Светот денес

Kanada ke gi brani teritoriite od severniot pol od Rusija, po diplomatski pat ili so sila. LOL!!! can't wait to see this

Ех, што ти се комплекси, дури ни телохранителите не смеат да бидат повисоки од него 


Саркози: Не сакам високи телохранители!

Во Мексико извршени 26 убиства за помалку од 24 часа

Тринаесетгодишно момче го уби убиецот на својот татко

Извор: Макфакс

 

Сараево

Тринаесетгодишниот Ренато Алиќ од Тузла испукал десет к*ршуми во Сабахудин Мехичиќ-Кадрија (43) од Живинце, одмаздувајќи се за смртта на својот татко, јавија локалните гласила.

Момчето го убило Мехичиќ на улица, пред Здравствениот дом во Живинце, додека тој излегувал од својот автомобил.

Сараевскиот весник Дневни Аваз пишува дека момчето испукало десет к*ршуми во главата на Сабахудин Мехичиќ-Кадрија.

Синовите на Мехичиќ,  Мики и Јасмин Хидановиќ, со помош на нивната мајка Нерџада и сега покојниот Кадрија лани во август го убиле Фехим Алиќ, за што се и неправосилно осудени

Бомбаш самоубиец усмртил 43 луѓе во Ирак

Најмалку 56 мртви во железничка несреќа во Индија

     

Расистичка книга ја тресе Германија

Земјата изгубила со доаѓањето на муслиманите, а сите Евреи имаат исти гени

Во својата книга „Германија се уништува: како сами ја ставаме земјата на коцка“ Тило Сарацин пишува за „слабите членови на општеството“, а особено се осврнува на проблемот со муслиманите, нагласувајќи дека Германија повеќе изгубила, отколку што добила со нивното доаѓање во земјата. Викендов Сарацин предизвика уште поголемо бранување во јавноста со изјавата дека сите Евреи носат исти гени. Тезите на Сарацин уште еднаш ја поларизираа германската јавност.

По спорните изјави дека најголем дел од муслиманите во Германија немаат волја да се интегрираат во општеството, членот на управниот одбор на Бундес банката уште еднаш долеа масло на огнот со изјавата околу генетското наследство на Евреите. Според Сарацин, сите Евреи носат исти гени, што ги разликуваат од другите народи. Тоа наиде на жестоки критики од страна на германската влада.

Германската канцеларка Ангела Меркел синоќа ги прогласи тезите на Сарацин за „целосно неприфатливи“. Тие се селективни и презираат цели општествени групи:

„Можеби господинот Сарацин се занимава со оваа тема, меѓутоа за мене најлошо е што тој само уште повеќе го отежнува соочувањето со ова прашање. Темата за интеграција е важна тема во нашето општество. Затоа во мојот кабинет донесов ополномоштеник за интеграција. Многу работиме на ова поле, а мораме и уште многу да направиме. Меѓутоа, начинот на кој се изразува Сарацин прави поделби во општеството и ја отежнува дискусијата“, смета Меркел.

Изјави што поттикнуваат расизам или антисемитизам се непожелни во политичката дискусија, смета и вицеканцеларот и министер за надворешни работи, Гидо Вестервеле. Германскиот министер за одбрана, Карл Теодор Гутенберг, го стави во прашање натамошниот ангажман на Сарацин како член на управниот одбор на Бундес банката. Секоја провокација има граница, а Сарацин недвосмислено ја пречекори, истакна Гутенберг.

Околу ова прашање канцеларката Меркел остана воздржана. Бундес банката е независно тело, нагласи таа:

„Можам само да кажам дека сум сигурна оти и таму ќе се зборува околу Сарацин, бидејќи во Бундес банката не станува збор само за пари или за финансиски проблеми, туку таа за сите нас, за цела земја е еден вид пример. Затоа сметам дека и во Бундес банката ќе се дискутира околу оваа тема“.

Гневот го разгореа новите изјави на Сарацин. Во неколку интервјуа тој истакна дека луѓето од различни потекла поседуваат различни гени. Конкретно ги издвои Евреите и Баскијците, како народи со посебни гени. Централниот совет на Евреите во Германија го осуди ова како расизам.

Во Социјалдемократската партија гласовите за исклучување на Сарацин стануваат се' погласни. Шефот на берлинскиот разгранок на партијата нагласи дека е крајно време да се разговара за нов партиски кодекс. Според него, партијата не може долгорочно да толерира член, кој постојано се коси со нејзините основни вредности. Сарацин ги раздвојува етничките групи, а тоа не е сликата што ја претставува СПД.

Високи функционери на партијата бараат од Сарацин сам да излезе од СПД. Тој го одбива ваквото барање, нагласувајќи дека до крајот на животот ќе остане во партијата.

http://www.utrinski.com.mk/default.asp?ItemID=3A022DEBA0C60C428626CD8946364CCF


зи хај