Храната како лек!

Црвеното вино и црното чоколадо, покрај боровинките, белиот лук, сојата, чајот и другите слични продукти се вбројуваат во храната која го храни телото и истовремено ги убива клетките на ракот.

- Храната која може да го „убие“ ракот  потребно е да ја  јадеме три пати дневно и  претставува најисправен хемиски третман, изјави претседателот на Фондот за ангиогенеза Вилијам Ли, на престижната научно – технолошка конференција TED.

До овој заклучок се дошло по повеќегодишно испитување на влијанието на прехранбените производи кои содржат хемиски елементи, кои спречуваат пристап на крвта во туморот.

Вилијам рече дека како пример на истражувачите на Харвард бил земен варен домат, кој по консумирањето неколку пати неделно го намалува ризикот од развој на рак на простатата од 30 до 50 отсто.

- Ние сме сведоци на медицинска револуција. Ако научниците се на вистинскиот пат, тогаш во брзо време ќе се промени културата на потрошувачите, храната, здравствената заштита , па дури и осигурителните компании.

Денес многу производи се применуваат за да се спречи дотокот на крв во туморот. Според податоците на Фондот за ангиогинеза, сојата, першунот, црвеното вино, чоколадото и овошјето се многу ефикасни.

- Природата си подготвила многу плодови и билки кои му помагаат на телото и го лечат организмот, нагласи Вилијам Ли и додаде дека за многу луѓе здравата исхрана е единствено решение, бидејќи не може секој да си ги дозволи скапите лекови.

Го јакне и го чисти организмот

Дињите содржат многу вода, потоа околу 7 отсто шеќер, 1 отсто белковини, нешто помалку влакна. Од витамините, во нив има многу каротин и витамин Ц, а од минералите главно калиум.
И дињите имаат благотворно дејство врз бубрезите и жолчната ќеса, зашто ги олесниваат тегобите кај акутното воспаление. Исто така, го јакнат и го чистат организмот. Бета-каротенот има превентивна улога кај некои видови рак.
Додека лубениците освојуваат со сласта, дињите тоа го прават со вкусот и аромата. Не е случајна поговорката: "Да знае свињата што е диња, не би јадела тиква".
Има зелени и портокалови дињи, но и едните и другите се подеднакво сочни, слатки и нискокалорични - во 100 грама има само 29 ккал.

СОВЕТ
Свежите дињи лесно ги впиваат мирисите од околината и затоа, ако ги држите ден-два во фрижидер, тогаш дињата завиткајте ја во пластична фолија.

* Против камен во бубрезите
За овој лек ви се потребни еден килограм семки од диња кои се ставаат во пет литри вода и се варат додека течноста не спадне на три литри. Откако ќе се излади, се прецедува и се сипа во шишиња. Од течноста се пие три пати дневно по еден децилитар. Лекувањето трае додека не исчезнат тешкотиите. Овој лек може да се подготвува и секој ден и да се консумира свеж. Тогаш се земаат една лажица семки, се толчат и се варат 2-3 минути во два децилитри вода. Се пие три пати дневно.

* Против каснувања и изгореници
Дињата ги смирува и ги ублажува болките кај надворешните повреди на кожата при каснување и изгореници. Болното место се мачка или со сок од диња или на него се ставаат облоги од рендана диња.

* Сок
Рачно или со помош на соковник исцедете сок од диња, измешајте го со јогурт и по желба додадете сок од лимон и една лажица мед. Сокот украсете го со истолчени ф'стаци или со толчени излупени бадеми.