Промената на името-наша предност!!!

Американците подготвуваат стапица за името на ПЈРМ - Република Северна Македонија да биде името на државата, терминот македонски да се употребува за одредување на идентитетот и јазикот.

Ова го пишува грчкиот весник „Елефтеротипија“, повикувајќи се на неименувани, високи американски дипломати. „Елефтеротипија“ објавува дека администрацијата на Обама, преку посредникот Нимиц ќе изврши притисок врз Атина и Скопје за решавање на спорот со името.

Планот на Вашингтон, според „Елефтеротипија“ предвидува новото име Република Северна Македонија да помине на Советот за безбедност на Обединетите Нации, кој со одлуката би препорачал тоа име да го користат сите членки на светската организација во билатералните односи со Македонија.

Суштинскиот проблем за Македонија, именувањето на нацијата и јазикот би се надминал со т.н тивко решение. Со терминот македонски би се впишале во регистарот на ОН без неопходно одобрение од Грција, која практично не би можела да го блокира, посочува „Елефтеротипија“. Американците според атинскиот весник ќе ја менуваат тактиката која ја користеше претходната администрација на Буш.

Ќе се впушти во оспорување на грчките аргументи пред самитите на членките на НАТО и ЕУ, планирани наредната година. „Елефтеротипија“ потсетува дека и пред Бук*решт имаше силен американски притисок, но Атина не попушти и со вето го спречи приемот на Македонија во алијансата.