ВЕРСКИ ВЕСТИ

Македон, како што претходно реков, чуда и исцеленија се случуваат во секоја религија. Всушност, и кај протестантите има чуда каде беспомошни и инвалиди стануваат здрави, слепи прогледуваат итн., но тоа не е мерило дали чудото е од Бога или не.

Овој настан ме потсетува на еден друг - појавата на Богородица во фатима, на едни деца. Се појавува демек Богородица на римо-католици и врши многу чуда, дури сите присутни ја гледаат со свои очи. Има книга за ова, која по некоја „случајност“, пред неколку години падна во мои раце. Со самото читање на книгата од почеток, кога не се ни насетува дека е римо-католично чудо, се чувствува поразличен дух од оној што би требало да биде - како во Православните книги. Но ајде да речеме дека се’ беше во ред, се’ до моментот кога едно од децата ја прашува „Богородица“ за некој упокоен човек и таа му одговара дека тој е во чистилиштето. Со ова, сето чудо паѓа во вода... Доколку тоа би била Богородица, прво нема да дава грешни претстави за животот после смртта, а како второ, ќе ги упати сите кои ја виделе во вистината, а не сеуште да ги држи во лага, во темница.

Коптите се отпаднати од вистинската Црква, не ги признаваат соборите после 3тиот. Неодамна разговарав со еден копт на таа тема и на прашањето зошто не ги признаваат останатите собори, тој ми одговори дека не се однесувале на нив. На пример, кај нив немало иконоборечка ерес. Овој одговор не држи вода, затоа што кога еден орган страда, тогаш страда и целото тело. Всушност, и Ариевата ерес немала влијание буквално на сите црковни заедници низ земјата, но кога се оддржал собор, имало епископи од СИТЕ црковни заедници.

Што се однесува до нивното толкување на св. Кирил, имаат доста извитоперености бидејќи св. Кирил пишувал на грчки, и сето тоа не можело да биде точно преведено на нивниот јазик, па доаѓа до недоразбирање и погрешно интерпретирање. Истото нели се случило и со римо-католиците.

За секој кој што отстапил од Христовата благодат и Светиот Дух во Црквата, прашање е дали може да се признаат неговите чуда како веродостојни. Така и со коптите. Треба да се нагласи дека доколку некој копт сака да стане Православен Христијанин, неговото претходно крштение не се прима за валидно.

Би Би Си: Грчката црква не се повлекува од училиштата
Коментари (3)     


23.12.2009 09:40



Грчката православна црква е категорично против отстранувањето на верските симболи од училиштата во Грција, навестувајќи дека кога станува збор за ова прашање, „нема да се предаде без борба“, јави Би-Би-Си.

Како што јави дописникот на МИА од Лондон, реакцијата на црквата доаѓа по одлуката на Европскиот суд во Стразбур кој наложи во Италија да се тргне Христовото распетие од училишта, како и по кампањата што за тоа се отвори во Грција.

Хелсиншкиот комитет во Грција се залага за отстранување на верските симболи од училиштата, а неговиот директор Панајотис Димитрис вели дека Европскиот суд е во право во врска со пресудата за училиштата во Италија.

„Децата во училиштата не треба да бидат под било каков верски и религиозен притисок“, изјави за Би-Би-Си директорот на грчкиот Хелсиншки комитет Димитрис.

Тој е против сегашната пракса за утринска молитва на која се принудени учениците, како и на присуството на иконите во училниците.

Директорите на многу грчки училишта, меѓутоа, се против кампањата за трагање на религијата од образованието во земјата, инсистирајќи на тоа дека според грчкиот Устав православието е државна религија.

Претставник на Синодот на Грчката православна црква изјавил дека не смее да се дозволи верските симболи да се отстранат од училиштата, затоа што, „иконата и крстот се свети симболи кои им се потребни на децата“.

Црквата во Грција сега стравува дека новата социјалистичка влада на ПАСОК сака целосно да се оддели црквата од државата и на тој начин за државната каса да обезбеди дополнителен данок од богатите епархии, наведува Би-Би-Си

НОВО УБИСТВО ВО РУСКАТА ПРАВОСЛАВНА ЦРКВА

Предстојателот на Вознесенскиот храм во селото сати-Русское во Подолски регион од Подмосковието, протоеереј Александар Филипов, бил убиен со истрел во срцето вечерта на 22 декември, вторник.  За "Интерфакс-Религија" вдовицата на свештеникот, матушка Елена го соопштила следното:

 "Го убија отец Александар, само затоа што направи забелешка на луѓе, кои пред влезот од храмот ги задоволува своите природни потреби" - вели таа.

39-годишниот отец Александар има три мали ќерки. Полицијата успеала да ги задржи двајцата извршители.

Ова е второто за последниот месец убиство на православен свештеник во областа на рускиот главен град. На 19 ноември со истрел во главата беше убиен предстојателот на московскиот храм "Св. апостол Тома ", познатиот мисионер отец Даниил Сисоев. Од 1990 година до денес, во Русија се убиени вкупно 26 православни свештенослужители.


Изменето од Tetratka - 25.Декември.2009 во 09:06

Тест за свештениците со неконтролиран сексуален нагон



Целта на тестовите е да се прегледаат оние со „длабоко вкоренети хомосексуални тенденции“

РИМ - Римокатоличката црква издаде упатства за спроведување психолошки тестови кај идните свештеници за да се елиминираат оние кои се неспособни да ги контролираат сексуалните нагони. Висок свештеник јави дека серија сексуални скандали придонесе за корекција на упатствата. Авторите истакнуваат дека испитувањето ќе помогне да се избегнат „трагични ситуации“ предизвикани од т.н. психолошки дефекти. Во упатствата се истакнува дека доброволните тестови имаат цел критички да се прегледаат оние со „длабоко вкоренети хомосексуални тенденции“.

Меѓу другите карактеристики поради кои еден кандидат може да биде несоодветен за свештеничка функција се наведуваат „несигурен сексуален идентитет“, „прекумерна строгост на карактерот“ и „силна чувствителна зависност“. Во документот, исто така, се споменуваат хетеросексуалните нагони. Идните свештеници ќе бидат одбиени ако тестирањето „евидентно покаже дека кандидатот има тешкотии да живее во целибат: односно ако целибатот за него е товар толку голем што ја загрозува неговата афективна и односна рамнотежа“, се додава во упатството. Исто така, се предвидува дека свештениците мора да имаат „позитивно и стабилно чувство за машки идентитет“.

Документот одобрен од папата Бенедикт Шеснаесетти и објавен во јавноста во четвртокот нагласува дека за испитувањето секогаш мора да има согласност од кандидатот. Католичката црква беше погодена од серија сексуални скандали последниве години во кои беа инволвирани свештеници-педофили, особено во САД, Латинска Америка и во Европа, што доведе до тужби што чинеа стотици милиони долари. (Би-Би-Си

Педофилијата во црковните редови е длабок срам!


Во САД во 2002 година изби "педофилски" скандал во кој беа вмешани над 4.000 католички свештеници


Поглаварот на Римокатоличката црква папата Бенедикт Шеснаесетти упати прексиноќа остра критика поради големиот број случаи во САД на сексуално злоупотребување на деца од страна на католичките свештени лица, нагласувајќи оти американските црковни власти направиле многу малку за да се справат со оваа криминална појава. Во рамките на неговата прва официјална посета на САД Бенедикт Шеснаесетти пред американските католички свештеници на средбата во црквата на Безгрешното зачнување во Вашингтон истакна дека педофилијата во црковните редови е "длабок срам", кој американската црква ја чинеше една милијарда евра, дадени како отштета на жртвите на сексуалните злосторства. Тој вети дека ќе се бори против повторното враќање на служба на овие свештеници-педофили, пренесува МИА. Скандалот со свештениците педофили во САД изби во 2002 година, а во него беа вмешани над четири илјади католички свештеници

Џамија внесе немир во Марсеј

--------------------------------------------------------------------------------



Големата џамија на Марсеј ќе биде место на кое ќе се собираат 200.000 муслимани од Марсеј и од околината, а нејзината изградба ќе чини над 30 милиони долари

Нотр Дам де Ла Гард, елегантна католичка базилика, веќе 150 години заштитнички се издига врз поморците јужно од пристаништето во Марсеј и го симболизира немирниот дух на овој медитерански град.

Но наскоро, на северната страна од пристаништето, треба да изникне друг, поинаков симбол. Тоа е Големата џамија на Марсеј, место на кое ќе се собираат 200.000 муслимани од Марсеј и околината, а чија изградба ќе чини над 30 милиони долари.

Џамијата со своите 8.600 квадратни метри ќе биде најголема во Франција. Голем број Французи веќе се чувствуваат непријатно од големата популација имигранти, кои, како што се зголемува нивниот број, се' повеќе сакаат да живеат по своите религиозни и културни правила, а не сакаат да се асимилираат во француската христијанска традиција.



Напнатоста особено се чувствува во Марсеј, каде што елегантните авении од ден на ден се полнат со арапски ресторани и арапскиот јазик е се' поќе доминантен во кафетериите. Но Марсеј не е осамен. Во богатите земји на Западна Европа растечките заедници на муслимански имигранти создаваат непријатност кај населението со тоа што сакаат да го зачуваат својот идентитет - преку градење џамии или носење шамии по улиците.

Во Швајцарија, населението на референдум се изјасни за забрана за минарињата. Наспроти очекувањата, референдумот успеа, што ја отсликува загриженоста на Швајцарците дека минарињата наскоро може да станат и симбол на нивната култура.

Роналд Пердомо, адвокат и локален политичар, ја нарече џамијата „катедрална џамија“, која треба да биде противтежа на базиликата Нотр Дам де Ла Гард и со своето 30-метарско минаре ќе биде „симбол на неасимилирање“.

По неуспехот на двете тужби за забрана за издавање градежна дозвола за џамијата, Пердомо и неколку други десничарски групи поднесоа нова тужба во која тврдат дека градоначалникот Жан Клод Годин ги заобиколил градежните закони и со давањето дозволата за градба ја прекршил уставната одредба за одвоеност на државата од Црквата.

- Не е разумно да се прават исклучоци во законот, под изговор дека постојат голем број муслимани во Франција - тврди Пердомо.

Еден жител на Марсеј, во чија близина во април ќе почне да се гради џамијата, се жали на проектот и вели дека џамијата е само мал дел од она што муслиманите му го направиле на Марсеј во изминатите години.

- Не сакам да бидам расист, но морам, кога гледам што се случува. Марсеј е готов. Не остана ништо освен црнци и Арапи - вели огорчено.

Во желба за политичка добивка од незадоволството, конзервативната влада на претседателот Николас Саркози организира „дебата за националниот идентитет“ во која Французите официјално се охрабруваат да го искажат своето мислење за тоа што значи да се биде Французин“.

Дебатата, која треба да заврши пред регионалните избори напролет, ја раководи министерот за имиграција, интеграција и национален идентитет.

- Ова ќе биде нашата прва вистинска џамија - вели Нуредин Чејк, пензиониран бизнисмен од алжирско потекло.

Тој тврди дека муслиманите во Марсеј сакале да изградат џамија уште од почетокот на 20 век, но дури сега конечно успеале да ги реализираат своите намери.

Според него, од минарето нема да се слушаат стихови од Коранот, за да не им пречи на соседите, од кои голем број беа против изградбата на џамијата. Наместо тоа, во време на молитвите од минарето ќе се издигнува силен зрак светлина, кој ќе биде видлив на бродовите и авионите што се приближуваат кон градот.

- Марсеј е космополитски град. Тоа не можете да му го одземете - вели Чејк.


Иницијатива за забрана на минариња во Финска

Младинскиот сојуз на финската партија Вистински Финци, непријателски настроена кон странците, предлага парламентот да ги разгледа можностите за воведување забрана за минариња во скандинавската земја, јави телевизијата ИЛЕ.

Претседателот на младинскиот сојуз на Вистински Финци, Веса-Мати Саракала, смета дека тоа е важно прашање и за него мора да се заземе став на највисоко државно ниво, јави дописникот на МИА.

Исто така, би можело да биде актуализирано и одржување референдумско изјаснување во врска со ова прашање. Вистински Финци се повикуваат на резултатите од неодамна одржаниот референдум во Швајцарија.

- Забраната против минариња не се однесува на религиозните слободи, бидејќи тоа не е претпоставка за практикување на исламската вера. Минарињата не се споменуваат ниту во к*ранот ниту во други исламски свети книги - тврдат во младинскиот сојуз на оваа финска партија.

Според младите Вистински Финци, ширење на минариња би претставувало чекор кон исламизација на Европа. Во Финска постојат десетина џамии, а според расположливите податоци, на нив не се изградени никакви минариња. Се проценува дека околу 20.000 имигранти во Финска доаѓаат од традиционални муслимански земји.

Dnevnik