Остров Закинтос

Луда вечер на една Македонка на Закинтос

Рековме ќе ви прикажеме што претставува онаа изрека: „Се што се случило на Занте, останува на Занте“! Работата е што најголемиот дел од девојките од Македонија, сакаат да прават глупости за кои никогаш нема да да се дознае, а тие ќе бидат задоволни и среќни. 

Откако голем број македонски девојки решија да видат што нуди овој грчки остров на луда забава, се пофалија дека е навистина лудо и незаборавно, но додека раскажуваат што се случувало таму, не забораваат да кажат: „Сепак, има некои работи што се случија на Занте и останаа на Занте“! 

Еве што би значело тоа за нас:

Откако целото женско друштво ќе се врати во собите каде што се сместени, започнува вистинска „тепачка“ која попрво да се тушира, затоа што нормално нема време да се подготви за лудата вечер што ја очекува по дискотеките и кафулињата на Занте. 

По долга дискусија, викање, навредување, девојките се подготвени за вечерните лудории. Можеш да ја заприметиш дека е на одмор и е од друга земја, доколку носи кратко мини здолниште или фустанче. Не дај Боже да и падне нешто од чантата, ќе биде како Ана Николиќ или Преслава, што „несакајќи“ покажаа што кријат под здолништето. 

На почетокот од вечерта го бараат најлудиот кафич, со најлуда атмосфера, нешто што не може да се најде по скопските улици. Откако убаво ќе се сместат, нарачува нешто што досега не го пиела, со некое чудно име кое едвај може да го изговори, за подоцна да може да се пофали на своето друштво што ја чека во Скопје, дека пиела нешто што го нема кај нас. 

Но, најинтересното од се е што потајно ги гледа луѓето околу неа за да си ја најде потенцијалната мета со „дебел паричник“ и многу пиење околу него. Ако е од Србија тогаш е добитна комбинација, зашто нели Србите се доста згодни. Но, може ќе изненади, па ќе почне да флертува со некој Англичанец зашто тие нели се полни со фунти и се однесуваат како неиживеани души кои едвај чекаат да „легнат“ нешто јужно, балканско. 

По неколку чашки од тие чудни алкохолни напитоци, почнува да се чувствува пијано ,па најинтересниот дел допрва доаѓа. Можеби ќе почне да прави глупости кои досега ги гледала само на филм, па утрото да има јак хенговер и да „не се сеќава на ништо“. Сега ја има целата слобода да си го дозволи тоа, зашто нормално никој нема да дознае...Се што се случува на Занте, останува на Занте! 

Изменето од емил - 30.Јуни.2013 во 07:47

ma,...mnogu e daleku ....za so kola!

Zakintos ....kako bi se vratila pak tamu....Prekrasno e....mnogu ubav ostrov , vredi da se vidi no treba da se proseta cel...Laganas e mesto za mladi zurki zabavi ..otkaceni anglicani...italijanci i premnogu srbi i makedonci....Naj dobarite clubovi se Rescue..Zero i Coctel bar....
Za familijarni luge e Argasi...prekrasno mesto...se vooduseviv..mirno i kako raj.....Isto premnogu ubav i glavniot grad Zante.....tamu e pristanisteto i sekoj koj ke stigne na ostrovot mora od tamu da pomine...
Celata grupa sto bevme ovaa godina bea prezadovolni od odmorot....i mestoto....duri si mislam dogodina pak da odam tamu...
Lani bevme na Krf...ubav ostrov no nema mnogu sto da se vidi za razlika od Zakintos..no vo sekoj slucaj na koj mu se besnee...koj saka da otkaci i da si pomine naj ludo i nezaboravno neka go poseti Krf...nema da zgrese..samo nikako familijarno ili so decko ili devojka ne se odi tamu..Na Krf zboram za Kavos....tamu samo so drustvo..
Inaku za cenite na Zakintos e poskapo od Krf...

ke mi prosti koleskata sto i gi sobrav slikive od FB

ќе одиш бе што се секираш

Можеби некој ќе се заинтересира за ...ова...

Туристички водич: Закинтос

Места кои треба да се посетат

Закинтос, заради благата и влажна клима, е раскошен остров. Венецијанците (кои владееле со него) го нарекле Il fiore del Levante или „Цвет на Ориентот“. Март и мај се најубавите месеци за престој на овој остров, тогаш туристите се малубројни, се одржува Велигденската парада, а природата со милион разнобојни цвеќиња и раскошни зелени ридови е спектакуларна. Закинтос, како и соседната Кефалонија, настрада во голема мера во земјотресот во 1953 и затоа поголем дел од прекрасната венцијанска архитектура за жал беше уништена. Сè уште постојат рушевини од архитектурата која потекнува од овој венецијански период на островот. Главниот град иако беше повторно изграден малку наликува на венецијанскиот плоштад Свети Марко и вреди да се посети. Убавината на белите гребени кои се спуштаат до азурното море треба да се види за да се поверува во неа, а водата е прекрасно чиста и ќе треба да изнајмите бротче за да уживате во неа.

Сините пештери

Источно од 'ртот Скинари, на северниот дел од островот, се наоѓаат Сините пештери. Серија од геолошки формации го создаваат ваквиот пејзаж. Природните сводови кои се влез во пештерите се дело на ерозијата, но овие пештери се најпознати по азурната боја на водата која е најубава наутро кога светлото е најсилно, па оттаму и го добиле името Сини пештери. Кианон пештерата е најголема. За да стигнете таму потребно е да изнајмите бротче или да отидете на организирана обиколка. Посекако ќе ги забележите рекламите на тур-операторите. Всушност, има Сини пештери на три локации околу островот.

• 'Ртот Скинари на северниот врв на островот. Ова е најубавиот дел. Има бротчиња што нудат обиколки кои тргнуваат од пристаништето во Агиос Николаос, како и од Макрис Гиоалос Аликес и Алканас. Пештерите се исто така дел од обиколката на поголеми бродови кои тргнуваат од Закинтос.
• Пештерата Кери - исто така убаво место
• Порто Вромим - не е толку впечатливо, се посетува како дел од обиколката која води до остатоците на брод.

Плажата со остатоци од брод (Навагио)

Бродот се смета дека бил криумчарски и се засукал на прекрасниот мал залив во 1981. Како што стои во грчките реклами, тој се наоѓа на западниот брег и најдобро е да се посети тргнувајќи од Порто Вроми. Одете таму или рано наутро или попладне (после 15:00ч), бидејќи во меѓувреме плажата е преплавена со бродови и туристи, па неретко се случува таму да се укотват и по 20 бродови кои носат по неколку стотина луѓе одеднаш на копното. Имајте на ум дека остатоците од бродотсе многу остри и возможно е да се повредите, затоа бидете внимателни. За покомлетна слика, следете ги знаците до манстирот Агиос Гергио - кога ќе стигнете таму, користе го патот десно за да стигнете до платформата која се наоѓа на околу 180 метри над остатоците од каде и се направени најголем број од фотографиите на разгледниците. Всушност, можеби е поубаво да се види местото од оваа перспектива отколку на самата плажа.

'Ртот Скинари
Најсеверниот раб на островот. Одовде имате панорамски поглед кон морето, а на локацијата има и рушевини од големиот земјотрес во 1953.

Плажи

Агиос Николаос - најдобрата плажа на островот, мал залив во прекрасно природно опкружување во регионот Волимес, 30km од градот Занте. Оваа плажа го добила името според малата капела која се наоѓа во непосредна близина. Одовде можат да се изнајмат бротчина до сините пештери. Песокот на самата плажа е со црвенкаста боја, а плажата најмногу е наменета на младите луѓе кои сакаат да испробаат разни спортови на вода. Не треба да се помеша со Агиос Николаос селото на север од островот.

Аликес/Аликанас - ова е долга песочна плажа и една од најпознатите на островот. Се наоѓа на 18km од градот Закинтос во близина на истоименото место. Името го добила според фармите за сол кои порано биле главен извор на приход за островјаните. Туристите на оваа плажа доаѓаат исклучиво заради кристално чистата вода и убавиот песок. Регионот околу оваа плажа е интересен за љубителите на археолошки испитувања бидејќи нив ги има многу во околината. На самото место Аликес има мноштво ресторани, барови и продавници. На оваа плажа можете да научите скијање на вода и да изнајмите педалинка. Аликанас е продолжение на Аликес плажата. Плажата е песочна и на крајот се наоѓа мало пристаниште за бротчиња кои доаѓаат овде за риболов. Одовде се организираат посетите на сините пештери.

Дафни - Убава песочна плажа каде сообраќајот е забранет. Ова е тивка плажа со само неколку локали на плажата, таверни за храна и пијалаци заедно со лежалки.

Геракас - Ова е една од поубавите плажи на островот и се наоѓа на самиот југ на Закинтос. Дел е од националниот парк, има 30-тина чадори за сонце, но не смеете да поставите свој чадор за случајно да не погодите гнездо од заштитениот вид морски желки кои тука ги положуваат јајцата. Од истата причина нема ни барови на плажата за бучавата и вештачкото осветлување да не ги вознемируваат желките. Над плажата има голем паркинг и на влезот на самата плажа се наоѓа штанд на кој волонтери делат летоци со упатства кои мора да ги почитувате во текот на престојот на плажата. На плажата е јасно ограничен просторот каде желките положуваат јајца и тука пристапот е забранет.

Што да правите на Закинтос

Околу островот - бидејќи Закинтос е мал остров возможно е со автомобил да се прошета целиот застанувајќи на поинтересните места попатно. Ако изнајмите автомобил со погон на 4 тркала, ќе може да ги видите и оние локации кои се подалеку од главниот пат. На пример, може да се тргне од градот Закинтос, да се вози северно по патот кој се протега во должината на крајбрежјето и да се посети Тсиливи, од каде може да се продолжи кон Аликес и Аликенес. На источниот брег опкружувањето станува поимпресивно како што се качувате кон планините. Потоа патот продолжува кон пикторесното одморалиште Агиос Николаос. Оттаму поминувате преку северниот брег кон Навагио (Заливот со остатоците од брод), платформата за набљудување и Волимес во планините од каде можат да се купат локални занаетчиски и уметнички предмети. Понатаму може да се отиде кон заливот на Лимнионас каде е навистина убаво, тивко, и има таверна каде се служи одлична храна. Појужно од ова место го имате Кампи со воодушевувачкиот поглед од врвот на карпите и евентуално светилникот во Кери каде исто така има неверојатни глетки, особено на зајдисонце.

Набљудување желки - Големите морски желки кои се загрозен вид ги користат плажите за да положуваат јајца. За да се заштити овој вид на желки околу Лаганас заливот местото е прогласено за природен резерват (иако се чини дека ова целосно се игнорира надвор од туристичката сезона!). Многу агенции од Лаганас, Каламаки, па дури и Василикос нудат целодневни екск*рзии со застанувања со пливање за да се набљудуваат овие желки. Најголеми се шансите да ги видите помеѓу мај и раниот јули, а после овој период нивниот број се намалува.

Доколку сте заинтересирани за грчката модерна историја, посетете го Дионисис Соломос музејот во градот Закинтос, посветен на националниот грчки поет која ја напишал националната химна.

Релаксирајте се на плажа - веројатно најпопуларната занимација на Закинтос!


За тие што ги интересира повеќе...
тука

vredi da se poseti ama znam oti nekoe zivotince ke me napadni oti mnogu dlaboko odam a toa mi se sluci lani ama bez posledici