Никој нема да не престигне

Италијанскиот шампион Интер успеа да ја преживее пеколната недела во која прво го мина Челзи во осминафиналето од Лигата на шампионите, а потоа одигра 1:1 на гостувањето кај Палермо за на крајот да остане на првата позиција на табелата во Серија "А" пред се благодарение на нерешениот резултат на нивниот конк*рент Милан во дуелот со Наполи. Екипата од Џузепе Меаца има само една победа на последните седум натпревари, што е најлоша серија по сезоната 2004/05. Меѓутоа тренерот Жозе Мурињо воопшто не е загрижен за ситуацијата во која се наоѓа неговиот тим, бидејќи верува дека фудбалерите се способни да одиграат квалитетно до крајот и да го одбранат трофејот.

"Конк*рентите ги пропуштија своите шанси да не престигнат. Повеќе нема да им пружиме вакви можности. Сега играме со Ливорно и тоа ќе биде почетокот на нова наша победничка серија", изјави Мурињо.

По дуелот со Ливорно в среда Интер ќе го одигра дербито на Олимпико против Рома еден од клучните мечеви за "Скудетото". На неговите изјави се приклучи и голманот Жулио Цезар кој додаде дека сите екипи кои играат против Интер дополнително се мотивирани и целосно мобилизирани, меѓутоа тоа не му пречи на неговиот тим во обидот да стигне до бодовите.

"Апсолутно сум сигурен дека повторно ќе бидеме шампиони. Иако ги пропуштивме двата бода против Палермо, докажавме дека сме страшен тим. Сите противници се трудат максимално кога играат со нас, но тоа е логично. Ние сме шампиони и сите сакаат да се надигруваат со нас. Не стравувам од конечниот епилог на сезоната, бидејќи верувам дека Интер на чело со Мурињо ќе стигне до нова титула", изјави бразилскиот голман.

По одигрувањето на 29 коло во Серија "А" Интер е на првата позиција со 60 освоени бодови, еден повеќе од Милан и четири од Рома на третото место.

Интер во целост застана на страната на Мурињо, во „војната" со Балотели

Нагонот за расправии кај португалскиот тренер Жозе Мурињ, кој моментално ја врши должноста стратег на Интер, никогаш не бил доведен под знак прашалник.

По доаѓањето во овој милански клуб "омилена" мета му беше 19-годишниот Марио Балотели со кого создаде вистински непријателски однос и веројатно не мина ниту еден месец без нивна караница.

Последниот гаф кој го направи Балотели е оној од пред неколку дена кога во интервју за една ТВ станица покажал дрес на Милан на кој испишано било неговото презиме.

Мурињо во петокот обави разговор со Балотели, по што играчот го напушти тренинг кампот на тимот каде се подготвуваат за денешното големо дерби на Серија А против Рома. Тоа ќе биде шести меч како Интер игра без Балотели.

Сопственикот на Интер, Масимо Морати беше еден од најголемите фанови на Балотели, но и тој ги крена рацете од играчот по скандалот со дресот на Милан. Клубот, сепак и службено се огласи по ова прашање.

"Во секој детал се согласуваме со нашиот тренер Мурињо и ги почитуваме неговите одлуки. Ако одлучи да го изостави Балотели, во целост се сложуваме со таквата одлука" - стои во извештајот.

Балотели им се извини на Мурињо и Интер

Долготрајната расправија која владее на релација тренерот на Интер Жозе Мурињо и неговиот 19-годишен напаѓач Марио Балотели привремено е запрена.

Секако, попушти фудбалерот, кој му се извини на клубот, но и на тренерот Жозе Мурињо.

"Се извинувам за ситуацијата која владее во последно време. Во неа најмногу загубив јас бидејќи не играв, но за сето тоа сум самиот виновен. Сега во тишина ќе ја чекам својата шанса повторно да се вратам во тимот. Не би сакал да се навраќам во минатото, туку сакам да размислувам за иднината и за мечевите на Интер кои следат, во кои сакам да помогнам. Знам дека можам да бидам далеку покорисен на тревникот." - изјавил Балотели.

Овој играч не настапи на последните шест меча за Интер, а цело време нагласуваше каде еден ден ќе ја изнесе целата вистина во јавноста, со што ќе докаже дека не е виновен.

Сепак "правата вистина" не ја обелодени и се одлучи на ваков чекор.

Рафаел Бенитез во Интер?

Рафаел Бенитез е многу близу до клупата на Интер, а италијанските медиуми тврдат дека Шпанецот со себе во Милано ќе ги доведе Хавие Маскерано и Дирк Кајт.

"Газета дело Спорт" тврди дека техничкиот директор на европскиот првак Марко Бранка веќе ги завршил првичните преговори со шпанскиот стратег и тоа само неколку часа по објавувањето на веста дека Бенитез стави крај на соработката со Ливерпул.

Како што наведува весникот, се е договорено, а се чека само зелено светло од претседателот на Интер Масимо Морати, кое не би требало да изостане.

Бенитез ќе добие многу поголема сума за трансфери во споредба со онаа што ја имаше во Ливерпул, но прва задача ќе му биде да разговара со Маикон, снајдер и Диего Милито, кои сите сакаат да ги задржат во клубот. Потоа Шпанецот би можел да работи на доведување на играчите на Ливерпул, Маскерано и Кајт.

Покрај Бенитез кандидат за местото тренер на Интер, на кое до неодамна седеше Жозе Мурињо, се споемнуваат и Гус Хидинк и Мануел Пелегрини.

Бенитез не го пушта Маикон

Тренерот на Интер, Рафаел Бенитез, ќе се обиде да го блокира трансферот на Маикон во редовите на Реал Мадрид, бидејќи Шпанецот смета дека му е неопходен во редовите на италијанскиот првак. По доаѓањето во Интер, Бенитез се помири со фактот дека Маикон ќе го напушти клубот, но се премислил
Бенитез својата желба му ја пренел и на претседателот на клубот Масимо Морати, а и самиот Маикон изјавил дека ништо не го интересира и дека сака само да работи во мирна атмосфера.

Ето сака барем 25 голови