Паганството и Црквата - вечерва во “Јади Бурек“

ПОПОВИТЕ НАПЛАЌААТ И ЗА ПАГАНСКИ ОБИЧАИ - Вест го објавува ценовникот на сите услуги на црквата

1.500 денари за пеење на бадникарски оган

Кратката литургија на бадникарските огнови веќе е влезена во ценовникот на Ма­ке­дон­ска­та православна црква, па така за да се појави попот на прославата, ку­мот треба да подготви 1.500 денари

Све­те­ње­то на лепчето со паричка на бадникарските огнови е новиот верски обред од кој поповите последниве неколку години добија уште еден начин на заработка. Иа­ко Црквата излезе со став дека огновите кои се палат ноќта пред Бадник се па­ган­ски обичај, кој не е дел од црковното празнување на Исусовото раѓање, сепак, по­по­ви­те последниве неколку години не ги одбиваа поканите да ги благословат ку­мо­ви­те и да го осветат лепчето. Кратката литургија на бадниковите огнови веќе е вле­зе­на во ценовникот на МПЦ, па така за да се појави попот на огнот, кумот на прос­ла­ва­та треба да подготви 1.500 денари. Со оглед на тоа дека во секоја улица се палат бадникарски огнови, минатиот вторник поповите имаа полни раце работа. За да бидат поефикасни, благословувањето им траеше по пет минути на еден оган, за да стигнат на сите места каде што беа повикани. Бадникарите раскажуваат дека ис­ти­те попови минувале и на десетина бадникарски огнови, а имало и случаи кога, спо­ред онаа народната "Поп кусур не враќа", ставале в џеб и по 2 илјади денари.
"Бла­гос­ло­ву­ва­ње на бадниковото лепче на огновите имало отсекогаш, но во пос­лед­ни­ве неколку години овој обичај стана многу масовен. Наплатуваме 1.500 де­на­ри оти на еден оган одат по три попа, па секој поп добива по 500 денари", велат по­по­ви­те од црквата "Свети Димитрија".
Ре­чи­си нема македонска црква во која не се истакнати ценовници за сите верски об­ре­ди. Верниците реагираат дека ако сакаш да бидеш верник и да добиеш бла­гос­лов од Бога, мора да имаш пари. Се наплатува за мал и за голем божји благослов, за вен­чав­ка, крштавка, погреб, за светење куќа, за пеење на лепче на слава, а посебен та­риф­ник поповите имаат и за светење фирма или за ставање темели на нов деловен об­јект. Ценовници единствено нема во манастирите каде што важи старото пра­ви­ло дека божјиот благослов е подеднакво достапен и за богатите и за си­ро­маш­ни­те.
"До­маш­на слава ни е Свети Никола, и секоја година носиме погача во црква на ос­ве­ту­ва­ње. Откако попот ја заврши литургија, му дадов 100 денари, а тој налутено ис­ко­мен­ти­ра: 'Што е ова, зар не го гледате ценовникот на кој ви е напишано колку чи­ни секоја услуга'. Се почувствував како јас, а не тој, да правам грев", вели една скоп­јан­ка.
"Ко­га одев да закажам венчавка, попот ме убедуваше на церемонијата да ми пеат три попа. Се разбира, тоа значеше и дека услугата ќе ја платев тројно. Така ќе сме имале повеќе среќа, љубов и благодат во бракот", вели револтирано 30-го­диш­на скопјанка .
Во Македонската православна црква тврдат дека ценовниците мора да постојат оти од тие пари поповите живеат и ги плаќаат режиските трошоци на црквата.
"Ка­ко може да им биде скапо една венчавка, крштавка или погреб, кога тоа се слу­чу­ва еднаш во животот. Граѓаните не даваат пари секој месец. Па скапи се и смет­ки­те за струја, вода и за телефон, па секој месец мора да се платат. Ако ги немаме це­нов­ни­ци­те, тогаш секој поп ќе прави што сака и ќе има анархија. А без овие пари по­по­ви­те нема да можат да земат плата. Во Грција и во Бугарија нема ценовници во црк­ви­те бидејќи таму државата им дава плата на свештените лица", вели прота Кос­та Станоевски од МПЦ.
Од МПЦ објаснуваат дека никогаш не се случило ако некој нема пари, да одбијат да го венчаат, крстат или погребаат.
"Има­ме многу случаи, откако ќе завршиме со литургијата, да ни речат луѓето не­ма­ме пари, и ние не им бараме. Но луѓето што имаат, треба да си платат", додава про­та Станоевски.
А. Антевска

МПЦ: Празникот се обесчестува со пиење пред Божик

Ма­ке­дон­ска­та православна црква лани, пред прославата на Бадник, излезе со став де­ка кај нас овој голем празник се прославува повеќе пагански отколку според цр­ков­ни­те канони. Во МПЦ не се согласуваат со начинот на традиционалното сла­ве­ње на Бадник кај нас, со огнови и пиење ракија што, според нив, е пагански обичај.
"Сла­ве­ње­то на Бадник е многу изменето, што се гледа од начинот на кој се прос­ла­ву­ва, со што се враќа паганството. Празникот се обесчестува со пре­ја­ду­ва­ње, мрсење и јадење колбаси кога е посна трпеза, како и со препивање алкохол, што по­себ­но се случува во Скопје. Тоа е надвор од прописите и учењата на Црквата", об­јас­ну­ва­ше лани портпаролот на МПЦ владиката Тимотеј.


ЦЕ­НОВ­НИК ВО ДЕНАРИ:

Вен­чав­ка.......4.000 до 5.900
Крш­тав­ка.......2.500 до 3.000
Пог­реб.......2.000 до 3.000
Па­рас­тос.......500 до 1.000
Ос­ве­ту­ва­ње на темели.......500 до 1.500
Ос­ве­ту­ва­ње на нов дом.......500 до 1.500
Ос­ве­ту­ва­ње на деловен простор.......1.000
Ма­ла молитва.......150 до 200
Го­ле­ма молитва.......300 до 400
Пет­то­ле­бие.......200 до 300
Ос­ве­ту­ва­ње на леб за слава во црква.......100 до 200
Ос­ве­ту­ва­ње на леб.......за слава дома 300 до 500
За­душ­ни­ца.......100 до 200
Ес­наф­ска служба.......1.000 до 1.500

Г. Петар: Немаме фабрики за да плаќаме даноци

Ми­на­та­та недела Управата за јавни приходи побара од Преспанско-пелагониската епар­хи­ја да плати персонален данок. На десетина свештеници, претежно од по­си­ро­маш­ни­те селски па­ро­хии, Управата им пратила извршни решенија, со што тие тре­ба да платат околу 10.000 евра данок. На ваквата одлука на УЈП остро реагираше мит­ро­по­ли­тот Петар.
"Служ­би­те треба да имаат увид дали тој свештеник има средства за пре­жи­ву­ва­ње, а не, пак, за плаќање. Извршителите веќе почнале да одат по домовите на свеш­те­ни­ци­те. "Им земаат основни предмети за жи­вот - телевизори, маси, столови, во­зи­ла, затоа што не го платиле пер­со­нал­ни­от данок, а тука станува збор за камати кои се ставани на ос­но­ви­ца­та на персоналниот данок, кој не е реален. Ние немаме ни­ту фаб­ри­ки ниту претпријатија од кои остваруваме приходи за да плаќаме да­но­ци", ве­ли г. Петар.

Ова е во денешното издание на Вест...Ем се “оградуваат“ од паганските обичаи, ем имаат ценовник...Браво...