Панучи заврши кариера поради девојка

Италијанскиот фудбалер Кристијан Панучи решил да го остави фудбалот во 37. година од својот живот поради преголемата љубов кон својата девојка Росарија Канаво (28), пишува германски Билд. Минатиот месец Панучи го раскина договорот со Парма, а клубот соопшти дека тоа го сторил од лични причини.

Поранешниот италијански репрезентативец прејде во Парма во 2009 година од Рома, а германскиот весник наведува дека Канаво му предложила на Панучи да избере меѓу фудбалерот и неа со оглед на тоа дека нивната врска воопшто не функционирала на далечина. Панучи се одлучил да ги закачи копачките со оглед на неговите поодминати фудбалски години и да поработи на љубовен план.

Панучи и Росарија

"Фудбалот или јас", наводно му порачала убавата Росарија на искусниот фудбалер, а тој ја донел последната одлука.

Панучи во својата кариера играше во дел од најсилните италијански клубови, а еден период помина и во Реал Мадрид. Најдолгиот престој му беше во Рома каде играше од 2001 до 2009 година, а боите на италијанската репрезентација ги бранеше 57 пати.

Новески меѓу најдобрите

Николче Новески, капитенот на Мајнц, е единствениот од оваа екипа кој се најде во тимот на 26. коло во Бундес-лигата. Мајнц со 1:0 славеше над Келн, и тоа во меч на кој домашните 50 минути играа со десет фудбалери. Одбраната беше на испит, но таму царуваше Новески, кој во текот на целиот меч в џеб го стави познатиот Лукас Подолски.

"Новески беше главен во одбраната. Не му дозволи на Келн да стигне до идеална шанса за гол иако гостите долг период имаа играч повеќе", пишуваат медиумите во Германија кои го ставија Новески во идеалниот тим на колото.

Ова е третпат во оваа сезона како Новески се наоѓа во идеалниот тим во Германија.

Приходите на ФИФА за прв пат надминаа 1 милијарда долари

Вкупниот приход на Меѓународниот фудбалски сојуз ФИФА изминатата година за прв пат беше поголем од една милијарда долари, е објавено на состанокот на Извршниот одбор на ФИФА кој беше одржан во Цирих. ФИФА во изминатата година планирала приход од 863 милиони долари, но сепак тој на крајот бил поголем за 196 милиони долари.

"Ние не сме банка и нема да ги чуваме парите, туку ќе им ги дадеме на оние на кој им се потребни.

ФИФА не им ги враќа парите на богатите, туку ќе им помогнеме на сиромашните" изјави претседателот на ФИФА Сеп Блатер, кој најави дека ќе донира по 200 илјади долари за секој од 208 национални сојузи. Така Чили и Хаити кој се погодени од катастрофалните земјотреси ќе добијат многу повеќе.

Митрески си "бега" од ЦСКА!?

ЦСКА Софија не е Спартак Москва па ниту Енерџи Котбус. Далеку е првакот на нашиот источен сосед од поранешните клубови каде Игор Митрески настапуваше во својата богата интернационална кариера. Нашиот стопер тоа го осети во неделата кога преживеа линч на навивачите на ЦСКА. Прекинат е дуелот Локомотив Мездра - ЦСКА при резултат 1:0 за анонимниот клуб, и тоа во 65. минута кога гостинските играчи биле нападнати од своите навивачи. Овој настан е топ тема во Бугарија каде сега се откриваат сите детали околу најновиот скандал. Фановите на "црвените" влегле на теренот и ги удирале своите играчи. Според едни приказни бил удрен и Митрески, но според други нашиот фудбалер навреме избегал во соблекувалната.

"Во моментов имаме само информации кои велат дека навивачите ги удриле тренерот Андоне и фудбалерот Петре. Двајцата се од Романија, но тоа е случајност... За Митрески дека е удрен немаме информации...", коментира Стојан Георгиев, нашиот колега од весникот "Меридиан Мач".

Митрески и сите фудбалери на ЦСКА се под посебен режим и исклучени. Фудбалерите на ЦСКА живеат во неизвесност и нивната безбедност во Софија не е сигурна со оглед на најновиот скандал во Мездра.

Вчера, во Бугарија имаше и шпекулации дека Митрески е првиот кој побарал да си оди од клубот поради добиените шлаканици од навивачите. Нашиот дефанзивец зад себе има богата интернационална кариера и играл за големиот Спартак Москва. Неговиот неофицијален коментар за случувањата во ЦСКА бил дека нема пари кои ќе го натерале да остане во Софија. Искусниот стопер во зимскиот преоден рок дојде како големо засилување за ЦСКА од Енерџи Котбус. ЦСКА се уште има шанси да ја одбрани титулата во Бугарија, но по инцидентот во Мездра од фудбалската федерација најавуваат одземање на уште 3 бода на ЦСКА и службени 4:0 за Локо Мездра за прекинатиот меч.

Доколку најавите станат вистина, управата на ЦСКА најави дека ќе мора да реагира, а како еден од првите чекори ќе биде и разделба со некои фудбалери, а меѓу првите би биле странците. Вреди да се напомене дека договорот на Митрески со тимот од Софија е еден од најтешките, а клубот има проблеми и со добивање лиценца за настап на евро-сцената. Проблемите на нашиот стопер во Бугарија се големи иако можно е смирување на страстите затоа што времето ги притиска и ЦСКА и нивните збеснати навивачи затоа што веќе утре "црвените" дома играат против Пирин од Благоевград.

"Од ЦСКА, но и јавноста во Бугарија коментира дека скандалот во Мездра е наместен....", велат нашите колеги од Софија околу проблемите со навивачите на ЦСКА.

На удар бугарскиот клуб е и во Романија каде тамошните весници застана на страната на нивните државјани за кои велат дека е време да ја напуштат Бугарија и ЦСКА. Има и верзии дека тренерот Андоне ќе си оди, а на негово место во ЦСКА би дошол Христо Стоичков.

denes objavija deka navivackata grupa komiti se raspadna sok sok vo skopje do drugi informaci vecer na a1 na vestite zosto i kako nikoj neznaj cudo vo skopje

Пандев со Интер по титула во Рим
Македонецот се враќа на „Олимпико"

Нашиот најдобар фудбалер најавен како стартер кај Мурињо иако по повредите се враќаат Станковиќ и Снајдер

Интер со +4 бодови гостува на Рома во големата дерби пресметка во Серија А каде тимот на Горан Пандев оди да ја сочува и зголеми предноста со што ќе направи голем чекор кон одбраната на титулата. По триумфот со 3:0 над Ливорно тимот на Жозе Мурињо сега влегува во тешка гостинска мисија иако сили треба да се чуваат и за в среда кога Интер игра дома со ЦСКА Москва во првиот 1/4 финален дуел од Лигата на шампионите.

Она што е важно е тоа што Горан Пандев првпат откако е член на Интер доаѓа во Рим и на "Олимпико" каде во минатите 5 години блескаше како фудбалер на Лацио. Според медиумиоте во Италија, гостинот со офанзивна тактика оди на дуелот со силната "волчица" која се надева дека со триумф над "сино-црните" ќе влезе во битката за престолот во Серија А. Жозе Мурињо, најверојатно, денеска ќе тргне со три напаѓачи, и тоа Ето, Милито и Пандев. Во комбинација по повредата се враќаат Снајдер и Станковиќ и според најавите Интер се очекува да игра во слична формација како и против Челзи во Лондон пред десетина дена.

Дуелите со Рома во минатото беа посебни за нашиот Пандев, кој како член на Лацио секогаш имаше голем дуел во ваквите градски пресметки на Рим. Струмичанецот веќе 7 средби не се запиша во листата на стрелците за Интер, а денешниот дуел со Рома е вистински предизвик да се прекине оваа пауза.

Тотенхем сака да го задржи Гудјонсен