Свети рамноапостолни цар Константин и царица Елена

KINGDAVID напиша: Se zamoriv da dokazuvam, neka bide po vase.

Па нормално дека ќе се замориш кога си се расфрлил со цитати од Библијата. Зарем не те научи искуството на овој форум дека тие не допираат до првославните, дека тие не се авторитет за нив, затоа што тие сами по себе се несфатливи за обичниот човек и нивното значење доаѓа до нас само откако ќе бидат преџвакани од одредени ткн. "свети отци" кои правосалвните ги ставиле како посредници меѓу Бог и луѓето. Тоа значи дека тие веруваат дека Бог не е способен да даде јасна и недвосмислена порака за обичниот човек, а таа способност ја имаат исклучиво ткн "свети отци".
Затоа, ако сакаш да се разбереш со православните, мора да им зборуваш преку нивниот јазик, преку јазикот кој тие го разбираат, а тоа се светите отци.

Еве ти еден пример. Ќе го цитирам светиот маченик Јустин кој во една прилика го прочитал следниов дел од Светото Писмо, а потоа коментирал на истото:

"Ќе се случи на крајот на деновите: Гората на Господовиот Дом ќе биде поставена над сите гори, возвишена над сите брегови. Кон неа ќе одат сите народи, ќе се втурнат многу племиња и ќе речат: „Ајде, да се искачиме на Господовата Гора, да отидеме во Домот на Јакововиот Бог. Тој ќе нè научи на Своите патишта, ќе одиме по Неговите патеки.” Зашто Законот ќе дојде од Сион, Господовото слово од Ерусалим. Тој ќе им биде судија на народите, ќе им суди на многу племиња, кои ќе ги прековат мечевите во плугови, а копјата во српови. Нема повеќе народ да дига меч против народ, ниту ќе се учи веќе на војување."
(Исаија 2:3-4, Библијата)

"И навистина од Ерусалим излегле дванаесет луѓе, неуки, без говорнички способности. Преку силата на Бог тие проповедале на секакви типови луѓе... и ние, кои порано се обучувавме да се убиваме еден со друг, сега не само што не војуваме против нашите непријатели, туку сме спремни да умреме за сведоштвото за Христос"
(Св. Јустин, 1 Апологија 39)

Првата апологија Јустин ја има напишано во периодот од 150-155 година и интересно е тоа што во горенаведената пацифистичка изјава тој зборува во множина, значи не збори за таму некој си христијанин што не војувал против непријателите, туку зборува општо за Христовите следбеници, за оние кои порано се обучувале да војуваат, дека тие повеќе не војуваат, туку се спремни да умрат за сведоштвото за Христос.

Ејјј, па дек си бе, братче Се изгуби откако не најде одговор на некои прашања кои ти беа поставени на другите теми. И друго што ме чуди, нели ти беше само за Сола Скриптура, а сега ни цитираш Свет Отец на Православната Црква за да ги докажеш своите ставови?

EvAngelos напиша: Ќе го цитирам светиот маченик Јустин

Кога некој не знае да се одлучи за одредена работа, народот вели: тој е човек што не знае што сака. А ти, Евангелосе, знаеш ли да се одлучиш еднаш дали имало или немало Свети Отци? Во секој случај, добро е што признаваш дека св. Јустин Маченик бил свет.


Ај може на овие прашања ќе најдеш одговор (јас ќе ти цитирам од Светото Писмо):

Лука 3:14
Имаше и војници, кои го прашаа (св. Јован Крстител): „А што треба ние да правиме?“ Тој им одговори: „Не вршете насилства, не пријавувајте лажно никого и бидете задоволни со својата плата!“

Зошто св. Јован Крстител не им рекол на војниците дека треба да се откажат од својата служба?   


Лука 7: 2-10
Слугата на еден стотник беше тешко болен, на умирање; а многу го сакаше. Па како чу за Исуса, ги прати при Него старешините јудејски, молејќи Го да дојде и да го излекува слугата негов. А тие, штом дојдоа при Исуса, Го молеа усрдно и велеа: “Достоен е да му го направиш тоа, оти го сака нашиов народ, и синагогата тој ни ја направи.” И тргна Исус со нив. А кога беа веќе до куќата, стотникот ги прати пријателите свои при Него, говорејќи: “Господи, не труди се, зашто не сум достоен да влезеш под мојот покрив; затоа и сам себе не се најдов достоен да дојдам при Тебе; туку кажи само збор и мојот слуга ќе оздрави; оти и јас сум човек подвластен, а имам и подчинети војници; па кога ќе му речам на еден од нив: ‘Оди!’ - и тој оди; на другиот: ‘Дојди!’ - и тој доаѓа; и на слугата свој: ‘Направи тоа!’ - и тој прави.” Штом го чу тоа, Исус се зачуди и кога се сврте кон народот, што врвеше по Него, рече: “Ви велам, ни во Израилот не најдов толку голема вера!” Испратените кога се вратија, го најдоа болниот слуга здрав.

Од горенаведената случка гледаме дека за стотникот, кои и самиот бил дел од војската, Господ рекол дека таква вера не нашол ниту во Израилот. Зошто Господ не му порачал да се откаже од својата служба?


Римјани 13:3
Затоа, началниците не се страшни за добрите дела, туку за лошите; сакаш ли, пак, да се боиш од власта, тогаш прави добри дела, па ќе добиеш и пофалба од неа; оти таа е слугинка Божја, за твое добро. Ако, пак, правиш зло, тогаш страхувај, бидејќи тоа не носи залудно оружје; тој е служител Божји и со гнев се одмаздува на оној што прави зло.

Зошто апостол Павле вели дека власта која носи оружје е служител Божји?

EvAngelos напиша: KINGDAVID напиша: Se zamoriv da dokazuvam, neka bide po vase. Па нормално дека ќе се замориш кога си се расфрлил со цитати од Библијата. Зарем не те научи искуството на овој форум дека тие не допираат до првославните, дека тие не се авторитет за нив, затоа што тие сами по себе се несфатливи за обичниот човек и нивното значење доаѓа до нас само откако ќе бидат преџвакани од одредени ткн. "свети отци" кои правосалвните ги ставиле како посредници меѓу Бог и луѓето. Тоа значи дека тие веруваат дека Бог не е способен да даде јасна и недвосмислена порака за обичниот човек, а таа способност ја имаат исклучиво ткн "свети отци".Затоа, ако сакаш да се разбереш со православните, мора да им зборуваш преку нивниот јазик, преку јазикот кој тие го разбираат, а тоа се светите отци.

За да зборуваш за историски работи, мора да говориш со јазикот, кој, независно од верската припадност, сите го разбираат, а тоа е јазикот на историските извори.

Македон напиша: EvAngelos напиша: Да, св.Константин се крстил неколку дена пред својата смрт, пред се затоа што тогаш постоел обичај многумина да се крштеваат пред својата смрт, со цел да ги исчистат своите гревови. Да, но како што знаеме тоа не е Божји "обичај", туку човечки обичај, човечко предание, небиблиска ерес.„и така го укинавте Божјиот збор заради вашето предание. Лицемери! Добро Исаија пророкуваше за вас, велејќи: <a name="8"></a>’Овој народ Ме почитува со усните, а нивното срце е далеку од Мене. <a name="9"></a>Но напразно Ми се поклонуваат, учејќи науки, што се човечки заповеди.“ (Исус во Матеј 15:6-9, Библијата)

Не бил единствен св.Константин, добро го знаеш тоа.

Македон напиша: EvAngelos напиша: Точно е дека бил крстен од Аријанецот Евсевиј Никодимиски, но согласно никејскиот символ на верата. Хммм дали е дозволено еден православец да биде крстен од Јеховин сведок согласно православните обичаи?

Јас не можам да знам што лежи во душата на свештеникот. Ако тој ме крштева во името на Отецот, Синот и Светиот Дух, согласно Никејскиот симбол на верата, ако е ракоположен согласно тоа верување во свештеник или епископ, ако тој на тој начин ја исповеда верата, согласно тоа исповедание служи Божествена литургија, тогаш не знам каде е проблемот.

Како што сведочи и Евсевиј Кесариски, св.Константин бил крштеван "согласно обичајот", а знаеме дека обичај било Никејското исповедание на верата.

Македон напиша: EvAngelos напиша: Евсевиј Никодимиски, независно од тоа што длабоко во себе бил Аријанец, официјално останал Православен Христијанин, за што сведочи и неговиот потпис на Никејскиот симбол на верата. Аха да, значи независно што длабоко во себе не верувал дека Христос е Бог, сепак бил православен христијанин и епископ. Ете ја на виделина духовноста на "црквата" од која подоцна произлегле православните цркви. Еве доказ дека неа ја воделе епископи кои не верувале дека Исус е Бог и тоа со подршка на светиот убиец во Христовото име - Константин.Потписот не сведочи ништо. Евсевиј жестоко се борел против Христовото божество до самиот крај на соборот каде што политички бил приморан да го даде својот потпис, но "само со умот, а не и со срцето" како што известуваат античките документи.

Евсевиј Никодимиски официјално останал Православен Христијанин, никогаш официјално не настапил согласно некакво Аријанско исповедание, секогаш своите обреди ги вршел согласно Никејското исповедание, секако, се занимавал и со политички сплетки, бил искусен политичар, па така успеал да издејствува амнестија за Ариј, како што велат многу историчари, убедувајќи го св.Константин дека Ариј не е онаков каков што го претставиле Светите Отци на Православното Христијанство.

Македон напиша: EvAngelos напиша: Како што кажа ahmar1 погоре, никогаш официјално не застанал против Никејскиот Собор. Ниту смеел, ниту можел.

Погоре ме убедуваше дека Евсевиј бил отворен Аријанец, сега велиш дека ниту тој, а ниту св.Констанин, кој според тебе бил Аријанец, не смееле, ниту пак можеле?

Македон напиша: EvAngelos напиша: Да, св.Константин, откако бил уверен од Евсевиј Никодимиски дека Аријанството не се разликува многу и не е такво какво што го претставиле Православните Христијани, го помилувал Ариј и решил повторно да го постави како свештеник во Црквата, Ма неее какво разликување, само една мала "ситница": Христос не е Бог и Тој е создаден во конечно минато т.е. постоело време кога Исус не постоел. Ете во што бил уверен светиот убиец Константин од страна на Аријанецот Евсевиј. Ете каков свештеник поставил Константин на тогашната црква. Кој од кој "посвет"

Евсевиј бил искусен политичар,теолог, дипломат, дворски играч, сплеткар, па со сето тоа успеал да го убеди св.Константин дека Аријанството не е токму тоа, туку нешто друго, со што издејствувал амнестија за Ариј. Сепак, Евсевиј бил одличен теолог, а и знаел да ја (зло)употреби довербата на св.Константин, па не било многу тешко да го убеди во тоа што посакувал.

">

Македон напиша: EvAngelos напиша: Битката на која бил насликан крст на штитовите на војниците е битката кај Милвискиот мост кај Максенциј, кога св.Константин видел крст а небото и слушнал глас кој му кажал: "Со овој знак победувај". Со слични прикаски се служеле и крстоносците подоцна, пред да ги прават своите популарни масакри во "Христовото име"

Приказна? Некако историчарите не се сложуваат дека е приказна. А и битката кај Милвискиот мост е сосема различна од крстоносните војни. Константин не тргнал од Галија до Рим со крстот, туку сето тоа се случило пред самата битка.



Изменето од Македон - 22.Јуни.2010 во 13:30

KINGDAVID напиша: Maran Ata напиша: Македон напиша: KINGDAVID напиша: Dobro Makedon, sto znaci ova ajde prevedi mi go : Prior to his conversion to Christianity, he was a Roman general named Placidus, who served the emperor Trajan.Nisto, kje mora da najdes nekoj drug "vojnik ".... tvojot "istoriski dokaz" ne padna vo voda, ami se udavi ... Тука и те чекав KINGDAVID. Знаеш ли зошто ја напуштил воената служба? Затоа што во тој период почнуваат прогони и се бара да се принесе жртва на култот на Императорот. Токму така. Всушност, и сите светители христијани кои биле мачени и убивани, токму затоа и тоа им се случило - затоа што не сакале да принесат жртва на идолите. Одличен заклучок, Македон, поткрепен со докази. Имало христијани кои и пред владеењето на Марко Аврелиј биле војници, а не како што КИНГДАВИД тврдеше. Imali Hristijani koi pred vladeenjeto na Marko Avrelij bile vojnici, NO otkako stanale Hrsitijani ja napustile voenata sluzba dobrovolno .Isto i ovoj Sv. Evstahij  koj go najdovte od Wikipedia, pisuva deka pred da stane Hristijanin bil Rimski general.

Секако дека ја напуштил, но ја напуштил службата во времето на Адријан, кога секој војник, на новиот Император морало да му приенсе жртва, како знак на лојалност и почитување на култот на Императорот, кој бил најважен култ во тој период. Прочитај се, а не само делови.

KINGDAVID напиша: Македон напиша: Секако дека ја напуштил, но ја напуштил службата во времето на Адријан, кога секој војник, на новиот Император морало да му приенсе жртва, како знак на лојалност и почитување на култот на Императорот, кој бил најважен култ во тој период. Прочитај се, а не само делови. Pa taka kazi...ja napustil vojskata otkako stanal Hristijanin. A ne da velis eve najdov dokaz od Hristijanin pred vremeto na Marko Avrelij koj bil vojnik. Znaci , bil vojnik PRED da stane HRISTIJANIN.  Inaku, ne e  tocno e toa deka se baralo da se prinesat zrtvi na imperatorot  samo od vojnicite , tuku od SITE.Edinstveno Hristijanite ne sakale da prinesat i zatoa bile progonuvani.P.S.  bas mi e zal sto se izmaci da najdes vojnik koj  bil Hristijanin i na krajot koga  go najde od Wikipedia,( koja ja osporuvate kako neverodostoen izvor ) i na krajot da izleze deka pred da stane Hristijanin bil vojnik..... Party breaker sum neli , kako sto vika messi

Зошто веднаш не ја напуштил откако станал Христијанин и не примил маченички венец, туку тоа се случило токму кога требало да принесе жртва на Императорот, кој штотуку седнал на тронот, односно во 118 година, кога се побарало од сите да принесе жртва на Императорот? Зошто пред тоа, донел победа за Императорот Трајан, па дури и бил одликуван. Зошто учествувал во битките на Трајан, иако Христијанин?



P.S.Не жали ме мене, жали ја теологијата непоктрепена со историски и конкретни докази ( читај: заповеди ). Јасно си пишува зошто примил маченички венец овој генерал.
Од многу жалење не го заборавај "доказот" дека немало Христијани војници пред Марко Аврелиј.

EvAngelos напиша: Не знам каде бев нејасен

Не е работата каде ти беше нејасен, туку што тебе не ти е јасно.

Maran Ata напиша: Лука 3:14 Имаше и војници, кои го прашаа (св. Јован Крстител): „А што треба ние да правиме?“ Тој им одговори: „Не вршете насилства, не пријавувајте лажно никого и бидете задоволни со својата плата!“ Зошто св. Јован Крстител не им рекол на војниците дека треба да се откажат од својата служба?    Лука 7: 2-10 Слугата на еден стотник беше тешко болен, на умирање; а многу го сакаше. Па како чу за Исуса, ги прати при Него старешините јудејски, молејќи Го да дојде и да го излекува слугата негов. А тие, штом дојдоа при Исуса, Го молеа усрдно и велеа: “Достоен е да му го направиш тоа, оти го сака нашиов народ, и синагогата тој ни ја направи.” И тргна Исус со нив. А кога беа веќе до куќата, стотникот ги прати пријателите свои при Него, говорејќи: “Господи, не труди се, зашто не сум достоен да влезеш под мојот покрив; затоа и сам себе не се најдов достоен да дојдам при Тебе; туку кажи само збор и мојот слуга ќе оздрави; оти и јас сум човек подвластен, а имам и подчинети војници; па кога ќе му речам на еден од нив: ‘Оди!’ - и тој оди; на другиот: ‘Дојди!’ - и тој доаѓа; и на слугата свој: ‘Направи тоа!’ - и тој прави.” Штом го чу тоа, Исус се зачуди и кога се сврте кон народот, што врвеше по Него, рече: “Ви велам, ни во Израилот не најдов толку голема вера!” Испратените кога се вратија, го најдоа болниот слуга здрав. Од горенаведената случка гледаме дека за стотникот, кои и самиот бил дел од војската, Господ рекол дека таква вера не нашол ниту во Израилот. Зошто Господ не му порачал да се откаже од својата служба? Римјани 13:3 Затоа, началниците не се страшни за добрите дела, туку за лошите; сакаш ли, пак, да се боиш од власта, тогаш прави добри дела, па ќе добиеш и пофалба од неа; оти таа е слугинка Божја, за твое добро. Ако, пак, правиш зло, тогаш страхувај, бидејќи тоа не носи залудно оружје; тој е служител Божји и со гнев се одмаздува на оној што прави зло. Зошто апостол Павле вели дека власта која носи оружје е служител Божји?

п.с. Може КИНГДАВИД ќе се реши да направи мал осврт на Светото Писмо и да ни „протолкува“ што сакал овде авторот да каже. Ако сака и некој друг да даде објаснување, нека повели

Изменето од Maran Ata - 22.Јуни.2010 во 15:13