Локална власт

Решенија за плаќање данок на имот се делат на улица

Граѓаните револтирани

Фирма ангажирана од градот Скопје во населбата Ново Лисиче граѓаните ги повикува од домовите за решенијата за да им ги врачи на тротоар.

Хонорарците ангажирани од компанијата се разбегаа штом ги видоа камерите.

Граѓаните не се револтирани само од начинот на издавање на решенијата туку и од нестручноста на ангажираните работници.

„Добивме решение, вели оди провери за син ти, син ми е во Грција. Трет пат доаѓам, да провери дали има, он не сака ни да провери“

„Ова е најголема глупост, досега во сандаче ги носеа и се беше во ред. А ова сега, каде се луѓето“, беа некои од реакциите на граѓаните.

Решенијата ги дели фирмата Глобко Логистик која од градот Скопје го добила тендерот за врачување на решенијата.

Според договорот решенијата требале да им ги достават на граѓаните на рака или да ги повикаат да ги подигнат на шалтерите на Прокредит банка.

„Немам таква информација дека фирмата ги дели овие решенија на тротоар или на улица. Работата ќе ја испитаме и ќе превземеме одредени мерки доколку е тоа така“, изјави Неделчо Крстевски, портпарол на Коце Трајанов.

Од Глобко Логистик не сакаа да кажат зошто работат на таков начин.

„Ова е приватна фирма за брза испорака и затоа се земаат од штандови“. -Зошто од штандови, од градот Скопје ни кажаа дека треба да ги подигаат во Прокредит банка? -Не, не, не е точно. -Зошто ги делите на штандови на улица? -Немам повеќе коментар.

Луѓето велат вака се плаќал данокот на имот во Африка во минатиот век.

„Пред 40 години сум бил во Египет, таму ќе закачат известување на бандера и луѓето си читаат, се пријавуваат. Ова е срамота и брука“, изјави еден граѓанин.

Данокот на имот е еден од начинот на кој се полни буџетот на Скопје, и додека градот го испита случајот неговите граѓани остануваат да чекаат на тротоарите да го платат данокот.

ВМРО-ДПМНЕ....и се  е можно...