Возобновување на БИГОРСКИОТ МАНАСТИР

Велигден во Бигорски манастир 2010


Си приготвил пред мене трпеза на очиглед на непријателите мои, си ја помазал главата моја со елеј и чашата Твоја ме напојува со блаженство.

Колку длабока смисла добиваат овие пророчки зборови на псалмопеецот Давид, во светлината на Христовото Воскресение! Тоа добро го почувствуваа сите оние кои во Бигорскиот манастир до бескрај се наситија од трпезата на љубовта, радоста и мирот. И братството и сестринството, па и огромното мнозинство на верници, кои не ја заборавија оваа света обител во миговите на искушенијата, па како да не ги споделат сега со нив и овие најпрекрасни мигови на семирно торжество. Со вистински восхит кој се читаше на нивните лица, со она чувство на неискажлива радост, додека од сите страни одекнуваше победничкиот поздрав 'Христос Воскресна!", а храмот блескаше со една поинаква неземна светлина, тие се придружија на прекрасното пеење на псалтите, славејќи го заедно преблагиот Господ, Кој го излеа врз сите богатството на Својата штедрост и ги напои со небесното питие. Затоа со посебно умиление низ храмот одекнуваа стиховите од воскресниот канон: 'Пријдете ново питие да пиеме, не од неплоден камен чудотворено, туку кое е источник на нетление и кое од гробот на Христа се излеа, во Кого се утврдуваме." Да воскреснатиот наш Спасител никого не остави гладен. Откако ги нахрани со Своето божествено Тело и пречиста Крв, влевајќи им нови сили животни, ги покани и телесно да се поткрепат на трпезата што монасите ја приготвија под отворено небо, пред глетката на изгорениот конак, кој во овие мигови на воскресна радост, како да го најавуваше и своето воскресение.

Христос Воскресна!














Повеќе фотографии и видео клипови



Изменето од Maran Ata - 07.Април.2010 во 06:53

Наскоро ќе има и објава за Балаклија

Венчавка во Бигорскиот манастир

Игуменот на светиот Бигорски манастир со посебна љубов ги поучи своите духовни чеда кои денес на светата Божествена Литургија се соединија за света брачна заедница, стекнувајќи го така благословот Божји за заеднички живот во Христа:

„Кога Апостол Павле Зборува за заедницата меѓу мажот и жената, тој ја споредува со највозвишеното нешто, а тоа е духовната заедница помеѓу Христа и Црквата, велејќи дека мажот треба да ја сака жената своја онака како што Христос ја засака Црквата. А Христос Црквата Своја ја засака така што самиот Себеси се предаде, распнувајќи се на крст за неа. Значи љубовта на мажот кон жената треба да биде пожртвувана и возвишена, неискажлива како што е неискажлива оваа света тајна. Откако постои светот па сè до денес никој не ја споредил брачната љубов со толку возвишено нешто - заедница помеѓу Господ и човекот. Гледајте колку голема и сериозна тајна е бракот и колку тој треба да се чува во најголема чистота. Кога Христос дојде повторно на земјата , тој и своите чудеса ги започна токму на свадба - свадбата во Кана Галилејска, покажувајќи повторно дека основна клетка на општеството и на Црквата е токму бракот, т.е семејството. Затоа и Црквата ни вели дека бракот е црква во мало, мажот и жената во оваа света тајна стануваат едно тело, соединети преку благодатта на Светиот Дух. И мажот е глава на жената како што Христос е глава на Црквата, значи, тој е глава само доколку и тој го има Христа за своја глава...“










ПОВЕЌЕ

Изменето од Maran Ata - 26.Јули.2010 во 01:23

Анастеа напиша: Новата веб-страна на Бигорскиот манастир Св. Јован Крстител, прекрасен сајт за чија изработка е заслужен и нашиот колега Православие.

Слава и БлагоДарност на Бога,
и благодарност на братот дизајнер и на браќата од Бигорски и сестрите од Рајчица, кои го “скоцкаа“ сајтот од концепциски аспект!

Изменето од Pravoslavie - 21.Октомври.2010 во 00:12

Messenger напиша: Bravo za sajtot! Mene mi se dopagja i chestitki za kolegata Pravoslavie!

Слава на Бога!

KINGDAVID напиша: Анастеа напиша: Новата веб-страна на Бигорскиот манастир Св. Јован Крстител, прекрасен сајт за чија изработка е заслужен и нашиот колега Православие.  Odlicno e izraboten sajtot. Cestitki , posebno i do forumdzijata  Pravoslavie

Слава и БлагоДарност на Бога за се’!

KINGDAVID напиша: Iskreno  se nadevam deka i Manastirot Sv. Jovan Bigorski kje go dobie svojot poranesen sjaj  i deka pak kje bide mesto so koe kje se gordee cela Makedonija.

Се работи на случајот! Фала Му на Бога!

Завршени градежните активности околу саат кулата

Денес, на 13-от ден од месец јануари (26 по нов стил) 2011-то лето Господово и покрај студеното време и големата снежна покривка, со Божја помош, по тримесечна макотрпна работа, се доврши ѕидањето на манастирската кула. Изградбата се одвиваше под будното око на игуменот на светата Бигорска обител – архимандрит Партениј, а ѕидањето со камен го извршија трудољубивите и вешти раце на македонските мајстори од Мала Преспа, денешна Албанија. Во составот на оваа ѕидарска тајфа, што многу потсетува на големите мајстори од минатото, влегуваат: раководителот - протомајстор Таки Стерјо –Трајко, мајсторите: Јане Стерјо, Бојан Стерјо, Димитриј Стерјо, Нико Насто, Ѓорѓија Печој, Тодор Симон, Аце Стерјо, Тодор Стерјо и Петре Никола.



Манастирската кула во себе содржи повеќе простории за различна намена: депо за книги, архива, просторија за механизам на часовникот со видиковец, а најгоре од кулата се наоѓа зографилницата за икони. Механизмот на часовникот вклучува осум камбани, произведени во Белгија, со извонреден звук, што ќе го означуваат времето за молитва и богослуженија. Кон северната и западната страна ќе гледаат два прекрасни часовника, со црковнословенски бројки, во духот на славјанската традиција, што отсекогаш се негувала во Бигорскиот манастир.



Кулата, како дел од комплексот Источен палат, е последниот објект што е завршен, па така, со неговата изградба, и практично завршуваат крупните градежни активности на новиот конак. Му благодариме на Бога што благоволи од нас, грешните и недостојните, како дар да го прими Источен Палат и трудот и жртвата што секој од нас ги даде за изградбата. „Твое од Твоите, Тебе Ти го принесуваме, за сите и за сé.“

Братството на свештениот Бигорски манастир








Извор: Официјалната веб страна на Бигорски манастир

Изменето од Maran Ata - 27.Јануари.2011 во 07:16