Некој става и ова...

Резанец

Потребно

5 килограми свежа зелка
сол
буре
Начин на подготовка

Зелката ја миеме и ја ставаме да се исцеди. Потоа ја земаме зелката и ја ставаме на даска за сецкање, ја сечеме на половина и почнуваме да ја дробиме како за салата и веднаш ја ставаме во буре. Кога ќе имаме убава количина издробено врз зелката ставаме сол и убаво ја натапкуваме со рака или со некој потврд предмет, и се така по ред . Секоја зелка ја сецкаме на истиот начин се додека не ја исецкаме цела. Така подготвената зелка ја викаме резанец, таа стасува за 2 недели. Вака приготвената зелка може да се подготвува на разни начини. Како на пример за пита, подварок, и многу други јадења.



Пиперки со урда

Потребно

10 килограми урда
6 килограми пиперки жолти
сол
1 литар млеко
кеси за во фрижидер
неколку тегли поголеми од 5 кгр, може и помали

Начин на подготовка
Урдата ја истураме во голема вангла ја посолуваме ако не е солена и го истураме млекото. Потоа убаво промешуваме. Пиперките ги миеме и ги вадиме рачките па ги оставаме да се ицедат. Потоа земаме тегла и во теглата ставаме еден слој од урдата убаво набиваме со рака па потоа пиперките ги ставаме цели ако не ни ги собира ги сечеме на половина а може и поситно. Врз пиперките ставаме сол. Постапката ја повторуваме се додека не ни се наполни теглата. Најодозгора сечеме коцка или круг од една кесичка и ја ставаме врз урдата, а врз кесичката ставаме сол. Потоа ја затвараме теглата, така се со ред додека не се потроши урдата. Кога е готова сместена во теглите, теглите ги оставаме во просторија каде што ја чуваме зимницата.



Компот од дуњи

Потребно
5 кгр дуњи
Шеќер
Вода
тегли

Начин на поготвување
Дуњите ги миеме ги лупиме една по една како што ќе ја излупиме дуњата ја сечеме на кришки и веднаш ја ставаме во тегла.Кога ке се напуни теглата се става 4 супени лажици шеќер и во теглата се става вода се затавара капачето.Теглите се ставаат во тепсија а во тепсијата се става малку вода, тепсијата се става во рерна и се уклучува најпрво на помала температура а потоа се зголемува температурата се додека не почне да врие водата а потоа се намалува.И се остава да вријат 20 минути.Кога се готови се оставаат во рерната убаво да се изладат.

Печени Пиперки за Зима

5 кг. меснати пиперки (може бабури) масло сол вински оцет Испечете ги пиперките и оставете ги на ладно место да стојат еден ден. Утредента ставете го во едно тенџере маслото да се загрее многy и секоја пиперка провалкајте ја во маслото и веднаш извадете ја и редете ја во топла тегла. Секој ред пиперки посолете го по малку. Теглата налолнете ја и да остане З прста празна. Оставете ги пиперките уште еден ден, па потоа налејте ги со вински оцет. Теглата не ја врзувајте, туку ставете мало чиниче затоа што пиперките вријат. Кога ќе заврши вриењето додајте уште оцет како би се дополнила теглата. Сега теглата поврзете ја и оставете ја со другата зимница.

Мешана салата

Потребно:

пиперки
зелени домати
кромид
моркови
овошен оцет
сол по вкус

Приготвување: пиперките, доматите и морковите исечете ги на тркалца, а кромидот на резанки. Во теглите редете ги прво пиперките, кромидот, морковите, па доматите и така сe додека теглата не се наполни. Потоа измешајте ги овошниот оцет, солта и водата, па со тоа прелијте ги теглите и добро затворете ги.

Модри патлиџани во тегла

Потребно:

1 кг модри патлиџани
1 л оцет
150 мл масло
2 лажички сол
3 чешниња лук

Приготвување: модрите патлиџани измијте ги и добро исушете ги. Исечете ги на тркалца дебели половина сантиметар. Во пошироко тенџере варете го оцетот додека не зоврие, додадете ја солта, а потоа варете ги модрите патлиџани, дел по дел, по околу пет минути. Исцедените модри патлиџани распоредете ги во суви тегли, а помеѓу редовите ставјате од лукот ситно исечкан. Оставете ги да се изладат, па прелијте ги со оцетот во кој се вареа модрите патлиџани. На крај прелијте ги со маслото и теглите затворете ги.

Kakva rerna?!?

Na shporet, vo lonec, sherpa, golemo tendzere (koj kako go vika) :))

Jas koga stavam zimnica ili gi stavam vo relna ama na 50-80 stepeni ili gi varam na shporet.

No vo sekoj sluchaj smetam deka 150 stepeni se premnogu za teglite :)

Апетитка со везени пиперки