УЕФА Лига на Шампиони

Бекам се враќа "дома"

Вечерва на програмата се најинтересните дуели од осминафиналето во Лигата на шампионите. Два од четирите гиганти учесници во нокаут-фазата ќе испаднат, но прашањето е дали тоа ќе бидат Реал и Милан, кои имаат негативен резултат од првите дуели со Лион, односно Манчестер Јунајтед. Најинтересно ќе биде на Олд Трафорд од неколку причини. "Росонерите" ќе мора да атакуваат на голови и да ја надополнуваат предноста на противникот од 3:2, а моментот на вечерта е враќањето на Дејвид Бекам на Олд Трафорд за првпат како играч по седум години. Англиската ѕвезда мина 12 години со Јунајтед почнувајќи како јуниор во 1991 година. Своето деби во првиот тим го направи четири години подоцна и беше стандарден се до 2003 година кога се пресели во Реал. Во дресот на "Црвените ѓаволи" одигра 394 натпревари во сите конк*ренции и постигна 86 гола, а со овој клуб ја освои титулата од Лигата на шампионите во трилер-мечот со Баерн во 1999 година.

"Дали сум нервозен? Не, среќен сум што за првпат по седум години се враќам на Олд Трафорд. Ќе се сретнам со многу пријатели кои ми даваа поддршка додека настапував овде. Никогаш не очекував дека повторно ќе заиграм на мојот омилен стадион, но во дресот на друг клуб. Не се плашам, напротив, возбуден сум што ќе играм против моите поранешни соиграчи. Што се однесува до натпреварот, Милан се уште има шанса и ќе стори се да го оствари потребниот резултат", изјави 34-годишниот Бекам.

Покрај Бекс главен адут на Милан за победа е бразилската врска Тиаго Силва-Роналдињо-Пато. Дефанзивецот заедно со Неста е командант на одбраната на "росонерите", а често се впишува и во листата на стрелците. Роналдињо е кралот на асистенциите во оваа сезона, а Пато, пак, на головите. Иако недоволно заздравен Леонардо го зеде младиот Бразилец за овој дуел и пред почетокот на мечот ќе одлучи дали ќе го пушти во "оган" од првата минута.

На другата страна Алекс Фергусон ќе може да смета на најдобриот играч и прв стрелец на екипата Вејн Руни. Напаѓачот на "Црвените ѓаволи" има проблеми со тетивата на коленото, но таа не е толку незгодна за да го пропушти големиот дуел. Руни одмораше на првенствениот меч со Вулверхемптон, што значи дека вечерва ќе се најде во тимот. Неговите 28 погодоци оваа сезона доволно говорат колку англискиот репрезентативец е неопходен во тимот. Ферги не е без проблеми. Поради суспензија ќе недостасува Мајкл Карик, а поради повреди отпаднаа Мајкл Овен, Вес Враун и Андерсон.

Реал пред своите навивачи ќе обиде да ја прекине непријатната традиција која го следи. Имено, пет сезони по ред "Кралскиот клуб" го нема поминато осминафиналето. Сега има негативен резултат, меѓутоа сите во клубот веруваат дека со помош на добрата форма Реал ќе го надомести изгубеното и, конечно, ќе влезе меѓу осумте најдобри. "Кралевите" немаат пораз на 13 првенствени натпревари, а на последните пет натпревари постигнаа дури 16 гола. Екс-напаѓачот на Лион Карим Бензема поради повреда и Чаби Алонсо заедно со Марсело поради суспензии ќе го пропуштат дуелот, меѓутоа Мануел Пелегрини верува дека Кристијано Роналдо, Кака и одличниот Игуаин ќе можат да остварат одличен резултат.

"Овој меч е да се биде или не. Играме добар фудбал и ќе биде штета ако не поминеме во следната фаза. Добро ни е познат противникот. Французите се добро психички подготвени, но немаат играчки квалитет да ни парираат. Време е да покажеме колку вредиме", изјави Роналдо за клупската интернет страница.

Лион од јануари нема пораз на првенствен или европски натпревар (седум чисти победи и две реми). Седумкратниот француски шампион знае дека во Мадрид ги очекува пекол, но се надеваат дека ќе успеат да ги неутрализираат нападите на домашните играчи.

"Ако одиграме цврсто во одбраната и мудро во нападот, ќе успееме. Сите веруваме во пласманот во четвртфиналето и напорно работиме да го оствариме тоа. Реал е во мала предност поради домашниот терен, меѓутоа не е семоќен. Можеме да изненадиме и тоа ќе го сториме", изјави тренерот на Французите, Клод Пуел, кој за овој меч нема да смета на бразилскиот напаѓач Мишел Бастос поради проблеми со мускулите на ногата.

ОВА МОЖЕБИ НЕ СТЕ ГО ЗНАЕЛЕ

Неколку илјади фанови на Манчестер Јунајтед се подготвени да ги бојкотираат почетните 10 минути од натпреварот со Милан како дел од нивната кампања против американските сопственици - фамилијата Глејзер.

Алекс Фергусон воопшто не е среќен поради тоа што дуелот на Олд Трафорд ќе го води швајцарскиот арбитар Масимо Бусака. 41-годишниот делител на правдата не му донесе среќа на минатогодишното финале во Рим каде неговите фудбалери беа надиграни од Барселона. Една година пред тоа истите два тима се сретнаа на Ноу Камп во полуфиналето од ЛШ (мечот заврши 0:0), а Бусака не досуди пенал за Англичаните.

Екипата на Милан прими погодоци на сите седум натпревари во ЛШ.

Од 13 гола на Манчестер Јунајтед оваа сезона во ЛШ дури седум паднаа во последните 15 минути

Фудбалерите на Реал Мадрид направиле најмногу прекршоци во ЛШ оваа сезона (124) и собрале најмногу картони (20).

Кристијано Роналдо е прв на листата на стрелци во ЛШ оваа сезона со шест погодоци, а три даде од слободен удар.

Оваа сезона Лион победил на три од четирите гостински натпревари во ЛШ.

Милан е апсолутно најомилен противник на Вејн Руни. Англичанецот досега има постигнато четири погодоци против овој тим.

Лион нема пораз од Реал. Досега се одиграле вкупно пет средби на кои "лавовите" победиле трипати, а ремизирале на два меча. Освен тоа францускиот гигант секогаш постигнувал барем по еден погодок на овие дуели.

Манчестер Јунајтед победил на последните пет пресметки со италијански противници на Олд Трафорд, а на три од нив не примил гол.

Лион победил само еднаш на гости против опонент од Шпанија. Тоа се случило во сезоната 2003/04 во ЛШ со 1:0.

Реал Мадрид успеал да мине во следната фаза 20 пати откако на првиот меч имал негатива. Последниот таков случај беше во ЛШ во сезоната 2001/02 против Баерн кога беше поразен во Минхен со 2:1, а дома победи со 2:0. 11 пати е елиминиран откако го губел првиот меч.

Екипата на Лион успеала 10 пати да мине во следната нокаут-фаза откако остварил победа на првиот меч. Само еднаш е елиминиран и тоа од Вердер во 2000 година во Купот на УЕФА (победа дома од 3:0, пораз на гости од 4:0).

ЈУБИЛЕЈ

Доколку настапи вечерва, играчот од средниот ред на Милан Џенаро Гатузо ќе го забележи 75. настап во Лигата на шампионите. Беспрекорниот борец на фудбалските терени во јануари наполни 32-години, а покажува дека и покрај честите повредите во последно време се уште има сили за надигрување. Кариерата ја почна во Перуџа, по една година мина во Ренџерс и Салернитана, а во Милан моментално ја игра 11. сезона. Во Лигата на шампионите дебитираше на 14 септември 1999 година кога Милан одигра 0:0 на гости кај Челзи. Двапати го освојуваше трофејот од најелитното европско клупско натпреварување (2003 и 2007 година).

к*рИОЗИТЕТ

Екипата на Реал Мадрид е елиминирана на последните три нокаут средби со француски противници. Првиот дебакл се случи во сезоната 1992/93 од ПСЖ во четвртфиналето од Купот на УЕФА со вкупен резултат од 5:4 (победа дома со 3:1, пораз на гости со 4:1). Следната сезона истите противници повторно се сретнаа во четврфиналето, но овој пат во поранешниот Куп на победниците на куповите, а Реал загуби со вкупни 2:1 (1:1 во Париз, пораз на Сантјаго Бернабе од 1:0). Во сезоната 2003/04 во Лигата на шампионите Реал се сретна со Монако во четврфиналето. Откако победи во Мадрид со 4:2, шпанскиот гигант беше изненаден на Луј Втори каде загуби со 3:1 и поради гол повеќе постигнат во гости Французите се пласираа во следната фаза, а подоцна стигнаа и до финалето каде загубија од Порто.

Мурињо со Интер се враќа на „Стенфорд Бриџ“

Фудбалските очи од Македонија ќе се насочат кон лулката на фудбалот. Во Лондон ќе се бие реванш битката за едно од последните 4 места во ¼ финалето од Лигата на шампионите.

Интер со Горан Пандев ќе му се противстави на Челзи и ќе се обиде да ја одбрани предноста од 2:1, заработена во првиот меч во Милано.



Веќе три години по ред Интер застанува во осмина финалето а во последните две пречка беше англиски клуб. Овој пат со Челзи е поинаку. По пауза од две ипол години посебниот се враќа на синиот стадион во Лондон со намера да ја продолжи серијата без пораз која ја имаше овде.

Португалецот постави рекорд од 66 натпревари без пораз на домашен терен во Премиер лигата. Тој е еден од виновниците што Челзи нема загубено на 21 натпревар од Лигата на шампионите на Стемфорд Бриџ или повеќе од четири години.

Иако одговара и нерешено на италијанскиот првак ќе му биде тешко против оваа традиција, но олеснителна околност ќе биде противничкиот голман.

По Чех се повреди и Хиларио па меѓу стативите ќе застане третата алтернатива, Трнбол. Мурињо нема да смета на Тијаго Мота и Балотели, но и покрај стеснетиот избор најавите се дека Горан Пандев и овој дуел ќе го почне од клупата.

Лондонската пресметка ќе фрли сенка на натпреварот во Севиља каде што шпанскиот тим е фаворит против ЦСКА Москва.

Голгетерот Луиш Фабиано се враќа во составот, за разлика од руската екипа која нема да смета на дефанзивците Ќосиќ и Набапкин, во одбрана на московските 1:1.



Samuel Eto'oooooooooooooooooooooo!!!!!!!

bounty_hunter напиша: Ајде уште Барселона да го попиет утре или во четвртфинале и Манчестер да си ја земит титулата.

Барса утре игра 2-2 ама баунти ... Манчестер ке се нагоди на Бордо или Лион , така да заборави на титула во ЛШ , мисли во Премиер како да издржат до крај

Тоа значи дека за 2 недели Арсенал прв ке е 

во другата тема тоа 

Изменето од емил - 18.Март.2010 во 07:23

Денес во Нион беа извлечени двојките од четвртфиналето од Лигата на шампиони, како и распоредот до крајот на најелитното фудбалско натпреварување. Дефинитивно најак дуел меѓу осумте најдобри е средбата на европскиот првак со Арсенал.

Ждрепката сакаше во четвртфиналето од Лигата на шампиони да се сретнат поранешни финалисти - Барселона со Арсенал ќе го повтори финалето од 2006, а Манчестер и Баерн ќе го репризираат култното финале од 1999.

Покрај нив, ќе следиме француски дуел, откако Лион и Бордо ќе се борат за единствен претставник од Франција, а Интер се чини го доби најпосакуваниот противник – ЦСКА од Москва.

Во полуфиналните дуели ќе се вкрстат двојките Барселона – Арсенал и Интер – ЦСКА, односно Манчестер – Баерн и Лион – Бордо.

Четвртфиналните средби се на 30 и 31 март, а реваншите на 6 и 7 април.

Полуфиналето ќе се игра на 20 и 21 април, односно на 27 и 28 април, додека финалето на Сантјаго Бернабе ќе биде на 22 мај.


Четвртфинале:
1: Olympique Lyonnais (FRA) v FC Girondins de Bordeaux (FRA)
2: FC Bayern München (GER) v Manchester United FC (ENG)
3: Arsenal FC (ENG) v FC Barcelona (ESP, holders)
4: FC Internazionale Milano (ITA) v PFC CSKA Moskva (RUS)

Полуфинале:
1: Победникот од дуелот 2 против Победникот од дуелот 1
2: Победникот од дуелот 4 против Победникот од дуелот 3