Градоначелникот на Охрид - Петрески?

Вака, поедноставено, треба да се чита, пораката што од далечна Австралија, по брза пошта, му ја испрати градоначалникот на Охрид Александар Петрески, на  лидерот на СДСМ  Бранко Црвенкоски. Фалеше само уште да му напише - јас сум Бранко Црвенкоски во Охрид.

Но, да нема простор за сомневање дека некој шпекулира. Еве што буквално "му напиша" на Црвенкоски, Александар Петрески, преку австралискиот портал Информатор.

- Слободно можете да погледнете кон членовите на делегацијата и верувам ќе констатирате дека оваа не е партиска делегација, а тоа значи јас одлучувам за мене и знам што е најдобро за мене и за тие што ме избрале. А ниту СДСМ ме пратиле тука ниту имаат право да ме одповикаат назад, а и сакам да напоменам дека и на последните избори се виде колку гласови добија СДСМ, а колку јас, изјави охридскиот градоначалник Александар Петревски.

Ете тоа е тоа, некој сега треба да си ја подвитка опашката! Ги има доста во СДСМ и надвор од него, што сега ликуваат на мајтапењето на Петрески со Бранко Црвенкоски. Особено што  Петрески, му се допаѓало тоа некому или не, има и аргументи во својот џеб.

Петрески, не случајно, му праќа порака на Црвенкоски дека одговара "пред тие што ме избрале"! А,  за да не се мачат во одговорот - кој го избрал, им појаснува на СДСМ дека тие не се избирачите на Петрески. И навистина има огромна разлика, со неколку илјади, помеѓу гласовите што го освои лани во март Петрески и оние на советничката листа на СДСМ. Практично СДСМ претрпе дебакл и само со умешноста на Петрески СДСМ има претседател на Совет и мнозинство во локалната власт.

Умешноста е во тоа што има пари и функции што ги дели на НСДП на Тито Петковски и ВМРО НП на Љубчо Георгиевски. Секако не е во право дека ќе победеше без гласовите на СДСМ. Но тоа е друга приказна. За него СДСМ е само инструмент, преку кој доага до кандидартурите. Се останато е во негова добра режија, во спојот со градежниците, или урбаната мафија - кој како милува, во концесиите кон Албанците од Охрид, преку Струга до Велешта, во концесиите до медиумите.

Погледнете кој е во неговата делегација. Дури е за поздравување неговата искреност  (заедно со дрскоста кон лидерот), кога вели дека тој таму не води делегација на СДСМ. Знае тој добро кого води. Бизнисмени, со кои ги прави парите. Новинарка од национална ТВ куќа, која ништо не слуша што се случува во земјата и надвор од неа врзано се Петрески!? Медиум, или газда - кој како милува, со која градат диви мостови и спојуваат бизниси во Охрид!?

Затоа Инпрес вчера напиша дека Црвенкоски си го заслужува срамот што му го плеска во огромни количини Александар Петрески.Не дека е тој дирекно виновен за Петрески. Но тој дозволи - еднаш да се погреши, а уште еднаш да се повотори грешката со Перески.

Тражили сте - сада гледајте!? (Крај)