Љубовни СОВЕТИ

Кога планирате некому да раскинете ви дошло ли на памет дека постојат локации каде што тоа никако не е пожелно да се направи?! Еве ја листата на најлошите места за раскинување кои треба да ги одбегнувате:

Во вашиот дом

Вашиот дом несомнено е лошо место за да и ставите крај на вашата врската. Не само што е премногу приватно место, туку и ви ја одзема силата, односно ја елиминира физичката можност да си отидете од ситуацијата. Раскинувањето во вашите четири ѕида ја става контролата во рацете на партнерот за времетраењето на разговорот и било какви преговарања, па ако партнерот е чувствителен, раскинувањето може да трае со часови. Во случај ова да е единствената опција, направете го тоа во неговиот/нејзиниот дом, а не во вашиот.

Во ресторан

Доколку сакате да се ослободите од вашиот партнер, ресторантот не е соодветно место за разговор. Сепак, бидејќи ваквите места изгледаат цивилизирано и неутрално, луѓето најчесто ги избираат како идеално место за раскинување. Но ваквата одлука ќе ве стави во упадлива ситуација без никаква приватност. Тоа што на вашата маса ќе остане да се слуша само звукот на приборот за јадење, само ќе ја влоши ситуацијата.

Во кафуле

Кафулињата се едни од местата каде најчесто се раскинува, а тоа најверојатно е така заради улогата на алкохолот. Сепак, ова не е идеално место за прекинување на врската. Алкохолизираната состојба, која и самата може да претставува причина за раскинувањето, ги прави и дечковците и девојките склони кон правење драма. Во поголемиот број случаи, на крајот најчесто некој (ако не и двајцата) е замолен да го напушти локалот. А шлагот на тортата? Ноќта продолжува со уште поголеми количини на алкохол, па утрото е проследено со главоболка.

На работа

Земајќи ги предвид одликите на работната средина (јавност и професионалност) прекинување на врската во оваа арена е големо социјално табу. Покрај фактот што претставува лошо и неефикасно искористено работно време, просторот се полни со тензија со што се уништува атмосферата за колегите, иако во канцеларијата сте останале воздржан и присебен. Вашите колеги и шефот сигурно нема да останат несвесни за она што се случува, па затоа избегнувајте ги планираните раскинувања во работното време.

На одмор

Прекинувањето на врската на одмор е повеќе од нелогично. Тоа е високо контролирана средина во која и двајцата треба меѓусебно да трпите сè додека патувањето не заврши. И секако дека ќе треба да ја делите собата, а најчесто и креветот, па одморот ќе ви се претвори во вистински кошмар и на двајцата.

Во авион

Луѓето пробаат многу работи додека се над облаците, но верувајте, раскинувањето не треба да е една од нив. Тесниот простор на авионските кабини се дефиниција за лоша локација за раскинување. Покрај фактот што сте принудени да седите еден до друг, немате никаква приватност. Дури и малку повишен тон ќе го сврти вниманието на сите околу вас, па вашата загрозена ситуација само ќе ја зголеми анксиозноста и нервозата кај патниците.

Кај родителите

Вклучувањето на мама и тато во „забавата” ќе направи многу незгодна ситуација. Тие, случајно или намерно, ќе застанат на нечија страна и автоматски стануваат четворица луѓе вмешани во вашето раскинување. А да не ги споменуваме и советите од родителите кои секогаш мислат дека знаат сè, па уште повеќе ќе ја влошат ситуацијата.

На венчавка

Свадбите се сон на секоја девојка, а доколку ја откачите токму на ваков настан ќе биде најголемиот кошмар што досега го имала. Со самото тоа што венчавките по природа се романтични и среќни, и се разбира, јавни, вашата иницијатива за раскинување на ваква пригода несомнено ја покажува вашата малодушност. Исто така, тука е и веројатноста дека може да следи прилично незгодна сцена на која сведоци ќе бидат сите гости и секако, среќниот брачен пар, па и кај нив ќе се создаде чувство на анксиозност. И уште полошо, невестата повеќе нема да биде во центарот на вниманието.

Во автомобил

Раскинувањето во кола предизвикува вистински гнев и опасност на патот. Заради фактот што возењето треба да биде единствениот фокус, не треба да сте премногу интелигентни за да знаете дека ова е најопасното место за раскинување, особено кога доаѓа неочекувано.

Јасно е дека колите се одлично место за зближување, па нека останат само на тоа. Раскинувањето таму не треба да ви паѓа на памет.

Во виртуелниот свет

Секако дека откачувањето на партнерот преку порака, е- mail, Facebook пост на ѕидот и сл. е безболно, и станува сè повеќе практикувано, меѓутоа овој лесен излез не ве прави достојни и вредни за почит од нејзе/него и од луѓето запознати со вашата ситуација. Ова е премногу јавен и бесчувствителен начин за прекинување на една врска.

Ваквото раскинување е најнезрелата стратегија што може да ви падне на ум.

Оваа безопасна средина е само доказ дека во себе немате почит, храброст, а ниту пак самодоверба.

За крај, оставаме на вас да изберете дали ќе ги послушате овие практични совети и ќе изберете некоја погодна локација.

А на крајот на краиштата, зарем постои идеално место за раскинување каде што зборовите помалку ќе болат?

колку и да се трудиш не верувам дека ќе успееш да го заборавиш така лесно тој бакнеж...требало навреме да мислиш и сега немаше воопшто да се измачуваш...

најдобро е да му признаеш...но бидејќи ти велиш дека не сакаш тогаш молчи си и види каква ќе биде ситуацијата откако ќе се врати...многу е веројатно да дознае од друг, а тоа повеќе боли...

p.s Темава ќе биде преместена во Љубовни совети !