Што е Адвентистичката црква?

LoveHim напиша: И патем за тие што велат дека сабота била само во стариот завет. Нели посланијата се пишувани после вознесувањето на Христа, и се во новиот завет? Секако дека се. Еве ќе ви дадам само еден стих МНОГУ ЈАСЕН И ГЛАСЕН: ЕВРЕИТЕ 4:9 „НО, ЗА НАРОДОТ БОЖЈИ СЕ УШТЕ ОСТАНУВА САБОТНАТА ПОЧИНКА.“

Читај го контекстот и ќе видиш дека таму не станува збор за никаков 24 часовен саботен ден, туку за влегувањето на Божјиот народ, преку вера во евангелието, во Божјиот одмор (Божјата, Христовата починка).

" И така, да се погрижиме да влеземе во Христовата починка, за да не падне некој по примерот на истата непослушност! " (Евреите 4:11)

Ако некој не влезе во Христовата починка, залудно ќе му робува на денот Сабота лишувајќи се себе си од секаква работа во тој ден.
Некои адвентисти не си готват ни ручек во тој ден, туку си припремаат уште од петок. А има и такви адвенстити кои со страв ја поминуваат саботата да не случајно несвесно подработат нешто и едвај чекаат да дојде неделата за да можат да се одморат од овој страв и на раат да си подзавршат некоја работа.

"А кога во првиот ден на седмицата (Недела) се состанавме да раскршуваме леб," (Дела на апостолите 20:7, Новиот Завет)

"Еден разликува ден од ден, а друг ги смета сите денови еднакви. Нека секој биде наполно уверен во своето мислење!" (Римјаните 14:5, Новиот Завет)

По што се разликуваат адвентистите од другите христијани?

Постојат повеќе разлики, во зависност од тоа со која друга христијанска црква правите споредба, но, накратко кажано, разликата е во тоа што адвентистите како единствен темел и мерило за верата ја земаат Библијата: „Таа е мерило на карактерот, проверка на искуството, авторитетен толкувач на доктрината и веродостоен извештај за Божјите дела во историјата“ (од основните вистини на Адв. црква). „Целото писмо (Библијата) е од Бога вдахновено и е полезно за поука, за поправање и за воспитување во правдата...“ „Посвети ги со својата вистина, Твоето слово (Боже) е вистината“ (Јован 17,17). „Твоето слово (Боже) е светилник на нозете мои и и светлина за патеката моја...“ (Псалм 119,105)

За разлика од адвентистите, некои христијански цркви покрај Библијата имаат и низа други книги на кои им придаваат исто, или дури и поголемо значење: црковни традиции, преданија, житија и др. Исто така, некои на ниво на Библијата ги издигнуваат одлуките на црковните собори или пак изјавите и учењата на одредени црковни авторитети - великодостојници или поглавари.

Во многу случаи таквите „додатни извори на вистина“ се во контрадикторност со јасните учењата на Библијата. Од тоа произлегле низа обреди, обичаи и верувања кои немаат своја основа во христијанството, онакво какво што го проповедал Исус Христос. Никаде во Библијата не е забележано дека Тој или неговите апостоли верувале, ги учеле другите или пак земале учество во одредени обреди, обичаи или учења вообичаени за некои христијански цркви денес.

Постојат и други (претежно протестантските цркви) кои исто така тврдат дека за свое единствено мерило на верата ја земаат Библијата. Но, во нивните учења се уште постојат не*иблиски примеси кои низ вековите навлегле во христијанството.

EvAngelos, ќе те прашам неколку работи
Дали ти велиш дека Саботата не треба да се празнува како Господов ден?
И тоа што го кажа за Елена Вајт. Јас не сум против ништо што е вистина, но сум против се, што е против Библијата.
Еве да ти кажам дека ги имам прочитано скоро сите книги од Елена Вајт, а и многу книги од православието како „задгробни тајни“ и многу житија. Еве ти давам причина, ако не си прочитал ништо од Елена Вајт, или која и да е православна книга, земи и прочитај. Потоа ќе те молам, да ми најдеш барем едно нешто во книгите на Елена Вајт, што се противи на здравото учење на Библијата, а јас ќе ти најдам минимум 30 нешта во православните книги, кои се спротивни на учењето на Библијата. Ако има нешто во книгите на Елена Вајт не*иблиско, кажи ми, и јас не сакам да читам книги, кои ќе ме отргнат од Бога, и од правилниот однос према Него.
И тоа што имаш напишано за дополнителните откровенија: кажи ми некое „доплнително откровение“ од книгите на Елена Вајт, кое го нема во Библијата, а јас ќе ти кажам 100 дополнителни глупости во денешните православни книги, и тоа не само глупости, туку прави приказни. Скоро во сите православни книги, тие што ги имаат напишано, се повикуваат на некои љуѓе, што ние не ги познаваме, како направиле чуда, како им се случило тоа и тоа. Зошто не се повикуваат на Библијата, туку на некој предобни Марко, Анастасија, кажуваат на некои разбојници, кои никаде и никогаш не се спомнало нивни име во Библијата. И сега Елена кажувала дополнителни откровенија и глупости, а нашите денес познати по име христијани не треселе глупости со нивните приказни, дедо ми ми рече, баба ми ми кажа.
Еве пак ти велам, не сум против љуѓето и нивните книги, но ако тоа што го кажуваат е во согласност во тоа јасното ТАКА ВЕЛИ ГОСПОД, а не мојот прадедо ми кажа вака било.
И за крај ќе кажам, кој сака да се препира и бара причини за препирање ќе најде, но нема никаква полза од тоа јас и ти да се препираме, туку само штета. Една е вистината, а таа е од Бога, кој сака да ја спознае нека ја чита Библијата, и ќе му даде Господ да разбере.
EvAngelos ние не треба да си ги браниме нашите мислење, туку Божјите сигурни одговори. Вистина ти велам, ако пример ти или кој и да е друг, ме убеди дека нешто што сум кажал е грешка, но да ме убеди од Библијата, вистина ти велам, со радост ќе се поправам, и нема да го правам тоа понатаму. Јас само сакам чисто, колку што ми дал Бог, да се држам до Него, а се друго е безначајно.
Еве ти кажувам дека никогаш не сум сакал да се препирам со љуѓето, и со тоа да ги наведувам на невереие, туку сакам да дискутираме за чистата христијанска вера, КАДЕ ОТИДЕ ДЕНЕС, и која е ретка како офирско злато. Се е тргнато по земни задоволства, како што вели Тимотеј, љуѓето се станати „повеќе сластољубиви отколку Богољубиви.“ Немој да мислиш дека ти пишав за да те насрдам да ми пишуваш и да ми докажуваш некои работи, туку за да ја читаш Библијата, секој ден, и да ти даде Господ мудрост да ја разбираш вистински.

Вака сега да разјасниме EvAngelos. Сега ќе ти напишам еден куп докази за да се увериш дека Саботата не е сменета, ниту пак дека е само за старозаветно време.
Матеј 24:3-31 „Кога седеше пак на Маслиновата Гора, Неговите ученици дојдоа при Него насамо и Му рекоа: „Кажи ни, кога ќе биде тоа и кој е знакот на Твоето доаѓање и на свршетокот на векот?”
И Исус одговори и им рече: „Гледајте да не ве заблуди некој; зашто мнозина ќе дојдат во Мое име, говорејќи: „Јас Сум Христос,” и ќе заблудат мнозина.
А ќе чуете за војни и гласови за војни. Пазете да не се уплашите; зашто тоа треба да се случи, но уште не е крај.
Зашто ќе се дигне народ против народ и царство против царство; и ќе има глад, и помор, и земјотреси на разни места.
Но сè тоа е само почеток на страдањата.
Тогаш ќе ве предадат на маки и ќе ве убиваат, и сите народи ќе ве замразат заради Моето име.
Тогаш мнозина ќе се соблазнат; и едниот ќе го предава другиот; и едниот ќе го мрази другиот; и ќе се јават многу лажни пророци и ќе заблудат мнозина.
И заради многу беззаконија, љубовта ќе олади кај мнозина.
А кој ќе издржи до крај, ќе биде спасен.
И ова Евангелие за Царството ќе биде проповедано по целиот свет, за сведоштво на сите народи, и тогаш ќе дојде свршетокот.”
”И така, кога ќе ја видите одвратноста на запустувањето - за која зборува пророкот Даниел - како стои на свето место; кој чита - нека разбере! -
Тогаш жителите на Јудеја нека бегаат по горите; а кој ќе биде на покрив, нека не слегува да земе нешто од својата куќа; и кој ќе биде во полето, нека не се враќа за да ја земе наметката!
Горко им на бремените и на доилките во тие денови!
МОЛЕТЕ СЕ ВАШЕТО БЕГАЊЕ ДА НЕ БИДЕ ВО ЗИМА ИЛИ ВО САБОТА
зашто тогаш ќе биде голема мака, каква не била од создавањето на светот досега, ниту ќе биде.
Овде јасно и гласно се кажува за настаните пред второто Христово доаѓање, ако не е така поправете ме. Нели Исус посочува на последните денови пред Неговото доаѓање, и како тогаш саботата неважи, кога самиот Исус рекол:
МОЛЕТЕ СЕ ВАШЕТО БЕГАЊЕ ДА НЕ БИДЕ ВО ЗИМА ИЛИ ВО САБОТА.
Ако требаше, ќе ни кажеше Господ да се молиме нашето бегање да не биде во НЕДЕЛА, како што денес е сметаат НЕДЕЛАТА како Божји ден за одмор, ама не е така.
Лука 23:56 Потоа се вратија и приготвија мириси и миро; а во саботата, почиваа, според заповедта.“
Каде е овде другиот ден за одмор, ако Исус веќе им рекол на своите ученици за некој друг ден, или тие сеуште продолжиле да ја почитуваат Саботата како свет ден.
Дела 13:14 А тие заминаа од Пергија и дојдоа во Писидиска Антиохија; и влегоа во синагогата во саботен ден, и седнаа.“
Дела 13:42 „ А кога излегуваа, ги молеа да им ги проповедаат овие зборови и во идната сабота.“
Дела 13:44 А во идната сабота се собра скоро целиот град да го чуе Божјото слово.“
Дела 15:21 „ Зашто Мојсеј има проповедници, од дамни времиња, во секој град: го читаат во синагогите, секоја сабота.”
Од тука се гледа дека апостолите го продожиле тоа што било од дамнешни времиња, проповедајќи го словото Божјо.
Евреите 4:9 „Но, за народот Божји сеуште останува Саботната починка.“
Дали овде има нешто тешко за разбирање во оваа јасна реченица. Дали треба да си научник за да се разбере ова? Секако дека не треба, но:
2 Петар 3:14-16 „ Затоа, возљубени, додека го очекувате ова, погрижете се Тој да ве најде чисти и непорочни во мир. А долготрпеливоста на нашиот Господ сметајте ја како спасение, како што и нашиот возљубен брат Павле ви напишал, според дадената му мудрост; како што и во сите свои писма зборува за ова; во нив има некои тешко разбирливи нешта, КОИ НЕУЧЕНИТЕ И НЕУТВРДЕНИТЕ ГИ ИЗОПАЧУВААТ, КАКО И ДРУГИТЕ ПИСМА, ЗА СВОЈА ПОГИБЕЛ.“
Јован: 7:17 Ако некој сака да ја исполнува Неговата волја, ќе знае дали е ова учење од Бога, или зборувам Сам од Себе.
1 Коринтјани: 11:16 Но ако некој мисли да се препира ние немаме таков обичај, ниту Божјите цркви.
1 Тимотеј 6:3-5 „Ако некој поучува инаку и не ги следи здравите зборови на нашиот Господ Исус Христос и на науката на побожноста, тој е надуен и не знае ништо, туку боледува од желба за распрашувања и препирки од кои произлегуваат: зависта, расправиите, хулењата, лукавите сомневања...“
Но кои се здравите зборови на Исус Христос:
Нели тоа се десетте Божји заповеди (или пак може*и девет или осум за некои кои не ја сакаат и втората, затоа што забранува икони).
Јаков 2:10-12 Зашто кој го пази целиот закон, а се сопне само во едно, станува виновен за сè.
Зашто Оној Кој рекол: „Не прави прељуба!” рекол и: „Не убивај!” Ако не направиш прељуба, а убиеш, стануваш престапник на законот.
Оној кој рекол не убивај рекол и:
Исход 20:8-11 „Помни го САБОТНИОТ ден, за да го осветуваш.
Шест дена ќе работиш и ќе ги вршиш сите свои работи.
А седмиот ден е сабота Господова, на твојот Бог. Тогаш никаква работа не ќе работиш: ни ти, ниту твојот син, ниту твојата ќерка, ни твојот слуга, ниту твојата слугинка, ниту твојот добиток, ниту странецот што е внатре во твоите порти.
Зашто во шест денови Господ ги направи небото и земјата, морето и сè што е во нив, а на седмиот ден се одмори. Затоа Господ го благослови и го освети саботниот ден.
Дали оваа заповед од законот е исклучена? Не е, но љуѓето што знаат се плашат и срамат да кажат, поради реакцијата на другите љуѓе околу нив, а не се плашат од Бога. Сеуште важат Божјите заповеди, а во нив е и четвртата заповед која е заборавена, и затоа и почнува со зборот ЗАПОМНИ.
Матеј 5:18 „Зашто вистина ви велам, додека не поминат небото и земјата, ниту најмалата буква, ни цртичка, не ќе ја снема од Законот, додека не се збидне сè.
Дали овде Исус укажува на некој друг Закон, или на тој истиот Закон кој Бог му го дал на Мојсеј на планината Синај.
Лука 16:17 „Полесно е небото и земјата да поминат, отколку да пропадне една цртичка од Законот.“
Нели Исус вели побрзо небото и земјата ќе ги снема, отколку една цртичка од Законот, а камоли една цела заповед.
Откровение 22:14 „Блажени се оние, кои ги исполнуваат заповедите Негови, за да имаат право на дрвото на животот и за да можат да влезат во градот низ портите!
Нема блаженство за тие кои ги почитуваат заповедите со исклучоци, туку блажени се тие што ги чуваат сите заповеди без исклучок, вклучувајќи ја и четвртата.
Исход 31:16 Затоа Израелците нека ја пазат саботата - празнувајќи ја од поколение до поколение - како вечен завет.“
Исаија 56:2„Блазе му на човекот кој прави така и на синот човечки што се придржува за тоа: кој ја почитува саботата за да не ја онечисти и кој ги чува своите раце од секое зло дело.”
Нема никаква измена во законот Божји ниту ќе има довека, затоа што како што Законодавецот е вечен, така и Законот Негов е вечен.
Тоа што имаш напишано да не ги осудуваме љуѓето што не ги почитуваат старозаветните заповеди.
Сите десет заповеди се старозаветни, заедно со четвртата, и ако некој краде, ние можеме само да го укориме, но не и да го осудиме, затоа што е Еден е Судија. Како тогаш ти велиш да не ги укоруваме тие што крадат или лажат? Нели сите заповеди се во сила и ден денес, или може*и ние сме заборавиле една или две, но Бог, а и неговите љуѓе не ја имаат заборавено, затоа што Пастирот им рекол ЗАПОМНЕТЕ, а тие кои се Негови овци го слушаат Неговит глас, а и го разбираат.
А тоа што ми го напиша за Елена Вајт, за дополнителното откровение, не си го прочитал ли ова во писмата:
Дела 2:17-18 „Во последните денови - вели Господ - ќе излеам од Својот Дух на секое тело, и вашите синови и вашите ќерки ќе пророкуваат, и вашите младинци ќе гледаат виденија, а вашите старци ќе сонуваат соништа.
Исто така, во тоа време, и на Своите слуги и на Своите слугинки ќе излеам од Мојот Дух и ќе пророкуваат.
Нели овде Господ зборува за ПОСЛЕДНИТЕ ДНИ или последните години пред Неговото доаѓање? Зошто тогаш е чудно да се појавила некоја личност како Елена Вајт, и што е најважно, се што е искажано во книгите на Елена Вајт, е во согласност со јасното ТАКА КАЖУВА ГОСПОД. И тоа ти што ми го напиша не е додатно, туку во склоп на вистинското.
Се што е против здравото учење на Библијата, за мене, а и за сите би требало да е додатно.

Изменето од LoveHim - 16.Февруари.2010 во 02:07

Одсекогаш ми било УЖАСНО ЗАМОРНО и ДОСАДНО кога треба да се објаснувам со следбениците на елен вајт за сабота или неделата.

Повеќе нема да пишувам на оваа тема EvAngelos, затоа што, не гледам излез од ова, кој сака да верува нека верува, кон не, нека не верува. Јас не сум следбеник на Елена Вајт, туку на Бога, а ако некој сака да знае нека ја чита целата Библија, а не само тоа што го сака да го слуша.
EvAngelos, ако сакаш да ми кажеш дека Исус не бил тој што го извадил Израил од Египет преку море, и дека Тој што им ги дал десетте Божји заповеди, не е Исус, тогаш се лажеш.
Инаку те подржувам за многу работи што ги читав што ги имаш пишувамо за иконите и такви работи за пари.