицијално Езил во Реал ќе остане во следните шест години, а заработува пет милиони евра по сезона додека обештетувањето за Вердер пак изнесува 15 милиони евра.

Наскоро Кристиано пред светската јавност ќе ги претстави  новите леопард копачки, наречени "Nike Boots Safari", кои за него ги дизајнираше оваа позната компанија.

На 7-ми ноември овие копачки за првпат ќе згазат на терените и тоа во Шпанската лига, кога Реал со Кристиано на Сантиаго Бернабе ќе одигра градско дерби против Атлетико.

"Овие сафари копачки на вистински начин го претставуваат мојот стил.

Ми даваат се што треба за да ја подигнам својата игра", изјави португалскиот фудбалер откако ги испроба новите обувки на неговиот рекламен гигант "Nike".

Роналдо: 60 гола на 61 меч

Благодарение на двата гола против Хетафе во понеделникот, Кристијано Роналдо веќе стигна до бројката од 60 погодоци за Реал Мадрид за една и пол година (61 меч) и го собори рекордот за најдобар старт меѓу фудбалерите што го носеле белиот дрес. Расинг Сантандер е неговата омилена жртва (пет гола), а сега го брка рекордот на Уго Санчес и Телмо Зара од 38 гола во една сезона од Примера дивисион.
Според шпанскиот весник "Ас", Роналдо го оправда својот рекорден трансфер (97 милиони евра) на најдобар можен начин: со многу голови. Португалецот има 60 гола, за што му беа потребни само 61 меч во сите официјални натпреварувања на Реал Мадрид, што го става многу блиску до магичниот просек од еден гол по натпревар (0,98). Така, тој зад себе ги остави великаните на "кралскиот" клуб, како Ференц Пушкаш (55 гола), Алфредо ди Стефано (520, Мануел Паињо (50) и Бразилецот Роналдо (43).
Кристијано се специјализираше во различни начини за постигнување голови. Сезонава, за првпат постигна покер-голови (Расинг), потоа два хет-трика (Леванте, Атлетик) и по два против Хетафе, Валенсија, Еркулес, Малага, Ла Коруња и Ајакс. Минатата сезона, хет-трик даде против Мајорка и двапати по два гола на Марсеј и Херес.
Вкупно, 25 тима примиле гол од Роналдо, а само четири успеале да го задржат, меѓу кои и најголемите ривали на Реал, Атлетико и Барселона.
Роналдо ги постигна своите 60 голови на следниот начин: 26 со десна нога, 11 со лева, десет од бела точка, девет од слободен удар и четири со глава