Либерализација на увоз на половни возила

Ахам.. не сум заборавил на Commercial Invoice... 

bilo kade, samo da e voziloto proizvedeno vo EU... Vo sprotivno ostanuva 8 % carina za vozila koi ne se proizvedeni vo EU....

Мене најпојке ме радвит тоа што Дел од македонците што се побугарчија за да возат автомобили по реална цена ( не дека ги обвинувам ) ке им ги вратат пасошите на бугарите !!!

Хахахахаха... државата многу се грижи за нас и нашиот џеб... се на се ги намалија давачките за едвај 2-3 %... хахахах...
Повеќе ми личи дека се грижат за својот џеб отколку за туѓиот...
Премногу ми се патетични.. дури и жал ми паѓа за овие од владава... греотки се.. си живеат у заблуда..
Си викаат сега ќе го лажеме пак народот.. Ќе им ушпараме 2-30 евра за увоз, а ќе им ќариме 2500 евра...
Па кого бре они мислат дека лажат со овие финти? Нели знаат дека само поголема штета си праат? Народот се измори да го лажат веќе...
А уствари они викаат дека во МК има 100 000 прастари возила... Мислат дека со овој закон тие возила ќе исчезнат? Па тие ако имале пари до сега ќе си купеле возило од 2500 до 3500 евра... Да било така немаше да се возат тие коли по македонијава... Ништо нема да направат ни со овој закон... Наместо да се дозволи возило кое е купено во ЕУ, по цена од макс. 1000 еур, да се внесе во Мк, со макс. давачки од 200-300 еур, тие ставаат 200 % давачки на истите.. и после сакаат увоз...
Се вадат на тие финти демек ќе се увезуваат скапаници..
Па за тоа си постојат регулативи... Технички преглед, емисија на издувни гасови, исправност на возилото, Сочуваност на надворешноста и внатрешноста.. Доколку не исполнува некој од тие критериуми, нема регистрација во МК... Па нашите шиткачи ќе пазат што носат во државава...
За секое зошто има свое затоа... Ама паричките се ептен слатки.. Јас кажав.. со вакви мачкања на очи и смеење на народот во лице, далеку не се стига...Ама тоа е судбината на македончето..

abe da ne e lud nekoj da plaka akciza za djabe koga moze da ja vozi i na bg tabli za sto da plaka i pokapa registracija i akcizi i sve zivo neli

Продавачите на половни возила во Бугарија ги зголемија цените откако македонските власти дозволија увоз на автомобили стари и до 16 години. Бугарските авто-трговци се подготвуваат за ново заживување на пазарот и очекуваат зголемување на продажбата на половни возила, за која велат дека три пати се намалила поради економската криза.

- Зголемувањето на цените на половните возила се должи на тоа што државите од каде ги внесуваме веќе почнаа да излегуваат од кризата, но и поради ограничувањата на нивниот увоз. Секако, влијание ќе има и зголемениот интерес што го очекуваме од македонските граѓани. Македонците и досега купуваа одовде половни возила, а сега очекуваме нивниот интерес да биде многу помасовен - велат бугарски автотрговци.

Македонски граѓани, особено тие од пограничните градови, досега ги користеа далеку поповолните цени на половните автомобили на бугарскиот пазар, набавувајќи ги за двојно, па и за тројно пониски цени споредено со македонските. Но, поради ограничувањата на увозот во Македонија, како и поради пониските давачки, овие коли ги возат со бугарски регистарски таблички. Најмногу се купуваат евтини автомобили, но има и такви што набавуваат скапи, луксузни возила.

- Најбарана марка е „опел вектра“, која можеше да се набави од 1.000 до 3.000 евра, за разлика од домашниот пазар, каде што цените за истиот модел се движат од 3.000 до 7.000 евра. Масовно се купува и „опел корса“ од 2002 година, за која граѓаните даваат од 800 до најмногу 1.500 евра, потоа „мерцедес“ Ц класа, кој кај нас чини 10.000 евра, а таму се набавува за 6.000 евра помалку. Голем интерес постои и за „фиат“ од марките уно, пунто и темпра, „ланчиа“, „мерцедес“, но има и побарувачка за луксузни џипови - велат познавачи на авто-бизнисот од Крива Паланка.

Поволните услови во Бугарија им овозможија на голем број македонски граѓани, кои немаа можности да купат половно возило во земјава, да дојдат до посакуваниот автомобил. За да го направат тоа им е потребно само да регистрираат фирма во Бугарија, која најчесто никогаш не се активира. Некои од граѓаните ги користат бугарските лични карти и пасоши, со кои исто така можат да набават возило од бугарскиот пазар. За да ги намалат трошоците, најчесто се организираат неколку лица, кои регистрираат заедничка фирма, а потоа секој од нив купува сопствен автомобил.

- Се собравме шестмина и ги поделивме трошоците за регистрацијата на фирмата, за која секој од нас плати по 60 евра. Потоа сите си ја купивме сакана марка на добро зачувани возила за евтини пари, кои ги возиме овде. Многу поевтино излегуваат и трошоците за регистрација на возилата, зелената карта и осигурувањето. Се' заедно изнесува околу 100 евра, а кај нас треба да дадеме по 300 евра - велат група кривопаланчани, кои имаат возила со бугарски таблички.

Со зголемувањето на старосната граница за увоз на поволни возила, се очекува голем дел од автомобилите со бугарски таблички да добијат македонска регистрација.

Следните шест месеци граѓаните ќе може да увезуваат возила по Евро 1-стандардите постари од 16 години, а уште 6 години потоа, по Евро 2-стандардите постари од 13 години. Откако министерот за економија Фатмир Бесими ги потпиша новите правилници со кои се намалија стандардите за увоз на стари возила сега се чека единствено одлуката да биде објавена во „Службен весник“ за да почне да важи.

Истовремено, пратениците од владејачката коалиција завчера не прифатија да расправаат за намалување на акцизите за старите возила по итна постапка. Собранието не го прифати предлогот на СДСМ на дневен ред да се стават измените на Законот за акцизи по итна постапка. Тие предлагаат да нема акциза за малите возила, за средните да се намали за 1.500 евра, а да биде поголема за луксузните џипови.

Со оваа одлука Владата ги намалува еколошките стандарди кои важат за возилата од Евро 3 на Евро 2 и Евро 1. Евро 1-стандардите, кои потекнуваат од 1992 година дозволуваат испуштање на 2,72 грама јаглероддиоксид на километар, Евро 2 (1996 година) дозволуваат најмногу 1 грам јаглероддиоксид на километар, додека Евро 3 дозволува до 0,64 грама јаглероддиоксид на километар.

Одобрен увозот на постари возила

Граѓаните може да увезуваат возила стари и до 16 години, објави вчера Министерството за економија ставајќи потпис на новите подзаконски акти за условите и за стандардите кои треба да ги исполнуваат употребените автомобили. Македонските граѓани слободно ќе увезуваат половни возила со стандардот евро 1 во следните шест месеци, а автомобилите со стандардот евро 2 ќе може да се увезуваат во наредните шест години. Просечната старост на македонските автомобили сега е 15 години, ни потврдија од Министерството за внатрешни работи. Изненадувачки е податокот дека од 272.926 автомобили регистрирани минатата година, постаро од 20 години е секое четврто возило. На македонските патишта најчесто се движат возила стари меѓу 10 и 20 години. Тие сочинуваат дури 40 проценти од возниот парк во земјава. - Со усвојувањето на овие подзаконски акти се овозможува спроведување во практика на одлуката на Владата за олеснување на условите и на постапките за увоз на користени автомобили и легализирање на автомобилите со странски регистарски таблички во земјата. Со тоа ќе им се помогне на голем број граѓани да ги заменат своите стари возила кои важат за големи загадувачи на животната средина - соопштуваат од Министерството за економија. Оттаму нагласуваат дека со тоа ќе се подигне просечната старосна граница на возниот парк во земјата и ќе се зголеми безбедноста во сообраќајот.
Увозниците и граѓаните го чекаат и најавеното намалување на акцизите при увоз на нови и стари возила, при што се очекува бран на поевтинувања на овој пазар. - Со увозот на постари и поевтини автомобили, возниот парк многу ќе се подмлади. Граѓаните сами ќе ги исфрлаат од употреба возилата постари од 20 години. Никој не сака да вози „фиќо“ ако може да си купи „голф 3“ за ниска цена - вели Љупчо Трајковски, увозник на половни автомобили. Околу 73.500 автомобили постари од 20 години едвај поминуваат на техничките прегледи при регистрацијата поради неисправните делови и старите и дотраени машини. Овие возила сериозно ја загадуваат и животната околина. Увозот на стари возила предизвика остри реакции кај увозниците на нови автомобили, чијшто промет минатата година е намален за 40 проценти во однос на претходната.

СДСМ: Проблемот е во акцизите

Собранието вчера не го прифати предлогот на повеќе пратеници од СДСМ измените на Законот за акцизи по итна постапка да се стават на дневен ред. Според предлогот , не треба да има акциза за половните возила од 900 до 2.000 кубни сантиметри, за автомобилите од 2.000 до 2.500 кубни сантиметри да се намали акцизата за 1.500 евра, а да се зголеми акцизата за џипови и за луксузни возила.
- Предлогот на Владата за увоз на постари возила нема никаква логика. И досега проблемот лежеше во големите зафаќања што ги прави Владата при купување половно возило, кои се движат од 50 до 70 проценти од цената на возилото. Затоа треба да се намалат тие давачки - рече пратеникот Игор Ивановски.