Зошто изневеруваат и мажите и жените?

Жените се убедени дека мажите изневеруваат затоа што тие не се веќе млади и привлечни, сексот не е веќе толку страствен или пак нивното затегнато и цврсто тело веќе насобрало неколку килограми повеќе. Но вистината е сосема поинаква. Мажите како најчеста причина за неверство го наведуваат емоционалното несогласување кое го чувствуваат во односот со својата партнерка. Ова тврдење доаѓа како резултат од истражувањето кое е спроведено над стотина мажи кои веќе ги изневериле своите партнерки, но и такви кои тоа никогаш не го сториле.

Резултатите велат дека само 8 проценти од мажите се неверни заради лош сексуален живот со партнерката, а жените со кои изневеруваат мажите најчесто не се ниту поубави, ниту помалади од постојаните партнерки.

Дури 69 проценти од неверните мажи признаваат дека биле убедени дека тоа никогаш нема да им се случи, но сепак паднале во замката на почит и воодушевување кое кон нив го покажала некоја друга жена.

Овие податоци можат да им помогнат на жените да се чувствуваат подобро, но и да им дадат до знаење дека емоционалната поврзаност и разбирањето се двете главни причини кои може да ја намалат можноста за неверство. Затоа доколку забележите промена во однесувањето кај Вашиот партнер, можеби е време и Вие да го промените своето однесување, па наместо приговарање и критики обидете се се насмевка и позитивни коментари.