ВЕРСКИ ВЕСТИ

Mene mi e zal poradi toa sto Islamot naoga se povekje na neodobruvanje vo Zapadniot svet.

No, prasanje e dali i samite muslimani ne pridonesuvaat za toa na toj nacin sto gi odobruvaat teroristickite akcii na bombasite samoubijci ?

Taka ne se brani verata, za zal. Vo Islamot ima mnogu ubavi raboti, no za zal ovie ekstremisti davaat sosema pogresna slika za muslimanite.

KINGDAVID напиша: Mene mi e zal poradi toa sto Islamot naoga se povekje na neodobruvanje vo Zapadniot svet. No, prasanje e dali i samite muslimani ne pridonesuvaat za toa na toj nacin sto gi odobruvaat teroristickite akcii na bombasite samoubijci ? Taka ne se brani verata, za zal. Vo Islamot ima mnogu ubavi raboti, no za zal ovie ekstremisti davaat sosema pogresna slika za muslimanite.

ke se osvetli se na kraj koj sto pravii i koj se teroristii ne verlam deka nema   sekade ima takvi lugee   no ne se osuduva toa so naziv islamski teroristi
demek site muslimani se teroristi .

el_kevser напиша: KINGDAVID напиша: Mene mi e zal poradi toa sto Islamot naoga se povekje na neodobruvanje vo Zapadniot svet. No, prasanje e dali i samite muslimani ne pridonesuvaat za toa na toj nacin sto gi odobruvaat teroristickite akcii na bombasite samoubijci ? Taka ne se brani verata, za zal. Vo Islamot ima mnogu ubavi raboti, no za zal ovie ekstremisti davaat sosema pogresna slika za muslimanite. ke se osvetli se na kraj koj sto pravii i koj se teroristii ne verlam deka nema   sekade ima takvi lugee   no ne se osuduva toa so naziv islamski teroristi demek site muslimani se teroristi .

Se soglasuvam so tebe , no gledas sto se slucuva? Takvi demokratski zemji kakvi sto se zapadnite pocnaa da se plasat od Islamot i gi povrzuvaat teroristite so Islamot, iako ne e taka.

Jas licno poznavam , imam prijateli muslimani, koi se ogorceni protiv ovie teroristi samoubijci koi ubivaat nevini lugje vo imeto na BOG i so toa go sramat Islamot.

Za zal, kako sto ednas rece pejacot Dino Merlin,koj e golem muslimanski vernik,ke dojde vreme vo Evropa da bide polesno da se izjasnes kako homoseksualec otkolku kako musliman...

Takvo vreme i ke dojde za muslimanite, ako ne go dignat svojot glas protiv fanatizmot vo svoite redovi.

Inaku, ova go pisuvam so najdobra namera. Pozdrav do tebe !

Екстремизмот се шири низ британските високи школи
Висок функционер на исламистичка група Хизб ул-
Тахрир предава на Лондонската школа за економија

Од нашиот дописник
Томислав Ивановски

ЛОНДОН - Високиот функционер на екстремната исламистичка организација Хизб ул-Тахрир, Реза Панкхарст, е примен на угледната Лондонска школа за економија (ЛСЕ) каде што работи како предавач, додека истовремено секој петок, во фискултурната сала на универзитетот, продолжува да врши верски проповеди за студентите што се членови на исламското друштво при ЛСЕ.

Управата на универзитетот потврди дека тој се наоѓа на постдипломски студии на ЛСЕ, но и дека е ангажиран како помошник на предавач. Здружението на студентите, кое тврди дека се грижи за спроведување на политиката за оневозможување на ширењето на расистичките и на фашистичките погледи на универзитетот и на неговите факултети, во изјавата дадена за „Тајмс“ посочува дека нема потреба од возбудување од присуството на овој човек на ЛСЕ, затоа што „колку што тие знаат, предавачот Реза Панкхарст не е член на некоја илегална организација“.

Исламистичката групација Хизб ул-Тахрир, меѓутоа, подолго време, уште по терористичките напади во Лондон во јули 2005 година, е под надзор на британските безбедносни власти. Хоум офисот, по повод откритието на овој лондонски весник, објасни дека се надгледува работењето и дејствувањето на организацијата, што значи дека нејзиниот сегашен статус би можел да биде преразгледан. Пред приближно пет години тогашниот премиер Тони Блер најави дека дејствувањето на оваа организација ќе биде блокирано, но, сепак, не се случи тоа. Во Германија, пак, Хизб ул-Тахрир е од порано забранета под обвинение дека проповеда антисемитизам.

Сегашниот предавач на ЛСЕ, Риза Панкхарст, во 2002 година беше еден од тројцата британски муслимани што беа уапсени и осудени во Египет на четири години затвор, поради обид да ја популаризираат својата исламистичка организација во оваа муслиманска земја. По излегувањето од затвор, во 2006 година, тој се врати во Британија, а од неодамна е на престижната Лондонска школа за економија каде што држи предавања на к*рсот за државите, нациите и за империите.

На религиозните проповеди што овој човек, инаку и самиот член на исламското друштво на универзитетот, ги држи во просториите на ЛСЕ, велат дека, главно, зборува за политиката и особено за ситуацијата во Авганистан. Учесник на неговите проповеди, од редовите на студентите од муслиманските земји, објаснува дека во верските проповеди Риза се залага за претворање на Авганистан во калифат, односно во исламска држава. Зборувајќи неодамна за бомбашот од Детроит, младиот Нигериец што се обиде да урне американски авион полн со патници над Детроит, Риза Панкхарст им рекол на присутните дека момчето не се радикализирало во Лондон, туку оти на тоа, според него, влијаела погрешната надворешна политика кон муслиманите, што е редовно објаснување што радикалните исламистички верски лидери го даваат, оправдувајќи ја радикализацијата на младите муслимани во Велика Битанија. Панкхарст, заедно со уште еден истакнат член на Хизб ул-Тахрир, минатата седмица требаше да одржат предавање на лондонскиот колеџ „Квин Мери”, но во последен момент беше откажано, откако студентите се спротивставија оценувајќи ги како неприфатливи погледите на предавачите.

Организацијата на својата Интернет-страница не го крие радикализмот, објаснувајќи дека нејзина политичка цел е повторното создавање на исламскиот калифат со статус на независна држава. Секое одбивање и спротивставување на ваквата цел би требало да се надмине со насилна промена, а тоа значи со примена на насилство и на терор. За Риза Панкхарст се тврди дека тој и натаму е активен член и важен функционер на Хизб ул-Тахрир и притоа се посочува дека на Интернет-страницата на нејзината филијала во Бангладеш се дадени надворешно-политичките погледи на организацијата, во кои САД се обвинуваат за плановите за наводно „уништување“ на муслиманите во светот, а на Израел му се заканува дека ќе биде збришан од земјата.

Појавата на висок функционер на една исламистичка група како предавач на така угледен универзитет како што е ЛСЕ, а особено тоа што тој врши и проповеди во кругот на студентскиот камп, во Лондон се оценува како зголемување на заканата за исламистичка радикализација на кампот. Во Велика Британија е во тек ново разгледување на состојбата со екстремизмот, што е почнато по откритието дека младиот Нигериец Умар Фарук Абдулмуталаб, што сега се означува како бомбашот од Детроит, додека студирал на Јуниверсити колеџот во Лондон бил претседател на тамошното исламистичко друштво. Претставник на антиекстремистичката тинк-танк организација „Квилијам“ вели дека Хизб ул-Тахрир има широко досие на групација што заговара нетолеранција, не откажувајќи се притоа од планот за инфилтрирање во британските универзитети за да може да ги шири своите деструктивни и конфронтирачки пораки. Влегувањето на оваа организација и на ЛСЕ придонесува да изгледа несериозно тврдењето на универзитетите во Британија дека го оневозможуваат ширењето на екстремизмот по студентските кампови, забележува претставникот на „Квилијам“ во изјавата за „Тајмс“ .

Лондонската школа за економија е една од најугледните британски високошколски установи, на која како студенти доаѓаат млади од сите страни во светот, меѓу кои и од Македонија. Многу поранешни и сегашни светски политичари биле на студии или на усовршување во ЛСЕ каде што подоцна се појавувале како предавачи

ИВЗ бара маркичка за Бурмали џамијата

Претставниците на муфтиството побараа од градоначалникот на Центар, Владимир Тодоровиќ, уште еднаш да се проследи нивната иницијатива до Советот за измена на ДУП „Мал ринг“

Бурмали џамијата треба да биде изградена. Овој став вчера повторно го кажаа претставниците на муфтиството на Исламската верска заедница, на чело со муфтијата, на средбата со градоначалникот на Општината Центар, Владимир Тодоровиќ.

Тие побараа од него уште еднаш да се проследи нивната иницијатива до Советот на Град Скопје за измена на Детаљниот урбанистички план „Мал ринг“, со што би се вметнала маркичка за изградба на џамијата.

- Ние како муфтиство на ИВЗ Скопје стоиме на ставот дека ако има црква, ќе има и џамија. Не може за црквата да биде да, а за џамијата не - вели портпаролот на муфтијата, Скендер Бузаку.

Тој додаде дека за изградба на џамијата дал согласност и премиерот Никола Груевски .

- Знаеме добро дека нашиот поглавар имаше средби со премиерот, а тој јавно истакна дека Бурмали џамија ќе се гради - нагласи Бузаку.

Портпаролот на Владата, Мартин Мартиновски, вчера се огради од изјавата на Бузаку и рече дека не знае за такво нешто, префрлајќи ја топката на Советот на Општината Центар.

- Јас не знам за такво нешто и за таква изјава на премиерот. Сепак, тоа е прашање за Советот на Општина Центар - изјави Мартиновски.

Портпаролот на муфтијата објасни дека иницијатива за вметнување и на џамијата на Градскиот плоштад, односно за измена и дополнување на ДУП „Мал ринг“, поднеле до Општината во април 2009 година, но таа им била одбиена. Како доказ ги наведе записниците. Според Бузаку, градоначалникот Тодоровиќ рекол дека Советот на Центар воопшто не расправал за иницијативата, поради тоа што тоа писмо било изгубено.

Градоначалникот по средбата вчера изјави дека иницијативата за изградба на Бурмали џамија е разгледувана и претходно и дека повторно ќе се обиде да ја стави на дневен ред на седница на Советот.

- Не е точно дека иницијативата не ја поддржавме. Јас ја доставив до Советот на Општината, но не беше прифатена и ставена на дневен ред. Јас повторно ќе се обидам иницијативата за измена и дополнување на ДУП да ја проследам до советниците. Градоначалникот не е тој што може да забрани и што може да дозволи измена на ДУП. За тоа одлучува Советот - дециден е Тодоровиќ.

За изјавата на вицепремиерот Абдулаќим Адеми, во која тој вели дека главната причина зошто на плоштадот Македонија нема џамија е затоа што ИВЗ имала договор според кој дозволила да се гради црква на плоштадот, а за возврат добила земјиште за изградба на резиденција на скопското Кале, Бузаку вели дека не постоел никаков писмен или усмен договор за ваква работа.

- Ако Скопје го сметаме за мултиетнички и мултиконфенсионален град каде што живеат најмногу муслимани на Балканот, сметам дека треба да постои исламски верски објект - заклучи Бузаку. (А.П.)

ГРАНИЦИ НА ТОЛЕРАНЦИЈАТА

Исламофобијата и несигурноста

Нејасни сфаќања и доживувања на муслиманите како опасни - Мухамедовиот предизвик против христијанството, епохата на крстоносните војни, отоманската експанзија во Европа - се цементирани во потсвеста на западната култура, директно во Европа и индиректно, преку наследство, во САД

Силен бран на исламофобија ја заплиснува денешна Европа. Се објавуваат голем број публикации и написи со предупредувања дека муслиманите се на пат да наметнат доминација во цели држави, при што практично во сите европски земји моментно постои по една десничарско-екстремистичка партија со отворена политика на нетрпеливост и ширење омраза кон странците. Самиот поим исламофобија е од релативно понов датум. Првпат е употребен во Велика Британија во 1997 година, каде што во изминатите години и во најголем обем беше предмет на поширока дебата и медиумска анализа. Официјалното прифаќање на поимот исламофобија, како израз на нетолеранција споредлив со расизмот, антисемитизмот и ксенофобијата, се случува на Меѓународниот форум за борба против нетолеранција во Стокхолм во 2001 година

Интензивното медиумско фокусирање врз исламот во Западна Европа во последно време ги заострува негативните претстави што се рефлектираат на различни нивоа во контактите меѓу муслимани и немуслимани. Антимуслиманската пропаганда се манифестира преку повеќе димензии, при што митот дека исламот претставува закана за Западот има големо значење. Тој мит е заснован врз идејата според која исламот се сфаќа како хомоген феномен, при што не само политичкиот аспект на исламскиот активизам добива истурена позиција како „ислам“. Тоа е и најекстремно толкување на политичкиот ислам на кој често му се придава димензија дека го репрезентира исламот и муслиманите како целина. Деновиве публицитет доби веста дека холандската влада бара начин да го спречи десничарскиот пратеник Герт Вилдерс да го прикаже својот контроверзен кус филм во кој се критикува Коранот. Вилдерс силно истапува и против доселувањето во Холандија и против Коранот, кој го споредил со книгата „Мајн камф“ на Адолф Хитлер. Смртни закани за холандскиот пратеник се објавени на повеќе исламистички сајтови, а во Авганистан се одржаа масовни протести и против повторното објавување на карикатурите на пророкот Мухамед во Данска и против Вилдерсовиот провокативен филм.

Неодамна беа уапсени тројца дански државјани со мароканско и со туниско потекло, осомничени за планирање убиство на карикатуристот на данскиот весник „Јиландс-постен“, к*рт Вестергард, кој прв во ноември 2005 година ги објави карикатурите на Мухамед прикажан со бомба на главата наместо турбан. „Јиландс-постен“ посвети големо внимание на апсењето на осомничените, опишувајќи го едниот од нив на следниов начин: „Неговиот нос е маркантен со класичен арапски профил, а неговата кожа е потемна од кожата на мнозинството Арапи“. Уследија реакции дека ваквите описи пред шеесетина години би можеле да се однесуваат на Евреите во тогашна Европа зафатена од нацизмот, додека сега, според примерот на „Јиландс-постен“, во фокусот се наоѓа физичкиот изглед на муслимани. Оттаму и следниве прашања: како изгледа еден класичен арапски профил или, пак, еврејски профил? Се чувствува ли, всушност, непријатниот вкус на старите излитени стереотипи во начинот на кој денес во Европа се опишуваат припадниците на одделни етникуми? Антисемитизмот во триесеттите години имаше повеќевековни длабоки корени, но експлозијата на омраза кон Евреите беше предизвикана од рецесијата и масовната невработеност во тој историски период. Антисемитизмот се' уште постои во Европа, но според силата и распространетоста ни од далеку не би можел да се споредува со стравот од исламот. Дали, всушност, главната причина што ги поттикнува колективните фобии е раширеното чувство дека во општеството повеќе нема сигурност и оти конк*ренцијата и егоизмот се главни мерила, скроени според заложбите на либералните елити што се на власт во низа европски земји и што имаат создадено општество врз такви премиси. А од таквата несигурност се шири страв од непознатото и, пред се', исламофобија. На пример, во духот на зборовите на римскиот папа, кој пред извесно време беше критикуван поради неговиот опис на исламот како насилничка религија што својата мисија ја остварува со помош на сечилото на мечот. Во редовите на маргинализираните социјални групи во кои живеат многумина муслимани, како одговор на таквите толкувања меѓу одделни налудничави екстремисти се манифестира милитантен екстремизам што потоа остро атерира врз почвата од која се потпалува војната на западниот свет против муслиманските земји.

Постои ли простор за религиозните малцинства во секуларизираниот западен свет? Какви механизми да се применат за поуспешна интеграција на луѓето со поинакви сфаќања на животот и стварноста наместо истите да се принудуваат да избираат меѓу секуларните вредности на мнозинството и религиозните закони на сопствената група? Прашањето може уште повеќе да се изостри: може ли западните демократии да го избегнат создавањето гетоизирани супкултури, во чии рамки луѓето живеат со претстави дека општеството што се засновува врз мнозински структури е непријателски настроено?

Во дебатата околу одмаздата на САД по терористичките напади на 11 септември 2001 година, чиј резултат беше бомбардирање на муслимански земји, се укажува дека меѓу муслиманите се раширени претстави дека се зголемува расистичка исламофобија, при што луѓето со муслимански идентитет и нивните животи се сметаат за помалку вредни отколку американските/европските животи. Во студијата „Исламофобија. Правење непријатели од муслиманите“, американските социолози Питер Готшалк и Габриел Гринберг констатираат дека социјалниот страв од муслимани е постојано латентен. Нејасни сфаќања и доживувања на муслиманите како опасни - Мухамедовиот предизвик против христијанството, епохата на крстоносните војни, отоманската експанзија во Европа - се цементирани во потсвеста на западната култура, директно во Европа и индиректно, преку наследство, во САД. Фобиите се јавуваат секогаш кога муслимани се прикажуваат како опасни. Исламофобијата се шири согласно со духот на актуелниот временски миг и плива напоредно со глобализацијата. Геополитичките импликации од таквиот развој се далекосежни. Во тој контекст, можно е дека Вашингтон, според некои видувања, располага со она што му недостига на Брисел - една тивка реалнополитичка стратегија, при што се изразува поддршка, на пример, на еден понизен сојузник каков што е Косово, како на една поблага, секуларизирана варијанта на исламот зад кој стои нација што наскоро би можела да биде најголема во регионот. Тоа е, меѓу другото, и заложба за градење мост кон Турција и понатаму кон Блискиот Исток. За очекување е дека поимот исламофобија ќе добие уште поголема актуелност на меѓународната политичка сцена во блиска иднина

Контроверзи околу покривањето на жените во Франција: заштита на жените или исламофобија

16 јули

По гламурозната ревија на розеви мини фустани на неделата на модата во Париз, асистентот на познатиот производител на облека Адам Џонс во апартман во близина на претседателската палата на богатата клиентела од Саудиска Арабија нуди долги фустани кои го прекриваат целото тело и долги свечени фустани кои се носат со шамии на главата.

Со оглед на тоа дека во Франција е забрането носење на велови или шамии во училиштата, многу контрадикторно звучи фактот дека токму таа земја е најголем извозник на долги фустани со шамии наменети за жените во целиот исламски свет.

„Ако некој ми порача да дизајнирам фустан со шамија јас тоа со драга волја ќе го прифатам“, изјави за Ројтерс дизајнерот Стефан Роналд, но и одби да се заплеткува во приказната за верските разлики.

Меѓутоа, многу млади муслиманки како Ес-Сали (20), сметаат дека тука не станува збор за заштита на жените од потчинување, туку за вид на исламофобија која ја зафати Европа.

„Ако носите вел ве навредуваат и напаѓаат, ве нарекуваат терорист“, вели таа.

Ес-Сали носи долг фустан со смеѓа боја и шамија преку главата, но лицето и е откриено. Таа би сакала да носи вел, но целосното покривање на лицето во нејзиното училиште е забрането.

Таа се префрлила од медицинското училиште на изучување на јазици и социологија, бидејќи на медицинските сестри не им е дозволено да носат вел или шамии.

Ес-Сали пред три години одлучила да носи шамија наспроти противењето на нејзиното семејство, кое сметало дека тоа ќе и донесе многу проблеми.

„Има многу ‘сестри’ кои носат вел. Ако велот се забрани (на јавни места), тие ќе останат дома или ќе емигрираат во САД, Британија, Мароко...“, вели таа.

Како многу млади муслиманки и Ес-Сали смета дека сржта на проблемот не претставува велот, туку дискриминацијата и невработеноста на младите членови на емигрантските семејства.

Иако Франција не објавува податоци за невработеноста на одредени етнички групи, Организацијата за економска соработка и развој во мај истакна дека најголем проблем на пазарот на трудот е дискриминацијата на младите кои потекнуваат од северна Африка.

Мислењата се поделени, француската организација за заштита на женските права „Ниту проститутки, ниту потчинети“ смета дека велот е „затвор на отворено“ и истакнува дека екстремистите ги третираат женските тела како заложници.

Извршната директорка на организацијата за заштита на жените во Авганистат „Гласот на жените“ Сураја Пакзад, се согласува со францускиот претседател Никола Саркози, дека велот е лош за жените и истакнува дека е против тоа тој да биде наметнат да се носи со сила, но меѓутоа додава дека секоја жена има право да се облече како таа сака. вз/12:05