Влез во НАТО и ЕУ како Северна Македонија?

LiDivio напиша: Јас ќе ти одговорам на прашањето. Во уставот сме Република Македонија. Англискиот превод е Republic of Macedonia. Значи, ако Рикер на пример побара превод од уставот на Р.М. ќе пишува Rep.of Macedonia.

Аааа, значи нема да го смениме уставното име туку преводот на англиски јазик. Ако треба да правиме компромис (а треба), тогаш најлесно е да се прави компромис со преводот. Значи ако би го решиле проблемот со решението што го предлагам, кога Рикер ќе побара превод на уставот, ќе му дадеме превод со Republic of Makedonija. И што? Многу се засекира за преводот што ќе го добие Рикер? За правење компромис со идентитетот на нашиот народ (а тој е запишан во уставот) не смее ни да помислиме. Ама очигледно дека Грците одамна сватија дека нашата дипломатија одамна е „загубена во преводот“, па амбициите им пораснаа да ни го сменат и идентитетот „со географска одредница за името“ - читај „северњаци“.

Конечно сам дојде до тоа што јас уште од почеток го тврдам. Компромисот е во преводот, при што го избегнуваме менувањето на уставот (а со тоа и на идентитетот).

Ама боже сачувај - тоа е решение на проблемот и после тоа ќе не примат во НАТО, па затоа ти мора да измислуваш смешни читања на латиничниот запис Makedonija (држи ја водата и мати ја водата колку што може подолго).

LiDivio напиша: Уште не ми одговори на прашањето: Дали било кој Грк ако го прашаш на англиски како се вика северната грчка провинција, како ќе ти одговори: Makedonia / Macedonia??

Грците и едниот и другиот тремин го употребуваат (ама не и Makedonija (тоа со „ј“). Еве ти еден линк како пример (а ги има на илјадници): http://www.superbgreece.com/Maps/Makedonia_map.htm

И Грците го направиле токму она што јас предлагам да го направиме исто така. Тие името напишано на Грчки: ΜΑΚΕΔΟΝΙΑ си го превеле директно на англиски MAKEDONIA и (и покрај името MACEDONIA) си го пишуваат и употребуваат како свое.

Ние, името МАКЕДОНИЈА, може исто да си го преведеме директно во MAKEDONIJA и да го употребуваме како свое.

Изменето од DameMak - 26.Јули.2010 во 21:10

LiDivio напиша: DameMak напиша: И Грците го направиле токму она што јас предлагам да го направиме исто така. Тие името напишано на Грчки: ΜΑΚΕΔΟΝΙΑ си го превеле директно на англиски MAKEDONIA и (и покрај името MACEDONIA) си го пишуваат и употребуваат како свое. Ние, името МАКЕДОНИЈА, може исто да си го преведеме директно во MAKEDONIJA и да го употребуваме како свое. Ова донекаде ти држи вода со примерот од линкот, ама со оглед дека Грците го направиле истото тоа, мислиш ли дека се толку наивни да наседнат на тоа и да ја пуштат Македонија под името Republic of Makedonija во ЕУ (макар што мислам дека тоа име е карикатура, како и грчкото Province of Makedonia). Како си ТОЛКУ сигурен дека Грците ќе прифатат???

Ах - не сум воопшто сигурен. Во тоа е и проблемот - што доколку со овој „формализам и јазични толкувања“ успееме да ги убедиме странците, НАЈВЕРОЈАТНО, грците и за ова ќе речат „Охи“. Додуша мислам дека ти (или некој друг) рече дека грчкиот интелектуалец Фотис предлагал нешто слично (ако имаш некој податок што тоа точно предложил, би те замолил да пратиш некој линк), па можда и би доживеале после странски притисоци и нивно „Не“.

Ама ако би го одбиле и овој прдлог, тогаш барем до некаде би имале некаква мала дипломатска и политичка победа (јас сум во принцип непоправлив оптимиста):
1. Цел свет ќе види дека грците ете го задржале англискиот термин Macedonia (не дека ние нема после и понатаму да си го употребуваме), туку се мешаат и во нашето кирилско писмо и неговата латинична транслитерација.
2. Барем ние внатре (и ВМРО и СДСМ) би можеле да ја дефинираме конечно таа „црвена линија“ (т.е. максимум што може да се откажеме е од некој странски (англиски) термин Мацедониа, и да се употребува за нашата земја кирилично-латиничниот термин Македонија).

И уште еднаш да напоменам: Јас овој предлог не го ставив овде да го дискутираме затоа што сакам да измислувам (ете според тебе смешни) имиња на мојата земја и мојот народ, туку од страв дека ќе дојдеме во ситуација да гласаме на референдум за предлогот „Северна Македонија“.

Поздрав

Кога станува збор за разните предлози за името - темите и под-дискусиите се толку испреплетени и поврзани што сите потпаѓаат под темата „Преговори за Името“, па мое имислење е дека и целава оваа дискусија за „Влез во НАТО и ЕУ како Северна Македонија“ може да ја споиш со темата „Преговори за Името“.

Поздрав,

Изменето од DameMak - 28.Јули.2010 во 07:30

А Република Македонија не значи дека сме се одделиле од сите други држави ?

Зборот република е повеќе од јасна одредница и нема подтреба од дополнителни квалификации.

Република Македонија.

Platenik напиша: Зборот република е повеќе од јасна одредница и нема подтреба од дополнителни квалификации. Република Македонија.

Се согласувам со тебе, но играта е да се вметне нешто помеѓу Република и Македонија. Тоа нешто, ако се вметне, отиде јабана и држава и народ.

...и што вика НимиТЦ?Има нешто ново,или останува референдумот и Северна Македонија?.