Каква зимница...Па сега има свеж зеленчук и овошје преку цела година. Од ајвар, лутеници ме фаќаат грчеви вом желудник, а дека не е здраво-сведок ми е мојата 100 и куњсур год. прабаба која ајварот го викаше мачен пипер. (печен, пржен-ни П од пиперка).

Пиперки со прелив

Потребно:

бабури
лук
магдонос
2-3 конзерванси
алкохолен оцет
масло
сол
рен

Приготвување: бабурите исчистете ги од семките и ставете ги во рерна само малку да се подгреат. Вака топлите пиперки редете ги во тегли, добро посолете ги и прелијте ги со течноста - во тенџере измешајте ги толчениот лук, ситно сечканиот магдонос, оцетот, маслото, солта и конзервансите. Додека ги редите пиперките во теглите, добро притискајте ги. На крај ставете во секоја тегла по две вкрстени стапчиња рен и дури утредента добро затворете ги

Потребно:

пиперки
зелени домати
кромид
моркови
овошен оцет
сол по вкус

Приготвување: пиперките, доматите и морковите исечете ги на тркалца, а кромидот на резанки. Во теглите редете ги прво пиперките, кромидот, морковите, па доматите и така сe додека теглата не се наполни. Потоа измешајте ги овошниот оцет, солта и водата, па со тоа прелијте ги теглите и добро затворете ги.

Ѓувеч во тегла

Потребно:

1/2 кг домати
2 модри патлиџана
2 бабури
2 помали пиперки
малку целерови лисја

Ова количество е доволно за тегла од еден литар.

Приготвување: модрите патлиџани излупете ги, исечете ги на коцкички, посолете ги и оставете ги малку да омекнат. Бабурите исечете ги по должина, па во добро измиени и суви тегли редете модри патлиџани, бабури, ситно сечкан целер, сечканите на парчиња пиперки и на крај сечканите домати, па се така додека не се наполни теглата. На крај ставете целер и добро затворете ги теглите. Потоа, теглите ставете ги во поголемо тенџере со вода да се варат на пареа половина час.

Модри патлиџани во тегла

Потребно:

1 кг модри патлиџани
1 л оцет
150 мл масло
2 лажички сол
3 чешниња лук

Приготвување: модрите патлиџани измијте ги и добро исушете ги. Исечете ги на тркалца дебели половина сантиметар. Во пошироко тенџере варете го оцетот додека не зоврие, додадете ја солта, а потоа варете ги модрите патлиџани, дел по дел, по околу пет минути. Исцедените модри патлиџани распоредете ги во суви тегли, а помеѓу редовите ставјате од лукот ситно исечкан. Оставете ги да се изладат, па прелијте ги со оцетот во кој се вареа модрите патлиџани. На крај прелијте ги со маслото и теглите затворете ги.

http://moirecepti.mk/post/%D0%B0%D1%98%D0%B2%D0%B0%D1%80-3-%D0%B2%D0%BE-1/" rel="nofollow - Ајвар 3 во 1 (со морков, модар патлиџан и сенф)

Состојки

• 30кг црвени пиперки
• 8 модри патлиџани
• 3кг морков
• 1,5л масло
• 3 лажици сенф
• 8 лажици шеќер
• 4 лажици сол

Подготовка

Сезоната на ајвар започна и еве еден предлог од мене.
Пиперките се мијат, печат и лупат на вообичаен начин - значи да се одстранат семенките.
Морковот се вари додека убаво омекне.
Модрите патлиџани се печат, лупат и се оставаат преку ноќ заедно со исчистениот пипер да се одцедат.
Утредента се мелат низ машина за мелење месо. Зејтинот се истура во шерпа и се загрева, па врз него се истура зарзаватот. Ајварот се пржи со постојано мешање додека лажицата не почне да прави пат (народски)
Од како ќе се испржи врел се собира во врели тегли и се остава да се олади, а потоа се складира.
На крај одкако ќе биде готов кај нас задолжително се печат колбаси на жар и ајварот може да се проба.

http://moirecepti.mk/post/%D0%B0%D1%98%D0%B2%D0%B0%D1%80-%D1%81%D0%BE-%D1%81%D0%B5%D0%BD%D1%84/" rel="nofollow - Ајвар со сенф

Состојки

• 20 кг црвени пиперки
• 10 големи црни домати
• 2л масло
• 2 раце сол
• 2 раце шеќер
• 1 мал филџан јаболков оцет
• 2 лажици сенф

Подготовка

1. Пиперките и црните домати се печат, лупат и се оставаат да се цедат цела ноќ.
2. Следниот ден се мелат во машина за мелење.
3. Во големо тенџере се става ½ л масло, а потоа пиперките. Се пржи. По половина час се додаваат црните домати.
4. Сето заедно се пржи во тек на пржењето постепено се додава масло (вкупно да се потрошат 2 литри масло) , 2 раце сол, 2 раце шеќер , еден мал филџан јаболков оцет и пред вадење 2 лажици сенф.
5. Пржењето трае окулу 3 часа.
6. Жешкиот ајвар се собира во жешки тегли.

http://moirecepti.mk/post/%D1%86%D0%B5%D0%BF%D0%BA%D0%B0%D0%BD-%D0%B0%D1%98%D0%B2%D0%B0%D1%80/" rel="nofollow - Цепкан ајвар

Состојки

• 10 кгр. ајварска пиперка
• 500 мл. зејтин
• 3-4 лажици оцет
• по вкус сол

Подготовка

Се мислев дали да напишам рецепт за ајвар... нема македонка што незнае да направи ајвар по било кој рецепт и секогаш успешен, нашиот ајвар е познат во светот, но сепак се одлучив да напишам за ајварот за кој не го мелам пиперот, туку го цепкам, не додавам ништо - ајвар само од пиперка.
ПРИПРЕМА
1. Се печи добро пиперот, се става во најлон кеса или во сад кој го поклопуваме и оставаме да одстојат малку како би се полесно лупеле.
2. Излупениот и од семките исчистен пипер се цепка.
3. Во шерпата во која ќе се вари на дното се става малку од зејтинот, се истура пиперот, а останатиот зејтин се загрева и се попарува пиперот. Се промешува и се остава да одстои околу 15 мин, по што се става на оган и се вари околу 1 час.
4. Пред самиот крај се додава оцетот и солта по ваш вкус, се меша и кратко се пропржува, се трга и се полнат теглите со топол ајвар, се затварат со капаците, се завиткуват во ќебе - да оладат.
Придружете ги овие тегли во друштвото на останатата спремана зимница!
Нека ви е слатко!

http://moirecepti.mk/post/%D0%B0%D1%98%D0%B2%D0%B0%D1%80-%D0%BD%D0%B0-%D0%BC%D0%BE%D1%98-%D0%BD%D0%B0%D1%87%D0%B8%D0%BD/" rel="nofollow - Ајвар на мој начин

Состојки

• 60 кг пиперки ајварски
• 32 парчиња модар патлиџан
• 3 литра масло

Подготовка

Време за зимници, за некого тежок, за некого интересен период.
Сите правиме различни зимници, па затоа овде сме да споделиме и размениме некој рецепт. Еве го мојот рецепт за овогодинешниот ајвар.....

Пиперките ги миеме и ги оставаме да се исушат.
Го палиме ќумбето и почнуваме со нивно печење.
Печените пиперки ги редиме во кеси и оставаме да се изладат.
Откако сме испекле почнуваме со лупење на пиперките.
Постапката ја повторуваме и со модрите патлиџани.
Откако сме ги излупиле пиперките и патлиџаните, ги ставаме во цедалка или мрежести вреќички да се исцедат од водата која ја пуштиле.
Потоа се мелат и се спремни за пржење.
Најпрво во шерпата го додаваме едното литро масло, па потоа ја префрламе мелената мешавина од пиперки и патлиџани.
Пржиме додека смесата не почне да се намалува во тавата, па додаваме уште две литри пополека во пржењето. Посолуваме. Пржењето трае подолго, затоа велам дека е најмачен во цела зимница.
Во мојот случај се пржеше приближно 5 часа.
Ајварот е готов кога ќе почне да се одделува од тавата. Прави пат како што велат постарите. Некој сака да го види маслото над ајварот кога е готов. Јас, не го сторив тоа.
Кога е готов веднаш се собира во претходно затоплените тегли и се затвара топол.
Додека го собирам во теглите, ставам друга тава со вода да се затопли. Готовите тегли веднаш ги редам во топлата вода и ги оставам да повријат, да се вакумираат капаците.
Вака подготвениот ајвар може да стои повеќе години, иако тоа не е случај кај мене. Се јаде додека да трепнеме....
Времето за подготовка е малку подолго и одзима околу два дена пополека. Вкусот е незаменлив... Минувајќи по уличкиве, мами миризот на топло ајварче... па ајде да ве видам не направете... хаха....
На здравје со вкусното ајварче и не заборавајте да земете крепа сиренце.

http://moirecepti.mk/post/%D0%B0%D0%BF%D0%B5%D1%82%D0%B8%D1%82%D0%BA%D0%B0-%D1%81%D0%BE-%D0%B2%D0%B5%D0%B7%D0%B5%D0%BD%D0%B8-%D1%87%D1%83%D1%88%D0%BA%D0%B8/" rel="nofollow - Апетитка со везени чушки

Состојки

• 3 кг црвени везени пиперки (лути )
• 5 кг патлиџани
• 300 гр масло

Подготовка

Ова е рецепт за еден прекрасен додаток на вашата софра.
Заради тоа што е премногу луто, јас решив да го изменам малку рецептот, па така изменет го спремам две години наназад.
Наместо да ставам 3 кг лути везени пиперки, јас ставам 1,5 кг благи везени и 1,5 кг лути везени.
Ги сецкаме пиперките и ги ставаме да се пржат на оган заедно со маслото.
Откако ќе се пропржат, се вадат од шерпата и во истата шерпа на истото масло се додаваат патлиџаните ситно сецкани.
Се пржат убаво патлиџаните и кога ќе добиеме густичка смеса од домата, назад во шерпата ги враќаме пиперките.
Промешуваме и посолуваме по вкус.
Пржиме уште 10 минути и топло го собираме во млаки теглички.
Добро ги затвараме теглите и веднаш ги редиме во сад со млака вода да зовријат и се вакумираат добро.
Откако ќе зовријат ги тргам на страна и така ги оставам во садот со вода додека не изладат.
Овака подготвената апетитка може да стои со години, но не верувам дека ќе издржи толку време, а да не се изеде....
Јас ја собирам во мали теглички затоа што го користам како додаток на ручекот оти е многу лутко.
Да не отварам голема тегла, па да стои подолго во фрижидер, малите ми се совршени за ова.
Мене ми се допаѓа, а вие пробајте, па кажете.....
На здравје!

http://moirecepti.mk/post/%D1%80%D1%83%D1%81%D0%BA%D0%B0-%D1%81%D0%B0%D0%BB%D0%B0%D1%82%D0%B0-%D0%B7%D0%B8%D0%BC%D1%81%D0%BA%D0%B0-%D1%81%D0%B0%D0%BB%D0%B0%D1%82%D0%B0/" rel="nofollow - Руска салата (Зимска салата)

Состојки

• 1кг. корнишони
• 1кг. моркови
• 1кг. карфиол
• 1кг. зелка
• Солило
• 750мл. алкохолен оцет
• 250мл. вода
• 500мл. зејтин
• 250гр. шеќер
• 150гр. сол
• бибер по желба

Подготовка

Во мојата фамилија зимската руска салата се подготвува со години и тоа по овој рецепт. До сега немав потреба јас сама да ја спремам, зашто секогаш се наоѓаше некој од блиските да ја спреми за мене =). Овој пат решив јас да си ја подготвам и да го споделам рецептот со вас.

Подготовка
Зеленчукот убаво се мие и се чисти. Корнишоните и морковите се сечкаат на кругчиња. Карфиолот се дели на мали цветчиња (парчиња), а зелката ситно се сецка (ренда).
Во едно длабоко тенџере ставете ги најпрво морковите, врз нив наредете ги корнишоните. Над корнишоните се реди карфиолот а најодозгора зелката.
На страна во теџере се ставаат сите состојки за солилото и се става да зоврие. Откако ќе зоврие се попарува зеленчукот, се поклопува со капакот и се остава така да отстои 15 минути.
Отворете го малку капакот од тенџерето со зеленчук и исцедете го солилото во тенџерето во кое претходно се варело. Повторно ставете го да зоврие и уште еднаш попарете го зеленчукот. Повторете го тоа и по третпат.
Откако по третпат сте го попариле зеленчукот, оставете така убаво да се олади најдобро преку ноќ. Наредниот ден полнете ги теглите со салатата. На крај, дополнете ги теглите со солило и затворете ги убаво со капаците.
Зеленчукот одберете си го по ваша желба. Јас во рецептов го напишав мојот избор. Може да ставите и пиперки, зелени домати....Бибер напишав по желба зашто нема некоја мера, ама отприлика треба да рачунате со една кесичка бибер. Од оваа мера излегуваат некаде околу 6-7 тегли.

Vardarsko-pelagoniski ajvar(licenciran)

120 kg piperki crveni....

65 parcinja modar patlidzan

6 i pol  sisinja maslo

 pripremata e standardna...pa vie kako sakate...pogore e opisana na ist nacin.se pece lupi vari pakuva i se skladira za zimo..ak ne skisne do togas.

http://moirecepti.mk/post/%D0%BF%D0%B5%D1%87%D0%B8-%D0%B3%D0%BC%D0%B5%D1%87%D0%B8/" rel="nofollow - Печи - гмечи

Шарен ајвар

Состојки:

• 12kg пиперки
• 3kg модар домат
• 2kg моркови
• 1,5l масло
• 250g шеќер
• 200ml оцет
• 4 лажици сол
• 100g сенф

Подготовка:

Пиперките и модрите домти испечете ги, излупете и сомелете. Морковите сварете ги и сомелете ги. Сите зеленчуци измешајте ги во голем сад, па додајте го маслото, шеќерот, оцетот и солта.

Варете во длабоко тенџере на умерена температура, со повремено мешање, додека не забележите згуснување на дното на садот.

Тргнете ја смесата од оган и додајте го сенфот.

Чистите и суви тегли ставете ги во рерна, вклучете ги на 100 степени и по 15-20 минути пресипете го топлиот ајвар. Затворете ги теглите, замотајте ги во пешкир и оставете ги да се изладат.

Состојки:

• 5kg домати
• 7kg црвени пиперки
• 1/2kg мали гамби
• 250g масло
• 250g oцет
• 250g шеќер
• 1-3 главици лук (по желба)
• Сол
• Магдонос

Подготовка:

Испечете ги излупете пиперките, а потоа отстранете им ги дршките и семките. Доматот изрендајте го и варете го на тивок оган со маслото, оцетот, шеќерот и солта, додека смесата не се намали двојно.

Потоа се додајте ги пиперките, па смесата пржете ја околу 30 минути. 5 минути пред крај додајте го сечканиот лук, магдоносот и малите гамби.

Теглите ставете ги во рерна, вклучете ги на 100 степени и по 15-20 минути ја пресипете лутеницата. Затворете ги теглите, замотајте ги во пешкир и оставете ги да се изладат.

Состојки:

• 10kg домати
• 10 лажици сол
• 20g мелен бибер
• 1 парче конзерванс

Подготовка:

Сомелете ги доматите во машина, па сокот ставете го во големо тенџере. Варете на силен оган, додајте сол по желба и бибер.

Варете околу 100 минути, а пред крајот додадете го конзервансот.

Кога сокот од домати е готов, тргнете го од оган и топол прелијте го во стаклени шишиња кои ќе ги затворите со метално капаче.

Шишињата превртете ги обратно и оставете ги да отстојат 5 минути. Потоа вратете ги во првобитната положба, ставете ги во кутија и замотајте ги со старо ќебе. Оставете ги да отстојат 12 часа пред да ги сместите во ладилникот.

Состојки:

• 1kg пиперки
• 500g младо сирење
• 1,5 ml млеко
• Сол

Подготовка:

Исчистете ги пиперките, посолете ги од внатрешна страна, па потоа исцедете ги од сокот кој ќе го пуштат.

Младото сирење издробете го со вилушка и по потреба посолете, па со него наполнете ги пиперките до половина и ставете ги во садот во кој ќе стојат.

Сварете го млекото со 1 лажица сол, па додека е топло, прелијте ги пиперките и добро затворете го садот.

Кога ќе се излади и преноќи, ставете го во ладилник. Уште 3 пати на секои 5 дена истурете ја вишокот течност, па прелијте со ново посолено млеко, околу половина литар, па повторете ја постапката.

По 3 седмици, чинијата ќе биде полна со цврста павлака и пиперки.

Состојки:

• 4kg зеленчук - зелка, краставички, морков, карфиол, пиперка
• 3l вода
• 7,5 dl вински или алкохолен оцет
• 120g сол
• 150g шеќер
• ½ кесичка винобран
• 3-4 листови ловор
• 1 рен
• Бибер во зрна

Подготовка:

Измијте и исчистете го зеленчукот. Карфиолот одвојте го на поситни делови, ренот излупете го и исечете го на стапчиња. Останатиот зеленчук сечкајте го по желба.

Промешајте ја водата со оцетот, солта и шеќерот додека не се истопат.

Зеленчукот ставете го во тегли, па додајте неколку стапчиња рен, ловоров лист и бибер во зрна. Наполнете ја теглата со течноста и затворете.

Консумирајте по 30-40 дена.

Состојки:

• 2kg краставички
• 2l вода
• 1l вода
• 2 главици кромид
• Копар
• 30g шеќер
• Сол
• Бибер

Подготовка:

Измијте ги и исушете ги краставичките, па со виљушка дупнете ги на неколку места.

Наредете ги во тегли и додајте го сечканиот кромид, неколку гранчиња копар и малку бибер.

Во сад измешајте ја водата, оцетот, шеќерот и солта и оставете ја течноста да зоврие.

Прелијте ги краставичките со течноста и оставете ги да отстојат во тегла околу 30 минути на 90 степени.

При подготовката на зимницата добро е да знаете:

1. Лажицата за мешање е најдобро да биде дрвена

2. Користете садови од материјали кои не рѓаат

3. Зимницата чувајте ја на темно, суво и студено место.

4. Никогаш не користете повеќе конзерванси од пропишаната доза, заради тоа што се хемиски средства.

5. За туршија и кисели краставички најдобри се краставичките со рапава кора.

6. За конзервирање најпрепорачливи се ситните домати.

7. Користете само зрели, здрави и квалитетни плодови.

8. Зеленчукот варете го во здрави, неоштетени садови.

9. Сите тапи за шишиња темелно измијте ги во зовриена вода.

10. За зимница користете исклучиво јодирана сол.

Кој е вашиот рецепт или трик за вкусна, сочна зимница?

http://www.crnobelo.com/hrana/recepti/25909-recept-od-iskusnite-domakjini-domasen-i-vkusen-ajvar-bez-maka" rel="nofollow -

Ако оваа година немате доволно време и услови за да печете пиперки, да ги лупите, мелете, тогаш искористете го овој едноставен и лесен трик.

Ајварот кој се продава по маркетите, пред да го консумирате мора да се пропржи, но со овие додатоци не само што ќе добиете половина тегла повеќе ајвар, туку тој ќе го има и истиот вкус како домашниот.

За подготовка ви се потребни следниве состојки:

• 5 тегли готов ајвар
• 3 модри домати
• Масло

Количината ајвар и модар домат можете да ги одредите сами.

Начин на подготовка:

Модриот домат ставете го во рерна да се испече, а откако ќе завршите со печењето излупете го и измелете го. Во едно тенџерче истурете го готовиот ајвар, а потоа додајте го измелениот модар домат, заедно со малку масло. Ајварот и модриот домат пржете ги 1 час.

Пред да завршите со печењето, затоплете ги теглите во рерна, а потоа жешкиот ајвар префрлете го во нив. Складираниот ајвар ставете го повторно во исклучена рерна да отстои неколку часа, дури потоа изладете го во фрижидер.

Сепак, највкусен е ако го консумирате веднаш по пржењето додека е тазе со топло крцкаво лепче кое ќе ви се топи во устата.

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/34146-idei-za-zimnica-polnet-modar-patlidzan-brz-ajvar-i-polneti-piperki-so-zelka" rel="nofollow -

Ладните денови се како создадени за вкусна зимница која сте ја подготвиле однапред, во текот на топлите денови, а ова време е идеално токму за тоа - подготовка на вкусна зимница.

Па еве неколку интересни рецепти кои можете да ги ставите на вашата листа за подготовка за оваа зима:

Полнет модар патлиџан

Потребни состојки:

• 4 – 5 Модри патлиџани
• 1 Црвена пиперка
• 1 Жолта пиперка
• 2 Моркови
• 4 – 5 Чешниња лук
• Магдонос
• 1l Вода
• 4 – 5 Лажички сол
• 1 Лажичка шеќер
• Половина кесичка конзерванс

Подготовка:

Модриот патлиџан добро измијте го и отстранете ги дршките. Секое парче патлиџан пресечете го од една страна, ставете ги во сад, полијте ги со вода, малку посолете ги и гответе ги околу 5 до 6 минути.

Потоа, извадете ги од водата, процедете ги и оставете ги да се оладат.

Зеленчукот исчистете го и измијте го. Пиперките исечкајте ги на тенки полукругови, морковот изрендајте го, магдоносот и лукот ситно исечкајте ги, посолете ги по вкус и измешајте ги.

Со оваа смеса добро наполнете го секој модар патлиџан и модрите патлиџани ставете ги во тегли.

Во сад ставете ги водата, солта и шеќерот и кратко варете ги сè додека шеќерот не се растопи, а потоа додадете го и конзервансот.

Течноста ставете ја во секоја тегла, теглите затворете ги и оставете ги да стојат два дена на собна температура, а потоа ставете ги во фрижидер уште два дена.

Брз Ајвар

Потребни состојки за една тегла:

• 8 Црвени пиперки
• 8 Чешниња лук
• 2 Лажички маслиново масло
• Сол и бибер

Подготовка:

Пиперките измијте ги и печете ги додека не добијат речиси црна боја. Тргнете ги од огинот и ставете ги во тава која претходно сте ја намачкале со маслиновото масло. Сега пржете ги пиперките на тивко додека не омекнат. Потоа ставете ги во алуминиумска фолија и оставете ги 10 минути.

За тоа време исечкајте го лукот.

Пиперките оголете ги и вратете ги во тавата во која ги готвевте заедно со лукот и пржете ги уште 2 – 3 минути.

Така подготвените пиперки ставете ги во блендер, додека не добиете каша. Добиената смеса зачинете ја по желба.

За да трае подолго, вакумирајте ги во претходно стерилизирана тегла.

Полнети пиперки со зелка

Потребни состојки:

• 4kg Бабури
• 4kg Рендана зелка
• 1l Оцет
• 3l Вода
• 250g Шеќер
• 200g Сол
• Кесичка винобран
• Кесичка конзерванс
• 20 – 30g Бибер

Подготовка:

Преливот за пиперките треба да го готвите 1 ден порано за да се олади. Заедно ги готвите: оцетот, водата, шеќерот, солта, винобранот, конзервансот и биберот. Истите ги варите околу 15 минути.

Пиперките добро измијте ги и оставете ги да се цедат. За тоа време изрендајте ја зелката, посолете ја и добро промешајте ја со раце. Стискајте ја додека мешате, а потоа оставете ја 10 минути да омекне.

Пиперките наполнете ги со зелката, а потоа редете ги во теглите. Откако ќе ги наполните сите тегли, ставете ја течноста која сте ја подготвиле претходниот ден.

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/34659-predlog-zimnica-kiseli-piperki-vo-tegla" rel="nofollow -

Пристигна времето за подготовка на зимницата во која ќе уживаме цела зима, а еден од најдобрите рецепти во кој можете да уживате секојдневно како прилог или оброк се киселите пиперки.

Нив можете да ги јадете како салата, да ги извадите на трпезата како мезе или од нив да подготвите некој вкусен ручек.

Како да подготвите зимница од кисели пиперки?

Потребни состојки за 3kg зимница:

• 1l 9% алкохолен оцет
• 3l вода
• 2dl масло
• 1 голема лажица сол
• 1 голема лажица шеќер
• Бибер во зрна
• Лук
• Магдонос по желба

Подготовка:

Пиперките добро исчистете ги, отстранете ги семките и избодете ги со чепкалка.

Во голем сад измешајте ги сите состојки за подготовка на течноста, освен лукот и биберот. Течноста треба да врие и во неа да ставате по 8 до 10 пиперки и да ги оставате да вријат по 2 до 3 минути.

На дното на теглите исечкајте го лукот и ставете по неколку зрна бибер. На нив ставете ги пиперките кои вриеле во водата.

Ставете нови пиперки во водата.

Повторувајте ја постапката додека не ги сварите сите пиперки и ги ставите во теглите. Наполнете ги теглите со водата во која сте ги вриеле, добро затворете ги теглите.

Оставете ги да стојат најмалку 7 до 10 дена и потоа можете да ги консумирате. 

-------------
Јакиот човек има само една слаба страна-жената што ја сака!

Како се прави највкусниот ајвар?

http://www.kafepauza.mk/zivot/zdrav-recept-za-zimnica-bez-konzervansi/" rel="nofollow -

http://www.crnobelo.com/hrana/recepti/43384-vkusen-pindzur-po-tradicionalen-makedonski-recept" rel="nofollow -

Македонија е земја која е позната по своите вкусни зимници, а на врвот на оваа листа се наоѓаат секако ајварот и пинџурот.

Традицијата на подготовка на вакви јадење датира многу одамна, а рецептите за тоа како да направите вкусен  http://www.crnobelo.com/hrana/recepti/43371-recept-za-pravenje-ajvar-vo-stan" rel="nofollow - ајвар  или пинџур се пренесувале од генерација на генерација.

Ако оваа есен решите да ги засукате ракавите и да подготвите некоја од овие традиционални зимници, во продолжение ви нудиме рецепт за вкусен пинџур.

Потребни состојки:

• 3 kg црвени пиперки
• 1,5 kg модри патлиџани
• 1,5 kg домати
• 150 g лук
• 2 dl масло
• 250 g лути пиперки
• по 1 лажичка сол и шеќер

Подготовка:

1. Испечете ги пиперките, модрите патлиџани и доматите, излупете ги и сомелете ги во машина за месо.

2. Ставете го маслото да се згрее во големо тенџер, па додадете го мелениот зеленчук. Додадете ги солта, шеќерот и исечканиот лук. Оставете да се динстаат 10-15 минути. Пред самиот крај додадете ги лутите пиперки, кои претходно малку сте ги запекле, но внимавајте истите да не се распаднат, туку да останат цели.

3. Жешкиот пинџур ставете го во топли, стерилизирани тегли кои веднаш ќе ги затворите и ќе ги оставите превртени да отстојат преку ноќ додека не се изладат

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/43827-4-recepti-za-domashna-lutenica" rel="nofollow -

Пиперки, домати, модри патлиџани... Сите овие производи ни се омилени на лето, но нема причина зошто да не го почувствуваме нивниот вкус и кога времето ќе застуди.

Токму од таа причина, нашите баби смислиле одлични рецепти со кои можеме да направиме вкусна лутеница како зимница.

Оригиналниот рецепт е лут и токму затоа се нарекува лутеница, но ако не сте фан на лутиот вкус тогаш можете да го правите и со благи пиперки.

Лутеница (Прв рецепт)

Потребни состојки:

• 6kg црвени месни пиперки
• 4kg домати
• 1/2l вински оцет
• 1/2l сончогледово масло
• 250g шеќер
• 1 врзувалка магдонос
• 2 - 3 главици лук

Подготовка:

Пиперките испечете ги, излупете ги и исчистете ги од семките, а потоа исечкајте ги на ситно.

Доматите измелете ги на машина за месо.

Маслото, оцетот и шеќерот оставете ги да провријат, а потоа додадете ги доматите.

Гответе додека доматот не е готов.

Додадете ги сечканите пиперки и уште гответе.

На крај додадете ги магдоносот и лукот.

Зготвената смеса соберете ја во жешки дезинфицирани тегли и чувајте ги за зима.

Македонска лутеница

Потребни состојки:

• 7kg црвени пиперки
• 5kg домати
• 1kg лути пиперки
• 1 шолја шеќер
• 1 шолја вински оцет
• ½ шолја сончогледово масло

Подготовка:

Испечете ги пиперките, излупете ги и убаво исчистете ги од семките. Оставете течноста од нив добро да се исцеди.

На оган ставете го излупениот домат да се готви околу еден час, додека смесата не стане густа.

Со помош на миксер можете и убаво да ги изблендирате.

Во сосот од домати ставете ги пиперките кои сте ги пресекле на покрупни парчиња, убаво измешајте, додадете го маслото и оставете да се готви еден час.

Потоа додадете ги оцетот и шеќерот и гответе околу 30 до 50 минути.

Пред самиот крај ставете исечкан магдонос.

Врелата лутеница ставајте ја во жешки тегли и преку ноќ оставете ги теглите замотани во материјал, една до друга.

Лутеница со модри патлиџани

Потребни состојки:

• 2kg модар патлиџан
• 2kg црвени месни пиперки
• 3 лути феферони
• 250ml сончогледово масло
• 60g шеќер
• 150ml јаболков оцет
• 4 чешниња лук
• Сол по желба

Подготовка:

Претходно излупените модри патлиџани ставете ги во врела вода, а потоа добро исцедете ги и наредете ги да се сушат.

Пиперките и лутите феферони добро измијте ги и избришете ги. Печете ги со повремено движење на рерна од 200 степени.

Кога ќе се испечат, ставете ги во стаклен сад и прекријте ги со крпа.

Во широк сад половина од количината масло додадете ги модрите патлиџани и мешајте додека не омекнат.

Пиперките излупете ги и исечкајте ги. Додадете ги на патлиџаните. Потоа додадете ги шеќерот, оцетот, лукот, солта и остатокот од маслото и продолжете да мешате кратко.

На крајот смесата наредете ја во претходно дезинфицирани тегли.

Македонска лутеница (Втор рецепт)

Потребни состојки:

• 4kg модри патлиџани
• 4kg црвени пиперки
• 3 - 4 парчиња лути феферони
• 5 парчиња лук
• 4 лажици шеќер
• 3 лажици сол
• 1 лажица Вегета
• 400ml масло
• 100ml оцет
• 1 вреќичка конзерванс

Подготовка:

Излупените и исечкани на ситно модри патлиџани, ставете ги во врела вода и оставете ги кратко време. Потоа добро исцедете ги.

Пиперките добро измијте ги и исперете ги и во сад со алуминиумска фолија покријте ги и печете ги околу 50 минути на 200 степени.

После печењето покријте ги и оставете ги 10 минути да се оладат.

Во широк сад загрејте го маслото и додадете ги подготвените модри патлиџани и мешајте ги на тивко додека не омекнат - околу 30 минути,

Оладените пиперки излупете ги и ситно исечкајте ги на коцки. Додадете ги во патлиџаните.

Додајте ги шеќерот, оцетот, лукот, фефероните, солта и вегетата и гответе околу 40 до 50 минути. Тргнете ги од рерна и додадете го конзервансот.

Полнете ја смесата во стаклени тегли претходно згреани и дезинфицирани.

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/43876-polneti-luti-pipercinja-so-kajmak" rel="nofollow -

Според многумина ова е рецепт кој води потекло од Грција, но луѓето низ светот го прифатиле заради неговиот специфичен вкус и спој на состојки.

Ако сте љубители на лута храна, ова може да биде одлично предјадење или додаток на главното јадење.

Потрбни состојки:

• 20 помали црвени и зелени пиперки
• 3 dcl оцет
• 1,5 l вода
• 3 лажици масло
• 30 dkg кајмак (може да го замените со меко сирење или урда)
• 1 лажичка сол

Подготовка:

Исчистете ги пиперките од семето, водејќи сметка да не направите преголема дупка.

Загрејте ја водата со оцетот и солта до точка на вриење. Ставете ги во неа пиперките и оставете ги околу 1 мин во водата.

Извадете ги пиперките и оставете да се исушат. Откако ќе се исушат наполнете ги со кајмак, но само 2/3 бидејќи во спротивно кајмакот ќе ви се излее.

Зовријте солена вода (околу 1 литар), додадете масло и оставете да се излади.

Пиперките наредете ги во стаклен, сув и чист сад по можност со подлабоко дно, така што со отворите ќе бидат свртени една кон друга. Внимателно прелејте ги со солената вода и масло и затворете го садот. Вака подготвени пиперките можете да ги чувате во фрижидер до 30 дена.

Напомена: Најдобро би било да ги наредите пиперките во правоаголен плиток сад, бидејќи така ќе изгледаат најубаво и кајмакот нема да истече.

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/43760-recept-za-pocetnici-kako-da-napravite-kisela-zelka" rel="nofollow -

Зимата не може да почне додека немате кисела зелка во некое буре. Или барем така велат мераклиите на вкусно мезе.

Ако сакате за првпат да поткиселите зелка, а не знаете како да го направите тоа лесно и брзо, ова е рецептот кој ви треба:

Состојки:

• Зелка
• Корен од морков
• Варено цвекло или рен
• Сол

Подготовка:

Зелката оставете ја да отстои 2-3 дена. Исчистете ја од надворешните листови и дел од коренот, па измијте ја. Во извадениот корен ставете сол и редете ги плодовите во буре со коренот нагоре.

Помеѓу целите главици зелка ставајте полукругови и четвртинки корен од морков и варено цвекло или рен.

Притиснете со рацете и прелијте со ладна вода. Покријте со чиста крпа или капак.

Преточете (со црево извлекувајте ја водата и враќајте ја назад во бурето) во почеток двапати неделно, а потоа еднаш неделно додека не се закисели.

Важно: За 50kg зелка потребни се околу 800g сол.

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/43538-brza-zimnica-susheni-domati-vo-maslinovo-maslo" rel="nofollow -

Доколку подготовката на класична зимница ви претставува огромен напор, а сепак сакате да стокмите неколку тегли и да се почувствувате домаќински, ви нудиме лесен рецепт – зачинети сушени домати во маслиново масло.

Доматчињата ќе ви се најдат врз пица, брускети или со тестенини. Совршено одат и во комбинација со фета сирење или моцарела, како и во сендвичи.

Потребни состојки за тегла од 250ml:

• 15-20 шери домати
• 3 чешниња лук
• 1 лажица мајчина душица (или оригано)
• 1 лажица рузмарин
• 3 лажици + дополнителни 200ml маслиново масло
• 1 лажица шеќер
• Малку сол

Подготовка:

1. Измијте ги доматите и пресечете ги на половина.

2. Наместете ги доматите врз хартија за печење во плех со исечената страна нагоре. Попрскајте ги со 3 лажици маслиново масло, додадете шеќер, сол, мајчина душица и рузмарин.

3. Загрејте ја рерната на 100 степени и сушете ги доматите 4-6 часа. Имајте предвид дека времето на сушење и температурата може да варираат во зависност од моќноста на вашата рерна и големината на доматите.

4. Во чиста и стерилизирана тегла истурете 200ml маслиново масло. Додатете уште малку од зачините (оригано, мајчина душица, рузмарин) и лукчињата. Додадете ги сушените домати.

Откако добро ќе се олади, чувајте ја теглата во фрижидерот.

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/43806-recept-za-kiseli-piperki-vo-tegla" rel="nofollow -

Пиперките изобилуваат со витамин Ц, кој не се губи доколку истите се замрзнат или закиселат.

Токму затоа, сега е вистинско време да направите вкусна зимница од пиперки, којa ќе биде одличен извор на витамини за вашето тело во текот на зимскиот период.

Состојки:

За 3 kg пиперки:

• 3 kg црвени пиперки
• масло
• 6 dl вода
• 2 dl алкохолен оцет (9%)
• 1 полна лажица сол
• 1 полна лажица шеќер
• 3 лажици црн бибер во зрно

Начин на подготовка:

Верзија 1: Со печени пиперки

Измијте ги и избришете ги пиперките, па наредете ги во подмачкан плех, попрскајте ги со масло и печете ги во рерна по 20 минути од секоја страна.

Теглите ставете ги во поголем сад со вода да се стерилизираат на тивок оган околу 30 минути.

Исечените пиперки излупете ги, извадете им го семето и наредете ги во теглите.

Подгответе смеса од вода, оцет, шеќер, сол и црн бибер. Добро измешајте додека шеќерот не се стопи.

Теглите со пиперки наполнете ги со подготвената смеса така што на врвот ќе имате два празни сантиметри. Веднаш затворете со капаци.

Наполнете ја шерпата со вода до половина, наредете ги теглите и оставете да се варат 5 минути.

Верзија 2: Непечени пиперки

Свежите пиперки измијте ги и исечете ги на поголеми парчиња.

Стерилизирајте ги теглите според горенаведениот начин.

Исечканите пиперки, ставете ги во теглите и прелијте ги со смесата од вода, оцет, сол, шеќер и црн бибер. Затворете со капак.

Ставете ги во вода на умерена температура околу 5 минути, а откако ќе се изладат чувајте ги на ладно и темно место.

-------------
Јакиот човек има само една слаба страна-жената што ја сака!

http://www.crnobelo.com/hrana/recepti/43384-vkusen-pindzur-po-tradicionalen-makedonski-recept" rel="nofollow - - Вкусен пинџур по традиционален македонски рецепт

Традиционални рецепти за зимница од мелени домати