Споменик и за Аларова

Деспина Трајковска-Utrinski vesnik

Изградба на споменици, изработка на наменски урбанистички планови, театарски акции за уривање дивоградби и зачестени јавни фронтови на релација со скопскиот градоначалник Костовски. Ова се очигледно приоритетните активности на Општина Центар, ако под скенер се стават последните три години од вториот мандат што го тера градоначалничката Виолета Аларова.

Иако навидум вешто ја избегнува јавноста да одговори на стотици прашања, веќе и на децата им е јасно дека таа не им е во функција на граѓаните кои ја избрале, туку на оние што и' дале можност да се смести во фотелјата. Сега (не)оправдано провидно работи во нивна служба - и тоа специјализирана за изградба на споменици. Милионски суми кои се една третина од буџетот на општината за 2009 година се планирани за таа намена, иако се иницијатива на Министерството за култура, односно Владата.

И седниците на Советот се зачестени, но не во функција на граѓаните. Напротив, да се даде виза за спомениците. Секоја чест за замисленото, но што е многу, многу е. Што ќе му се лавови на мостот „Гоце Делчев“ на еден маџирмаалец кој врши нужда во полско веце, зашто Општината со години, наводно, не може да донесе урбанистички план за маалото. Тој додека стаса да ги види спомениците - ќе се извалка во кал до гуша. Ќе треба да маневрира по раскопаните сокаци по кои светло има дење, наместо ноќе. Ќе треба да ги „прелета“ терасите на кафанџиите-узурпатори...Овие „мали“ проблеми очигледно не се на листата приоритети на градоначалничката Аларова, пардон, на Владата. А, Владата, во знак на благодарност можеби ќе поведе иницијатива за изградба на споменик во чест на Аларова.

... Moze da se napravi aleja na gradonacalnici... usleshni i neuspeshni...kaj otidoa tolku pari...neka otide ushte nekoj...denar.

СКАНДАЛ НА ПОСЛЕДНАТА СЕДНИЦА НА ЕКС-СОВЕТОТ НА ОПШТИНА КИСЕЛА ВОДА

Новинарите на јавен линч!

Бесрамнице! Јас не знам со кој образ дојде овде пред сите нас. Марш надвор. Овде има чесни луѓе, кај ти е личната етика. Не може овде никој паметен да се прави. Излези овде, на говорницата да се извиниш јавно", беа само дел од отровните стрели упатени од јавната говорница кон седмата сила

Скандал на последната седница на Советот на Општина Кисела Вода од стариот мандат! Советниците на заминување, очигледно загрижени само за службените лаптопи кои ги користеа и сакаа да ги присвојат без притоа да дознае јавноста, упатија јавни закани кон новинарите кои ја обелоденија нивната намера. Имено, тие на една од минатите седници донеле одлука за да ги земат лаптопите, а за возврат да се откажат од надоместокот што им припаѓал за јанаури, февруари и март, за седници на координативни тела кои според општинската евиденција, никогаш не биле одржани. И покрај тоа што оваа одлука ја поништи Уставниот суд, советниците го искористија правото по втор пат да ја усвојат.

Најострите зборови, закани и навреди кон новинарите беа изговорени од устата на советничката Лепа Шеќерова, инаку просветен работник, педагог. Таа на седницата дојде со 35-минутно задоцнување, но сепак ја искористи можноста уште задишана да земе збор и преку микрофоните да ја исплука новинарската професија, а новинарите да ги набрка надвор, небаре и дошле кај неа дома на гости. Шекерова особено беше гневна на една новинарка која претходно неколкупати пишувала за оваа скандалозна одлука која патем, беше поништена и од Антикорупциската комисија и од Уставниот суд.

"Бесрамнице! Јас не знам со кој образ дојде овде пред сите нас. Марш надвор. Овде има чесни луѓе, кај ти е личната етика. Не може овде никој паметен да се прави. Излези овде, на говорницата да се извиниш јавно", беа само дел од отровните стрели кои Шекерова ги упати од јавната говорница. Претседателот на Советот на општината Зоран Антовски, се обиде но не успеа да ја замолчи, па мораше да ги исклучи микрофоните. Потоа настана мешаница. Дел од членовите се оградија од зборовите на нивната колешка, дел ја поддржуваа. "Вие сакате само сензации!; Не смеете да пишувате што ќе ви текне!; Ќе ве тужиме!; наспроти "Оставете ги, тие си се на работа исто како нас; Не се сите исти;...викаа свртени кон присутните новинари. Овој вербален линч воопшто не беше пријатен за претставниците на медиумите кои редовно ја следат работата на локалната власт. Нивната задача е да слушаат и да информираат а не да се објаснуваат со советниците.
- Дали ова значи дека некој сака да не замолчи, да не контролира или пак да не спречи во извршување на службената задача!? Дотолку повеќе што се наоѓаме во периодот на фискалната децентрализација кога општините стануваат се понезависни од централната власт и добиваат се поголеми ингеренции - реагираа тие.

Новинарите, сепак, не се уплашија. Успеаја да дознаат дека до вчера, до 14.30 часот од вкупно 23 советници од лаптопите се откажале само четворица. Новите советници кои утре треба да ја одржат првата конститутивна седница ќе останат без основен алат за работа бидејќи општинската комуникација е целосно компјутеризирана. Советниците ги добиваат и материјалите за секоја седница во електронска форма. Сега, доколку екс-советниците не ги вратат лаптопите ќе треба да поминат три-четири месеци за да се распише тендер за набавка на нови.

Беџети со зурли влезе во кабинетот

Со звуците на зурли и тапани новиот градоначалник Сади Беџети од ДПА вчера влезе во тетовската општинска зграда, каде што ја презеде функцијата од досегашниот прв човек на градот Хазби Лика. Се надевам на фер соработка и не очекувам опструкции од централната власт во реализирањето на инфраструктурните проекти. Нема да има никаков реваншизам кон досегашната општинска администрација, ќе биде задржан и проширен досегашниот мултиетнички начин на работа - изјави Беџети.

ninja_34 напиша: """""Најострите зборови, закани и навреди кон новинарите беа изговорени од устата на советничката Лепа Шеќерова, инаку просветен работник, педагог. Таа на седницата дојде со 35-минутно задоцнување, но сепак ја искористи можноста уште задишана да земе збор и преку микрофоните да ја исплука новинарската професија, а новинарите да ги набрка надвор, небаре и дошле кај неа дома на гости. Шекерова особено беше гневна на една новинарка која претходно неколкупати пишувала за оваа скандалозна одлука која патем, беше поништена и од Антикорупциската комисија и од Уставниот суд. """"" ---Lele majko, ja poznavam licno Lepa. Znaev deka e idiot vo privatniot zivot ama ne znaev deka e do tolku zabegana. Inaku licno bev prisuten koga na dve novovraboteni nastavnicki od ucilisteto vo koe raboti, po telefon im objasnuvase kako treba da obezbedat najmalku po 15 prijateli, koi treba da glasaat za nejzinata politicka opcija, oti vo sprotivno "ne bilo sigurno dali ke dobijat resenija za rabota"

ПО ВЕРБАЛНИОТ НАПАД ВРЗ НОВИНАРИТЕ НА ПОС­ЛЕД­НА­ТА СЕДНИЦА ВО КИСЕЛА ВОДА

ЗНМ бара одговорност од советничката Лепа Шеќерова

Здру­же­ни­е­то на новинари на Македонија ја осуди советничката од Општина Ки­се­ла Вода Лепа Шеќерова, која завчера, на последната седница на Советот вер­бал­но ги нападна новинарите. Од ЗНМ велат дека вербалниот напад на со­вет­нич­ка­та врз новинарите и речникот со кој таа се изразувала, кој не му прилега на еден просветен работник и педагог, зборува оти луѓето што ги тро­шат народните пари мора да го коригираат нивното однесување пред јав­нос­та и новинарите, почесто да бидат повикувани на одговорност и отчет, а не со седнувањето во фотелјата да стануваат недопириливи за оние што ги из­бра­ле.
ЗНМ го осуди и отсуството на реакција од Советот на Општина Кисела Вода и не­го­ви­от претседател, кој вокабуларот од овој сериозен инцидент го исклучил од за­пис­ни­кот на седницата, бришејќи го на тој начин непријатниот линч врз но­ви­на­ри­те на јавна седница на Советот на Општината.
"За­да­ча­та на новинарот е да ја следи работата на Советот и за тоа да ин­фор­ми­ра, без разлика дали некому му се допаѓала вистината што тој ја напишал или открил, или не. Инсистираме на одговорност на советничката и на сите вклу­че­ни актери во овој немил настан", се вели во соопштението на ЗНМ.
Ле­па Шеќерова, советничка од ВМРО - ДПМНЕ во досегашниот Совет на Ки­се­ла Вода, завчера вербално нападна новинар на "Вест", разочарана од тоа што бил објавен текстот за присвојувањето на општинските лаптопи со од­лу­ка која ја донесе Советот на 27 февруари годинава.

Советниците по четири години уживање на општински трошок како да подзаборавија дека имаат одговорност пред своите гласачи кои всушност ги поставиле таму кај што се

Темна дамка на претпразничната атмосфера во неделата што измина беше скандалот што се случи на последната седница на Советот на Општина Кисела Вода од стариот мандат! Советниците на заминување, очигледно загрижени само за службените лаптопи, за мобилните телефони и паушалите, упатија јавни закани кон новинарите кои пишуваа за нивната противуставна одлука за да ги присвојат општинските лаптопи. Од јавната говорница одекнаа најпогрдни зборови, закани и навреди кон новинарската професија, а новинарите дури беа набркани надвор, небаре им дошле дома на гости.

Но, ова нивно однесување отвора нова дилема. Советниците по четири години уживање на општински трошок како да подзаборавија дека имаат одговорност пред своите гласачи кои всушност ги поставиле таму кај што се. Наместо последната седница да ја искористат да направат евалуација на својата работа, тие се расправаа за лаптопите, за мобилните телефони што им биле предвреме исклучени, за некои бонуси кои се уште не им биле исплатени... Како да подзаборавија дека пред четири години ги уверуваа граѓаните дека токму тие се вистинските лица кои ќе умеат да им ги решат проблемите. Дека ќе им го олеснат секојдневието, дека ќе работат за нив. Дека личните интереси ќе ги остават настрана и ќе работат за доброто на заедницата.

Иако меѓу екс-советниците имаше голем број ентузијасти кои напорно работеа и жолчно се бореа за доброто на заедницата, сепак ниту еден од нив, индивидуално или како советничка група, не само во Кисела Вода, туку и во другите скопски општини, не излезе јавно на говорница за да ги покаже резултатите од својата четиригодишна работа. Не слушнавме никого да презентира колку активности иницирал самиот, кои проекти поддржал а кои не, да каже што не успеал да одработи и од која причина...

Да се надеваме дека оваа практика ќе се смени. Дека во овој, новиов мандат, ги избравме вистинските советници кои и натаму ќе бидат блиску до избирачот како и во предизборната кампања. Дека ќе умеат да ги слушнат нашите барања и ќе знаат да ги реализираат.
Дека се тие вистинските заслужни за да седнат во советничките клупи.