Возобновување на БИГОРСКИОТ МАНАСТИР

Македон и Дешад, темата е возобновување на Бигорски манастир, а не на крст-џамија од Прилеп или Битола.

Дали некој ќе даде или не донација за манастирот, е негово лично право и сопствена одлука, но самото решение зборува каков човек е.

Всушност, тоа и не прави некаква разлика, затоа што не се малкумина оние кои го љубат манастирот како светиња и помагаат

За Божиќното бдение имаше голем број верници кои го посетија манастирот, иако сеуште нема услови каде да преспијат. Значи, и покрај сите искушенија, луѓето не се откажуваат од љубовта што можат да ја почувствуваат во тој манастир, љубовта што зрачи од бигорското братство.

ХРИСТОС СЕ РОДИ

Божикно бдение во Бигорскиот манастир (07.01.2010)

“Денес, кога се роди Христос, небото и земјата се соединија), денес Бог дојде на земјата, а човекот се искачи на небото; денес, невидливиот по природа, заради човекот станува видлив по тело. Затоа и ние, славејќи да Му запееме: Слава на Бога во висините, а на земјата мир, што го дарува Твоето пришествие, Спасителу наш, слава Ти.“

Во празничната зимска ноќ се излеваа радосно овие прекрасни стихови, додека бигорската света обител со големо торжество го славеше празникот на девственото рождество, давајќи им на големото мноштво верници кои од сите страни пристигнаа во манастирот, можност да прозрат во тајната на божественото воплотување, да го издигнат својот ум и да го просветлат со пресветлиот небесен сјај за да познаат како денес земјата станува едно со небото. А каква тајна е тоа! Ангел-Пратеник на предвечниот совет на Света Троица доаѓа на земјата. Но не некој обичен пратеник, туку самиот единороден Син Божји. Во овој свет продаден на гревот, се раѓа Безгрешниот, кон човекот што згреши, слегува неговиот Творец, повикувајќи го во Својата прегратка. Гледај какво чудо! Не ние што Го жалостиме Бога со своите безаконија Му пристапуваме, туку Тој, Смирениот, доаѓа кај нас. Доаѓа на сите да им даде прошка, вселувајќи го во нас мирот Божји и онаа иста радост што некогаш ја чувствувале мудреците, додека трепетно и со почит се поклонувале пред Богомладенецот.

А тој празничен восхит што блескаше на лицата на присутните, во себе криеше и нешто друго. Тука се преплетуваа и чувствата на голема благодарност кон нашиот Владика, премилостивиот Господ, бидејќи и после големото искушение, во кое монашкиот конак беше проголтан од оган, Бигорското светилиште не престана да биде нивен вистински топол дом и духовно засолниште од соблазните на овој свет, место каде ја почувствувале својата најголема радост, каде со нескриен занес многу пати упатувале искрени молитви и го славеле Бога на торжествените богослужби,  придружувајќи ги своите молитвени воздишки кон умилното пеење на бигорските браќа. Зашто токму таа срдечна љубов на браќата и ги привлекла овде, а благиот збор на игуменот продрел до нивните затворени срца и ги разбудил од сонот на гревот. И сега се радуваа гледајќи дека живиот дух на манастирот е сè уште тука, дека она што го прави ова светилиште толку посебно, не може да исчезне заедно со изгорениот конак, бидејќи манастирот не е само материјална градба. Зашто, најпосле, што вредат раскошните конаци и велелепни цркви, ако духовно не зборуваат, тие се мртви. А без своите монаси, секој манастир е само збир од празни згради, и служи како една обична туристичка атракција. Сите тие што во манастирот ја пронашле својата закрила, одамна го сфатиле ова и затоа не престануваат да доаѓаат и сега, задничарејќи со Бигорските браќа, на голема радост на игуменот, архимандрит Партениј. Каква разлика од оној прв Божиќ, пред 15 год, кога празниот манастир без своите верници беше навистина тажна глетка. Сега преполнетото светилиште одекнуваше од едногласните молитви и славословија на бројните верници и духовни чеда.

И повторно Бигорскиот храм ја наметна својата достоинствена празнична облека, исткаена со најнежен сплет од разнобојни цвеќиња, среде кои блескаше богато украсената пештера и благодатната икона 'Достојно ест", што од неодамна го збогати благолепието во храмот, но, секако, најубав украс беа живите храмови Божји – присутните монаси и верници, со своите озарени погледи и копнежливи срца, широко отворени и подготвени за како Витлеемската пештера да го примат Оној што доаѓа од висините, Предвечниот Бог. Тие побрзаа духовно да се очистат и заедно со мудреците и пастирите на Богомладенецот да Му принесат на дарови од своите духовни ризници. А човекољубивиот Спасител го награди нивниот духовен труд со силна благодат и небесна радост, правејќи ги причесници на радоста на небесните војски и духовите на праведниците, и удостојувајќи ги со Своите свети Тајни.

Христос се роди!

Изменето од Tetratka - 09.Јануари.2010 во 14:51

 

„Св. Јован Бигорски“ -

Со несмалено темпо се изведуваат активностите за возобновување на изгорените конаци, монашките ќелии, машката трпезарија и другите простори на Горни палат на Бигорскиот манастир. Сите активности се извршуваат во координација на Националниот конзерваторски центар. По катастрофалниот пожар што се случи утрото на 30 септември, беше формирано Координативно тело за возобновување на Бигорскиот манастир. За квалитетно да се изврши возобновувањето, да се поврати автентичниот лик на изгорените конаци, беше одлучено за секоја активност која треба да се преземе да се консултираат и да се вклучат врвни експерти од областа на градежништвото и архитектурата.

Jovan Bigorski manastir


Изменето од bijonse1 - 12.Јануари.2010 во 16:48

Sv.Jovan Bigorski manastir

Изменето од bijonse1 - 12.Јануари.2010 во 16:58

Денес, 21 јануари, вторник, во согласност со договорот за посета на Манастирот после Божикните и Богојавленските празници, Бигорскиот манастир свети Јован Крстител го посети министеркта за култура во Владата на РМ г-ѓа Елизабета Канческа Милеска, придружувана Директорот на Управата за заштита на културно наследство г-дин Паско Кузман и директорот на Националниот конзерваторски центар г-дин Бехиџудин Шехапи. Гостите ги пречека игуменот на Манастирот, архимандрит Партениј. Тој најнапред им покажа како е превентивно заштитен опжарениот дел, со што сите се согласија дека се исцрпени сите фази кои беа препорачани во превенитвниот дел на Комисијата која изврши стручен увид и извештај. Потоа гостите го разгледаа Источниот Палат кој е веќе пред завршните фази.

На состанокот кој следеше во Игуменските простории, со дозвола на Директорот Шехапи, диа Ѓурѓица Лековска, која работи на заштита на сакрално наследство и учествувала во сите фази на Проектот на Долни Палат и Источен Палат, накратко елаборираше за динамиката при изработката на проект на конзервација и реконструкција на Горни Палат.

Сите се согласија дека досегашните активности се домаќински изработени и дека е неопходно да се почитува динамичкиот план, со кој се предвидува Идеен проект со проектна програма за 6 недели, а набрзо потоа би следел Основен проект за архитектурата на трпезариите како прва и најитна фаза Основен проект за статика. После стручната контрола би следела втората фаза за Основен проект за архитектура кај монашките келии ( источниот дел од Горни Палат) за на крај да биде готов Основниот проект за статика за тој дел.

После стручната контрола, ќе може да се работи низ целиот објект (станува збор за крај на април), а во меѓувреме би се изработувале фазите (електрика, водовод, греење, ППЗ, аларми и ревизии).

Беше спомнато и тоа дека досега се работело крајно домаќински со заштеда на буџетски средства и тој тренд ќе продолжи со минимални трошоци при изработката на Проектот.

Интересно е да се каже дека во првичната санација на Трпезаријата ( односно Подрумот) учествува фирмата Спиде Платинум која единствено во Македонија, па и пошироко, располага со технологијата и опремата на Аква дајн, од Тексас, САД, која работи со притисок од 1600 бари, и со млаз како игла, без потреси и вибрации би ги извадила прегорените фуги и оштетениот камен.

 

     

дел од изјавата на архимандрит Партениј, игумен на светиот Бигорски манастир - добитник на признание за хуманост (милосрдие).

Изменето од Tetratka - 13.Февруари.2010 во 00:59