Вести

ZOTE напиша: Работнички пред казна за расизам Екипата на Работнички ќе се соочи со казна од УЕФА, ако европската фудбалска унија реагира на пријавата дека за време на спектаклот со Ливерпул од трибините на арената „Филип втори“ имало расистички гестикулации http://www.kirilica.com.mk/vest.asp?id=53817

Ova se samo izolirani incidentni majmunlaci na poedinci (kako sto i se gleda na slikata), koi sakaat da si gi pokazat svoite naviki od po doma... Ako na stadion so 20000 publika eden vikne nesto nedolicno, ne treba da go kaznat klubot za toa

dovolno si e kaznet vekje...

ZOTE напиша: Еве го и на Internews.Нашиов "среќник" стана светски познат расист http://www.fcinternews.it/?action=read&idnotizia=24276

I (citiran) izvadok od statijata:

..." Il tabloid prima si scatena contro l’uomo, definito scimmia pelosa e ritardato mentale,"...

ne razbiram Italijanski, ama poslednoto go razbrav...

Реал Мадрид дава 20 милиони евра и Ван дер Варт за Тиаго Силва

Шпанскиот фудбалски гигант Реал Мадрид е подготвен веднаш да му плати 20 милиони евра на Милан за централниот дефанзивец Тиаго Силва, пишува денешниот број на италијанското електронско издание „Ита Спорт Прес“.

Во гореспоменатиот износ ќе биде вклучен и холандскиот плејмејкер Рафаел Ван Дер Ваарт, кој и не успеа да се промовира во Реал, откако премина на Бернабеу во 2008-та година од составот на Хамбургер.

Холанѓанецот одигра неколку поважни натпревари за актуелниот шпански вицешампион, но тоа беше тоа. Неговата цена во овој момент изнесува околу 10 милиони евра.

Од своја страна, Милан бара 30 милиони евра за Силва и не е исклучена можноста тимот од Сан Сиро да ја прифати понудата на мадриѓани која е доста атрактивна

Плетикоса на позајмица во Тотенхем

Според пишувањето на руските медиуми, хрватсикот репрезентативен голман, Стипе Плетикоса наредната сезона ќе ја помина на позајимца во редовите на Тотенхем.

Лондонскиот клуб, односно нивниоттренер, Хари Реднап, веќе долго време го сака Плетикоса во своите редови, но Спартак не сака да го продаде, па поранешниот голман на Хајдук ќе го испрати на едногодишна позајмица во Тотенхем.

Плетикоса е член на Спартак Москва од 2007-та година, а претходно беше член на Шахтјор Доњецк каде помина 4 години, но сепак не се снајде најдобро.

Сепак, официјални нема потврдувања за ваквиот епилог од двата клубови, но се очекува тоа да биде во наредниот период.

Торес останува во Ливерпул!

Најдобриот стрелец на Ливерпул во последните три сезони Фернандо Торес дефинитивно останува на Енфилд најмалку уште една година. Со тоа, тој ги прекина шпекулациите во врска со неговата иднина и можниот трансфер во Челзи кој за шпанскиот репрезентативец беше подготвен да плати и 45 милиони фунти. Ваквата одлука Торес ја донел по неколкуте разговори со новиот менаџер Рој Хоџсон иако впечаток е дека Ливерпул повторно нема тим за титула во Премиер-лигата која би била прва за клубот по 21 година.

"Мојата посветеност и верност кон клубот и навивачите е иста како и првиот работен ден кога потпишав за Ливерпул. Се радувам на предизвиците кои ни претстојат. Од првиот ден во Ливерпул се чувствував како дома. Чувствувам дека навивачите ме сакаат и сите знаат колку сум среќен што играм на Енфилд. Трофеите со Ливерпул и понатаму се моја цел како што и секогаш биле", изјави шпанскиот репрезентативец на официјалната интернет-страница на Ливерпул.

Медиумите шпекулираа дека Торес, како и капитенот Стивен Џерард, во летниот преоден рок ќе го напуштат клубот бидејќи тимот е далеку од борбата за шампионската титула, а лани не успеа ниту да обезбеди пласман во Лигата на шампионите. Двајцата екстра-фудбалери јавно се пожалија на недостигот од квалитетни играчи во екипата поради што Ливерпул последните сезони не може да им парира на ривалите иако во 2009 година за малку не ја освои титулата бидејќи беше лидер во поголемиот дел од сезоната, а на крајот Манчестер Јунајтед заврши со предност од три бода.

Двајцата, меѓутоа, во меѓувреме истакнаа дека ќе останат во Ливерпул без оглед на заминувањето на Рафаел Бенитез од менаџерската позиција и назначувањето на Рој Хоџсон.

"Ова е најдобриот клуб во земјата така што целите и желбите секогаш се високи. Се надевам дека и натаму ќе го задржиме високото ниво. Во Ливерпул секогаш постои борба за секој трофеј. Лани беше тешко, а сигурен сум дека оваа сезона ќе напредуваме. Уште додека бев на одмор Рој дојде на разговор и ми ги претстави своите планови. Навистина го ценам тоа и се надевам дека ќе успееме да ги исполниме целите", изјави Торес кој поради повреда на Мундијалот последниот период тренира одвоено од тимот и најверојатно ќе го пропушти мечот против Арсенал во првото коло од Премиер-лигата.

Ливерпул за следната сезона се засили со српскиот репрезентативец Милан Јовановиќ и со Џо Кол кој дојде од Челзи. Токму од него навивачите на "црвените" очекуваат многу во новата сезона.

"Џо е токму таков фудбалер каков што ни е потребен. Сакам да играм со такви фудбалери, со играчи кои можат целиот тим да го подигнат на повисоко ниво. Џо име неверојатно додавање и се надевам дека ќе ми создава шанси и ќе биде мошне важен дел од нашиот тим", заврши Шпанецот.

Засега од Ливерпул си замина единствено Емилијано Инсуа, но и неговиот трансфер во Фиорентина се соочува со проблеми од непознати причини. Од друга страна, Хавиер Маскерано најави дека ќе си замине во Интер, но се уште нема официјални реакции од двата клуба

Селекторот на Шпанија, Винсенте дел Боске, го објави списокот на фудбалери на кои ќе смета за пријателскиот натпревар со Мексико, закажан за следната среда. Дуелот со Мексико ќе биде прв натпревар на „црвената фурија“ по освојувањето на титулата светски првак. Поради натпреварот во Суперкупот на Шпанија, на програмата е на 14. август, селекторот не ги повика играчите на Барселона и Севиља, додека поради повреди ќе отсуствуваат Торес, Реина и Иниеста. Дел Боске во репрезентацијата го врати Санти Казорла од Виљареал, а нови имиња се Игнасио Монреал од Осасуна и Бруно Сориано од Виљареал.
Селекторот на Белгија, Жорж Лискенс за пријателскиот натпревар со Финска го повика напаѓачот на Андерлехт, 17-годишниот Ромелу Лукаку. Одлуката на селекторот не им се допаѓа на челниците на Андерлехт кои сметаат дека Лукаку има повреда на коленото. Ромелу Лукаку, минатата сезона беше најдобар стрелец во првенството на Белгија. Белгија квалификацискиот циклус за пласман на ЕП во 2012 година ќе го започне на 3. септември, противник ќе биде Германија.
Чо Кванг-Реј, како селектор на фудбалската репрезентација на Јужна Кореја ќе дебитира на 11. август против селекцијата на Нигерија. Во однос на екипата која настапи на СП во ЈАР, Кванг-Реј повика шестмина нови фудбалери. Од играчите кои настапуваат во Европа, натпреварот ќе го пропушти само фудбалерот на Болтон, Ли Чунг-Јонг. Јужна Кореја и Нигерија играа во групната фаза на Мундијалот, натпреварот заврши без победник 2:2.крај