Еколошка свест

Ако се продолжи со илегалното сечење на дрва, во комбинација со климатските промени со кои се соочува нашата планета, животот во дождовните прашуми до 2100-та година ќе биде уништен.

За овој проблем предупредија научниците од вашингтонскиот институт Carnegie, кои спроведоа голема студија за ефектите од глобалното затоплување и сечењето на шумите. Тие тврдат дека многу видови се загрозени, а до 2100-та година, може да исчезнат 18 до 45 отсто од растенијата и животните во тропските шуми. Доколку не успеат да се адаптираат на новите услови, животните ќе мораат да се преселат или да умрат, пренесува Telegraph.

Научниците проучувале 16 различни модели на климатски промени од целиот свет. Најзагрозен е просторот кај Амазон, но и џунглите во Африка и Индонезија.

Даниел Непстед, еколог од истражувачкиот центар Woods Hole во Масачусетс, изјави дека само решавањето на проблемот со стаклената градина и гасовите може да ги спаси прашумите.

- Оваа студија е силен доказ дека природниот екосистем поминува низ многу важни промени. Спасувањето зависи од брзата акција во смалувањето на емисијата на гасовите, истакна Непстед.

Водно отсекогаш било најшемаџиското место за водење љубов во метрополата осоебено во овој период од годината, зашто таму меѓу другото, вљубените уживаат и во романтичната панорама на градот. За практиката секс на Водноо говорат огромниот број на автомобили кои секоја вечер се упатуваат кон парк шумата, но и депониите од кондоми, кои секојдневно никнуваат на паркинзите.

Оваа наша констатација ја поткрепуваме и со фотографија од полјаната која се наоѓа на патот кон Свети Пантелемон, која судејќи по бројот на искористените презервативи е дефинитивно едно од популарните места за сексање и жив доказ за тоа колку летово им се разбудени хормоните на скопјани. На оваа ширинка, многу парови наредени како сардини си го тераат својот љубовен ќеф, а потоа искористените кондоми, пикавците и празните кутии од цигари, ги фрлаат на земја правејќи се поголеми депонии. Ладовината која ја нуди планината во овие летни горештини, како и љубовните авантури кои во лето се најатрактивни ем им го наполнија џебот на производителите на кондоми, ем ја наполнија планината со ѓубре. Љубовните двојки можеби и немаат време да мислат на екологијата но затоа еве можност за градските власти да размислат за поставување на корпи за отпадоци и да поведат кампања.
- Секое утро во 8 часот пешачам до Средно Водно. На патот кој води кон манастирот Пантелемон, на самото уклучување на асфалтираниот пат има една ширинка која на времето се планираше да биде паркинг. Очигледно е дека на таа полјанка, навечер се води љубов на велико. Кондоми има насекаде, а секое утро бројот на искористени и фрлени се зголемува. Никогаш во животот не сум мислел дека со свои очи ќе видам депонија од кондоми, но ете сум ја имал таа среќа, малку на смеа малку на вистина ни рече еден рекреативец.

Вакви тајни места каде што навечер се замаглуваат шофершајбните од автомобилите има на неколку страни. Глетката во автомобилот секогаш иста - по некоја нога, рака, отпечатоци од прсти на замаглените стакла, жар од цигара во мракот. Но, на ниту едно место нема корпа за отпадоци. Ајде да направиме кампања која би се викала Безбеден секс за безбедна околина"! Имаме ли поддржувачи?

Кој ја пресушил Брегалница?