Зимски Олимписки Игри - ЗОИ Ванкувер 2010

Snosti ja gledav hokej mazi, uste po grupi se igra no interesen natprevar SAD- Kanada!! Salata za hokej ecese!!bukvalno i toa...domakinite zagubija 5:2,no tribinite bea 50-50..ne samo sto se blisku teritorijalno, tuku Sad i Kanada imaat zaednicka profesionalna hokej liga, pa skoro site igraci od Kanada igraat za Americki tim...super atmosfera, a i komentatorine na Eurosport Srbija se maksimalno otkaceni, sekogas suoer raspolozeni..ke te nateraat da gledas prenos

Швајцарецот Симон Аман триумфираше и на големата скокалница на Зимските Олимписки игри во Ванкувер и со тоа го повтори успехот од 2002 година од Игрите од Солт Лејк сити кога освои два златни медала. На подиумот исходот беше комплетно ист како и на малата скокалница Адам Малиш од Полска го освои второто сребро, а Грегор Шриленцауер од Австрија беше трет.

Австрија имаше победничка на женскиот супервелеслалом. Најбрзо патеката ја мина Андреа Фишбахер и на својата држава и го донесе вториот златен медал на Игрите. Втора беше Тина Мазе од Словенија, а трета Американката Линдзи Вон, што за неа беше втор медал во Ванкувер.

Во Вистлер Олимпискиот парк возбудливо беше на крос кантри трката од 30 километри пурсуит (15 класично + 15 слободно) кај мажите. Маркус Хелнер од Шведска прв ја мина целната линија, пред Германецот Тобиас Ангерер и сонародникот Јохан Олсон, кој пак водеше до самата цел, но во финишот немаше сили за првата позиција.

На патеката за брзо лизгање во трката на 1500 метри златото го освои Марк Туитерт од Холандија, пред олимпискиот шампион од трката на 1000 метри Американецот Шани Дејвис и Навард Боко од Норвешка.

Во дисциплината шорт трек трки имаше во двете конк*ренции. Кај жените на 1500 метри триумф на Јанг Зу од Кина, пред Еун Буил Ли и Хи Сеунг Парк двете од Кореа, а кај мажите „1-2“ победа за Кореа. Јунг Су Ли го освои и второто злато пред сонародникот Хо Сук и Американецот Аполо Антон Охно.

На турнирот во хокеј во натпреварот од А групата Швајцарија по продолжение ја победи Норвешка со 5:4. Во Б групата Словачка беше убедлива против Летонија 6:0, а Белорусија ја совлада Германија во дуелот од Ц групата со 5:3.

По деветтиот натпреварувачки ден на листата за медали први се Американците со 23 (6 златни – 7 сребрени – 10 бронзени), пред Германија со 14 (4-6-4) и Норвешка со 11 (5-3-3).

Швеѓаните се обидоа да го направат крос кантри скијањето во тимски настап во саботата откако со тактика која често се гледа на Тур де Франс стигнаа до две места на подиумот во Вистлер. Маркус Хелнер стигна до победа на трката на 30 километри со 2.1 секунди предност пред Германецот Тобијас Ангерер, додека третото место со 2.8 секунди послабо време му припадна на Швеѓанецот Јохан Олсон. Со тројца Швеѓани во топ 10, имаше доволно шанси да се наруши темпото на трката и да се блокираат ривалите, но Ангерер не беше задоволен.

"Се обидоа да го сопрат ритамот на групата. Но, на крајот направија се добро бидејќи се двајца на подиумот", вели Ангерер.

Олсон не демантираше дека тој, Хелнер и Андерс Содергрен (кој беше 10.) работеа заедно.

"Беше тешко да одам соло 15 километри, но кога слушнав дека тие го прават тоа бев задоволен", вели Олсон.

Во петокот до второто злато од Ванкувер стигна Норвежанката Марит Бјерген, откако триумфираше на 15 километри. 29-годишната Бјерген ја совлада Швеѓанката Ана Хаг и светската шампионка во пурсуит Полјачката Јустина Ковалчик, која во фото-финиш ја совлада Норвежанката Кристин Стермер Стеира.

"Ова е одлична Олимпијада за мене. Минатата година го сменив мојот тренинг бидејќи сакав да бидам целосно подготвена во Ванкувер, последна шанса да освојам олимписко злато", вели Бјерген, која може да освои и други медали во штафтета и маратонот на 30 километри.

Титула за Канада  во шорттрекот 

Канада освои златните награди и при штафетата во шорттрекот на игрите во Ванкувер  во дисциплината до 5 километри. Вкупното време на победниците во финалето "А", беше 6:44,244 мин .Втори останаа спортистите на Јужна Кореја, со време 6:44,446. Трети се нареди тимот на САД, заостанувајќи само на 52 стотни. Силно трчање за Американците направи Аполо Оно, кој пред тоа беше дисквалификуван во индивидуалниот натпревар кај мажите, во дисциплината на 500 метри.

 Канада со златото од машкиот турнир кaрлинг

 

Mашкиот тим на Канада донесе нов златен медал за домаќините од 21-ите Зимски олимписки игри, кој се одржа во Ванкувер, јави Евроспорт. На финалето Канада се стави над составот над тима Норвешка со 6:3. Победата е рекордна 13 по ред за канадците на Олимпијадата, што повеќе од 6 илјади навивачи пeeха националната химна на земјата за време на награждаването.

Затворени 21. Зимски олимписки игри во Ванкувер

Зимските олимписки игри во канадскиот град Ванкувер свечено се затворени рано изутринава по средно европско време, по две недели натпреварувања во 15 спортови и со учество на 2.638 спортисти од 82 земји.

Прекрасната церемонија на затворањето на Би-Си Плејс стадионот, пред околу 60.000 гледачи, е завршена со спуштање на олимпиското знаме и гаснење на олимпискиот оган, кој повторно ќе биде запален на 7 февруари 2014 година во рускиот град Сочи.

Пред да ги прогласи за затворени 21. ЗОИ, претседателот на Меѓународниот олимписки комитет Жак Рог ги опиша како „одлични и многу пријателски“, уште еднаш оддавајќи му почит на трагично починатиот грузиски санкач Нодар Кумариташвили, кој го загуби својот живот на тренинг на 12 февруари, непосредно пред отворањето на Игрите.

Рог претходно го прими олимпиското знаме од рацете на градоначалникот на Ванкувер Грегор Робертсон, а потоа му го предаде на неговиот колега од Сочи Анатолиј Рахомов, по што на јарболот беше подигнато руското знаме и изведена кратка програма за претставување на домаќинот на 22. Зимски олимписки игри.

Најбројна репрезентација на овие Игри, трети кои се одржани во Канада, имаа САД, кои беа претставувани од 216 натпреварувачи, а следеа домаќинот Канада со 206 и Русија со 187 спортисти.

Најмногу златни медали освои Канада (14), пред Германија со 10 и САД со девет освоени највисоки признанија.