Руската фирма „Солвеј“, која е сопственик на рудникот за бакар и злато „Бучим“-Радовиш  ги интензивира истражувањата на новото рудно наоѓалиште „Кадиица“ кај Пехчево. Заменик-менаџерот на рудникот „Бучим“, Николајчо Николов вели дека во април ќе почнат деталните хидро-геолошки истражувања.

Според досегашните истражувања на рудното наоѓалиште „Кадиица“ има резерви од над 100 милиони тони бакарна руда.

- Во 2014 година очекуваме дека ќе почнеме со градењето на новиот рудник „Кадиица“ во Пехчево, кој ќе биде современ рудник, бидејќи есплоатацијата на бакарната руда ќе се врши по пат на лужење без деградација на површината. Во овој рудник предвидено е за почеток да се вработат околу 100 лица, вели Николов.

Тој додаде дека годинава ќе  немаат поголеми истражувања на рудното наоѓалиште „Боров Дол“, кое се наоѓа на територија на општините Штип и Конче, бидејќи ги очекуваат измените во законот за минерални суровини.