Вести

Манчестер Сити воопшто нема намера да прекине со својата активност на трансфер пазарот. Следното големо име кое граѓаните се решени да го купат е Дидие Дрогба.

Ова го потврди лично агентот на напаѓачот од Брегот на СЛоновата Коска, Тиеро Сејди. Тој призна дека разговарал со представниците на СИти а Сан веќе напиша дека понудата за голгетерот на Челси е 20 милиони фунти.

Изданието дополни дека небесносините се спремни да му предложат на Дрогба 3-годишен договор со вкупна вредност од 18 милиони фунти.

„Денес Дрогба е во Челси но до 31 Август се можни изненадувања. Точно е дека сум разговарал со луѓе од Сити. Дидие има 32 години и не може да се одрече дека на таа возраст финсискиот аспект е значително поважен“, кажа Сејди за Радио Монте Карло.

Тој сепак дополни дека секој клуб кој сака да го донесе Дрогба од Челси треба да направи доста напори со оглед на тоа дека на Стемфорд Бриџ напаѓачот се чувствува прекрасно а и дека цената му е висока.

Во текот на минатата сезона поранешниот ас на Олимпик Марсеј постигна 29 погодоци и му помогна на Челси да стигне до двојна круна во Англија.

Бразилскиот репрезентативец Луиш Фабиано најверојатно ќе ја продолжи својата кариера во тимот на Севиља покрај шпекулациите дека тој би преминал во Јунајтед или Тотнем.

Италијанскиот гигант Милан исто така долго време го следи 29-годишниот напаѓач кој постигна четири погодоци на Светското првенство во ЈАР.

„Точно е дека неколку клубови се интересираат за мене но не сум преговарал со никого. Многу сум среќен во Севиља и никогаш не сум рекол дека сакам да го напуштам тимот за да отидам во Манчестер Јунајтед или во Милан“.

„Тие тимови се едни од најголемите во Европа но исто така и Севиља е дел од најдобрите состави моментално“, кажа Луиш Фабиано кој потврди дека се водат преговори за продолжување на договорот со Севиља.

„На 26. Јули се враќам во Шпанија и ќе се приклучам кон подготовките на Севиља. Треба да работам напорно зошто во последнта сезона се предатавивме добро во Лигата на Шампионите сега мораме да учествуваме во квалификациите и да се обидеме да влеземе во групите“, дополни Фабиано.

Тетекс – Вентспилс 3:1 (2:0). Тетекс успеа да елиминира екипа која минатата година се натпреваруваше во групите на УЕФА Европа лигата. Стравот од противникот од Летонија, го снема веќе по првите неколку минути. Тетовчани играа пожртвувано, сечејќи ги акциите на противникот уште во средината на теренот.

Во 16 минута резултатот го отвори Генц Хисени кој со глава ја спроведе топката во мрежата по изведениот слободен удар на Захариевски. Уште 16 минути поминаа и Тетекс поведе со 2:0, а голот беше дело на соло акција на Димче Ристевски, кој сам дојде на неколку метри од голот, биеше од мртов агол, топката погоди еден играч на гостите и заврши во голот. По овој гол на сите на стадионот им олесна и можеше да се ужива во фудбалот на спарното попладне на Филип Втори.

Во второто полувреме по 10 минути игра топката подолго време кружеше во шеснаесетникот, конечно дојде до Глигоровски и тој од 11 метри со силен удар ја упати кон голот, а топката од стативата се одби во мрежата. Тетекс поведе со 3:0 и гостинските играчи и стручниот штаб се помирија со пораз во Скопје.

Единствениот гол гостите го постигнаа преку Беспаловс на 10 минути до крајот кога одбиената топка од голманот ја пласира во голот.

Стојановски погоди и статива во финишот, а пред самиот крај Марко Јовановски атрактивно одбрани бомба удар кон неговиот гол од само неколку метри.

Тетовчани непотребно заработија шест жолти картони во игра во која немаше потреба од нервоза, па така ослабнати ќе го дочекаат наредниот противник во третото коло.

На прес конференцијата тренерите на екипите си поделија комплименти.

„Целта ја постигнавме. Првиот гол падна рано и ни се отвори простор на теренот за полесно да стигнеме до противничкиот гол. Тоа вроди со резултат. Вентспилс минатата година играше во групите но оттогаш им заминаа искусни играчи и се надевам овој млад состав брзо ќе се врати на старите патеки„ изјави тренерот на Тетекс Тони Јакимовски.

„Направивме две неверојатни грешки и тоа скапо не чинеше. По двата примени гола екипата падна на психолошки план и мечот беше решен. На Тетекс му пожелувам успех во наредните мечеви“ беа зборовите на тренерот на Вентспилс Заветери Мунцио