СКОПЈЕ 2014 или ЛУНА ПАРК '14

Скопје на Груевски ќе стане како Белфаст на Фуере

Наим Вренези	Коментари (0)

Скопје на Груевски ќе стане како Белфаст на Фуере, предупредуваат група албански интелектуалци на дебата организирана од Нова Демократија.

Со црква на плоштад но без џамија, Скопје ќе се подели на два дела муслимански и православен исто како што се поделени католиците и протестантите во Белфаст.

Сметаат дека треба да се работи на заеднички проекти кои ќе ги доближат граѓаните, и да се спаси изгледот на Скопје ако за тоа не е предоцна.

„Што правиме ние веќе имаме една географија на тие попложби каде биле Лавовите а каде УЧК, тоа не е добро. Ако сакаме да им ставиме крај на ова и да одбележиме едно помирување меѓу Албанците и Македонците треба едне модерен заеднички споменик во Скопје кој ќе не опоменува дека вакви настани се случиле во минатото но не треба да се случат во иднина“, изјави Нијази Мухамеди, публицист.

„Со еден збор се организира пост фестум јавна дебата која веќе е во тие доцни моменти за некое подобрување во тоа што значи проектот Скопје 2014“, тонско Исмет Рамадани, политички аналитичар.

Скопје треба да продолжи да се гради но тој мора да остане оригинален. Не мора да се крадат туѓите градителства како што се грчкото и римското, истакнаа присутните. Прокетот предизвика немир кај граѓаните, и тоа мора да запре.

„Скопје е еден млад град и се уште неразвиен и не е спорно тоа дека треба да се гради дека треба да се потрошат уште повеќе пари на неговата изградба и реализација, меѓутоа на кој начин ќе го правиме тоа , дали со ваква тенденциозна естетика која што не води кон ништо и политизација или ќе го градиме по постулатите на модерните европски градови“, вели Нита Муча, „Плоштад Слобода“.

„Изгледиот на плоштадот на главниот град на Република Македонија припаѓа на сите граѓани и треба да рефлектира мултиетничка историја, мултиконфесионална припадност на нашата држава и треба да ја рефлектира исоријата на народите на Република Македонија“, рече Имер Селмани, претседател на Нова Демократија.

Со забелешки за Проектот Скопје 2014, се изјаснија сите политички партии на Албанците вклучувајќи ја и владината ДУИ.