Како новинарите ги преживуваат последниве денови?

Andjelina напиша: тонеме со брзина на светлината...а политичариве и новинариве ко да имаат меѓусебен договор бре.... не замајуваат со секакви глупости ова ми личи на онаа народната-не гледај ме што правам,слушај што зборувам....

Изменето од Анастеа - 12.Август.2010 во 00:41

Па лично мислам дека новинарите ( и медиумите) и не се во некоја голема опасност за да се прашуваме ние како ги преживуваат последните денови. Зошто?
Па тие се новинари во Македонија кде се може и се смее!!!
А веројатно или нема доволно закони или медиумите ни се бајаги богати па не се плашат од тужби.
Поконкретно- овие денови објавувајки слики од поранешниот потпарол Гацов, случајно или не стојат на сликите и други луге. Лично не сум многу запознаена како оди процедурата, па затоа прашувам тука ако некој знае да објасни- Може ли дечково до Гацов (од сликата) на пример да тужи или сликата е објавена со негова дозвола?
ГАЦОВ ГИ ПОТВРДИ ФОТОГРАФИИТЕ НА ВЕЧЕР, ПА ВМРО-ДПМНЕ ПРАШУВА:
Кој се од СДСМ, освен Гацов, милува да се облекува во јамболии и женска облека?!
 И најискрено тек сега не ми е ништо јасно
- Дечково , потпаролов бивши на местот беше од СДСМ или како ВМРОвски кадар?
Сликиве се од период кога тој се “дружел“ со ВМРОвци или СДСМовци?
Оти ако до одењето од функцијата бил член на ВМРО тогаш нормален човек се прашува кој и од која партија милува да се облекува во јамболии и женска облека и како тоа Гацов од ВМРО одел на “јамболиски забави“ во СДСМ?
Впрочем, убаво би било- овие нашиве новинари “кои ги преживуваат последните денови“ да објават уште некои фотографии (можеби Гацов има и со некои други довчерашни (или сегашни)  партиски другарчиња, не за друго, да ја видиме слободата на медиумите во презентација на милувањето разноразни јамболија-забава на нашите политичари-ако ги има, нормално.

Еве ќе преживеат новинарите, Велија ќе ги прими кај него, ем ќе си имаат слобода на говор:


Избрканите новинари од Канал 5 ќе бидат вработени во А1 ТВ


Додуша ова може и на другата тема да се дискутира, оти заличува веќе на нов, свеж премиер.

Што има за преживување, секој квалификуван, искусен и способен новинар ке си најде работа.Може да е дописник на некоја надворешна агенција, па како тогаш власта ке го контролира? Што ако напишат нешто по своја рецепта за странците, па се дознаат некои скриени вистини?

Арно им направија што ги отпуштија!Ги ослободија!

Ние онака по женска линија  а оваа  за тебе.

Од она што го пишуваш во постот, се замислив дали беше Чолаковски кој ја спроведуваше акцијата „Еве сме - тепајте“ или Роберт Поповски? Јас мислам дека беше Роберт, сегашниот претседател на ЗНМ?

Инаку, дали некој се сеќава на јавниот конк*рс од пред година-две од Сорос фондацијата преку Милчин, за вработување новинари во неколку јавни медиуми (А1, Утрински, Време, Алфа ТВ...), кои тие ќе ги обучуваат и плаќаат, да не бидат на товар на куќите во кои ќе бидат вработени, така некако беше. Што стана со тие новинари, тогаш некако се забошоти работата и не знам како заврши случајот, кој е уште еден класичен пример за упад на еден (инкриминиран) центар на моќ во слободата на новинарската мисла?

Mamamd  знаеш како е: си го имаат медиумот (алатот) во свои раце па си ги објавуваат писмата, си отстапуваат простор едни на други за коментари и колумни, богами понекогаш си придаваат многу поголемо значење отколку што самите новинари за кои се зборува го заслужуваат.
Ама не е важно, важно да има скандали за кои ќе се зборува...

А политичарите суетни, не верувам дека некој би се впуштил во ваква јавна преписка со некој обичен работник, доколку не се засегнати лично нели нивното “гооооолемо“ достоинство и чест.

Како и многу други работи кај нас, и случајот со новинарите се претвори во пародија.

Да не излезе ова ФАБРИКА 2, да гледаме реприза на стариот филм со нови глумци?

Јасно им е и на новинарите дека уредувачката политика на медиумот ја определува сопственикот на капиталот од кој се финансира самиот медиум и неговиот персонал, јасно им е дека живееме во капиталистичко општество каде “отказ од работа“ е нешто што на секој вработен може да му се случи, посебно ако не си ги исполнува работните обврски, јасно им е и дека ако притоа постои прекршување на законите, мобинг, политички или друг вид на притисоци и неправилности - постојат судови каде за неправилностите треба да се покрене постапка и конечно да се расчисти со овие состојби, би требало да им е јасно и дека новинарството е специфична професија која си ги носи сите свои ризици, како што би требало и да им е јасно дека не постои држава на светот каде политиката, капиталот и лоби-групите не се обидуваат секојдневно да влијаат и да вршат притисоци врз новинарската мисла, преку своите центри на моќ.
Или сеуште не им е јасно, па и новинарите тргнувајќи по теркот: “извори блиски на...“ даваат анонимни изјави за своите колеги од други медиуми,  како изворот на кој пред некој ден се повика Шпиц:

Откако Мартин Протоѓер од ВМРО-ДПМНЕ се појави во телевизијата почнаа да се прават списоци на неподобни новинари и почнаа политичките притисоци и опструкции врз сите оние кои сакаат да работат неутрално и објективно, вели за „Шпиц“ еден од новинарите, кој инсистираше да остане анонимен.

Зошто анонимен? Зошто и овој новинар како и колешката му не излезе со име и презиме да каже што знае, та нели треба овие притисоци врз новинарството еднаш веќе да се разобличат, со анонимност ли ќе се решава проблемот? А се бориме за независно новинарство, бидејќи политичките притисоци и влијанија се и повеќе од очигледни?
Низ медиумите пак се известува различно за случајот: колку новинари толку приказни. Па дури и коментарите од читателите на вестите се како наштанцани, во зависност во кој медиум се коментира.

Изјавата од новинарката која се допишуваше со Груевски и Протуѓер е посебно сериозна и не знам ако ова што го тврди го слушала со години, зошто досега не прозборела? Тоа што е самохрана мајка сигурно ја става во незавидна ситуација, но и премолчувањето на вакво нешто не и оди во прилог на новинарската чест за која зборува (се до моментот додека не дошла опасноста од отказ):

“Во обраќањето таа тврди дека Редакцијата на Канал 5 на интерфон ги слушала директивите што на новинарите и на уредниците им ги давал Мартин Протоѓер, шеф на Кабинетот на премиерот Груевски.“

Овие пак тврдат дека во просториите воопшто немале интерфон, па се прашуваат кај слушала и што слушала Весна?
Од друга страна, во истиот медиум колега и е претседателот на Здружението на новинари на Македонија, Р.Поповски, кој воопшто не важи за новинар наклонет кон власта и едно време знаеше и со свирчиња да протестира за неправди кон новинарите. Сега од ЗНМ писмена реакција и бесплатен адвокат, “а зад отпуштените новинари од Канал 5 не застанал никој од колегите.“

Канал 5 со својата верзија: отпуштената новинарка не добила отказ туку и било понудено спогодбено раскинување на договорот, не си ги исполнувала работните обврски, не доаѓала на работа и дека била толерирана токму поради нејзината ситуација.

Ако таа не си ги исполнувала работните обврски, што е со другите отпуштени?

И сега, независно новинарство - што беше тоа? Какофонија од звуци, како ова што се случува веќе 2 децении со нашето новинарство?!?

Убаво кажа еден комуниколог: демократијата треба да се освојува, посебно кога притисоци се очигледни од сите страни. Новинарите треба да излезат и чесно да прозборат за она што го знаат, сами да се изборат за достоинството на својата професија, за некаков идеал на слободно, независно и професионално новинарство за кој постојано зборуваат, а никако да посегнат по него. За вакви сериозни обвинувања за притисоци од власта во уредувачка политика на медиум треба и спремност јавно да се прозбори, а не со изјави на анонимци и тоа дури кога ќе им дојде јајцето на газот.

Се разбира дека и нивната ситуација е тешка како и на мнозинството во државата, трпат притисоци од многу страни, мораат да почитуваат уредувачка политика на медиумот (штом на тоа се согласиле, за да си го извадат лебот) иако понекогаш и не се согласуваат, но и поделеноста меѓу нив не е мала. Кога нема колегијалност и едни со други се напаѓаат наместо да се поддржуваат за да си ја подобрат ситуацијата, тешко дека нешто повеќе ќе се постигне.
Ќе се замачкаат очи, ќе слегне прашината, некое трансферче ваму-таму и ќе заборавиме на случајот...