НАЈНОВО во излозите

izlozi sa puni a dzebojte prazni koj imet imet koj ne ce gleat

Модни промашувања Оскари 2010-та

Познато е дека изборот на фустан за доделувањето на Оскарите е мошне важна работа, бидејќи сите очи се вперени во него. Сепак, како и секоја година има фустани кои се добри и фустани кои се лоши.

Актерката Кристен Стујарт конечно се појави во чиста, мирисна и убава облека, за разлика од оние денови кога одеше како маж и имаше нечисти нокти. Сепак, изборот на фустанот беше целосно спротивен со градбата на нејзиното тело.

Сара Џесика Паркер на црвениот килим се појави во жолт фустан од Шанел од колекцијата пролет/лето 2010 –та. Таа изгледаше како да е замотана во завеса, па изостана нејзиниот препознатлив сексапил.

Иако Деми Мур се држи добро за своите години, некако станува помалку досадна. Овој пат таа се определи за фустан од Версаче ( колекција пролет/лето 2008!!), во боја на кожата која се стопи со нејзиниот премногу кварцан тен.

Кога станува збор за Дајен Кругер и таа ги разочара своите фанови. Фустанот воопшто не ја пратеше нејзината линија на телото, а таа изгледаше мошне уморно.

Сепак, титулата најстрашно облечена и припадна на ѕвездата од филмот Аватар, актерката Зое Салданум . Таа се појави во нешто што можеби би изгледало идеално во некоја друга прилика и на некој друг човек, но не и за Оскарите.

Во прилог ви нудиме уште неколку холивудски ѕвезди со нивниот избор на облека.

Тиркизна-боја за 2010-та

Модните стручњаци не го губат своето скапоцено време, па веќе ги објавија своите предвидувања за новата 2010-та година. Според нивните очекувања, оваа година ќе биде во знакот на тиркизната боја.
Тиркизната боја лесно се забележува и веднаш асоцира на одмор.

-Таа е навистина интересна боја и посебно е прилагодлива кога одите некаде на одмор, особено на море, изјавува Џејн Шоенборн, еден од водечките светски дизајнери.

Причината поради која експертите ја избираат оваа боја е тоа што 2009-та беше тешка година, па сега луѓето треба да се освежат и развеселат.

-Тиркизната е некаде помеѓу сината и зелената, што ја прави привлечна и спокојна, што е одлика на сината, и жива и весела, што е одлика на зелената боја, тврди Шоенборн.

Бојата на тиркизот е главна инспирација и за познатиот Томи Хилфингер, кого бојата го асоцира на Карибите и на Сен Тропе.

Дизајнерите се согласуваат дека тиркизната боја е омилена за сите оние кои не сакаат да бидат конзервативни и обични, а голема предност на бојата е тоа што истата се согласува со голем спектар на бои од црна до бела.