УЕФА Лига на Шампиони

Во последното 6-то коло најинтересни ќе бидат дуелите меѓу Интер и Рбин како и оној во Штутгарт каде домаќинот игра со Униреа. Ова се директни пресметки за пласман понатаму. Со бод во осминафинале одат Олимпијакос и Барселона.

Ливерпул - Фиорентина (сре. 20:45, Група Е)

Веќе се е познато во оваа група. Ливерпул изборија пласман за Европа лигата. “Црвените“ имаат мини серија од 5 средби без пораз. Бенитез најави дека ќе му даде шанса на Аквилани во стартните 11. Најверојатно со искомбиниран состав ќе излезат на теренот. Бабел сигурно нема да игра, исто како и Торес.

Фиорентина веќе си ја заврши работата, се пласираше во осминафиналето. Потребен и е бод за да заврши и како првопласирана во групата. Прандели не би требало да ризикува со Варгас и Јоветиќ кои се жалат на повреди. Даинели е суспендиран, а повредени се Мути, Маркиони, Алесандро Гамберини и Кристијано Занети.

Тип: Кој ќе биде помотивиран тој ќе ги освои трите поени, би требало тоа да биде Ливерпул кој и така е поквалитетен од “виолетовите“.

Лион - Дебрецин (сре. 20:45, Група Е)

Лион нема победа уште од октомвири и ова би требало да биде перфектен момент за нив да се вратат на победничка патека. Со победа, а пораз на Фиорентина би го завзеле и првото место во групата. Дебрецин нема освоено поен досега, но тешко да го освои  на Жерлан.

Интер - Рубин Казан (сре. 20:45, Група Ф)

Натпревар да се биде или не за двата тима. Интер после одличните резултати загуби два дерби дуела, еден од Барселона и еден од Јувентус. Нероазурите мора да победат ако сакаат сигурен пласман во следната фаза. Со нерешен исход ќе треба да се надеваат дека Киев нема да ја изненади Барселона во Украина. Мурињо после подолго време ќе може да смета на Весли Снајдер, а се враќа и Маикон кој беше суспендиран во Италија. Во нападот стандард Ето и Милито. Киву е суспендиран за овој натпревар, а Сантон и Кварезма се повредени.

Русите се вистинско освежување во ЛШ оваа сезона. Имаат само еден пораз и тоа во првото коло од Динамо Киев и можат да жалат што не ги совладаа Украинците минатото коло. Со тоа ќе беа во пол-позиција за место во осминафиналето. Веќе ја одбранија титулата во домашното превенство, а со тоа си обезбедија нова сезона во ЛШ. Букаров е повреден и ќе го пропушти овој дуел. Тоа значи дека Домингез кој погоди на првиот дуел во Казан ќе биде осамен во нападот.

Тип: Интер е фаворит и треба да победи. Најмногу што може Рубин да извлече е нерешено, но ако тоа биде со повеќе голови токму тие одат понатаму.

Динамо Киев - Барселона (сре. 20:45, Група Ф)

Динамо се наоѓа во една многу лоша позиција во групата. Единствената шанса им е да ја совладаат Барселона со 3 гола разлика или било каква победа, а Интер и Рубин да ремизираат. Тоа е скоро невозможно така да ќе се надеваат на бод и победа на Интер за да играат во Европа лигата. Ел Кадури и Дијаките се повредени кај домаќините. Кондицијата е најголем проблем за Украинците, на скоро сите натпревари паѓаа во темпото во последните 15-20 минути од мечевите. 

Барселона и со бод ќе биде прва во групата. Гвардиола нема никакви проблеми со повредени, па би требало да го изнесе најсилниот состав на теренот. Не се знае само дали Анри ќе биде стартер или Иниеста ќе започне на таа позиција. 

Тип: Барселона е фаворит и ако игра во полн состав сигурно ќе победи. 

Штутгарт - Униреа (сре. 20:45, Група Г)

Ова е натпревар да се биде или не за Штутгарт. Само со победа домаќините одат во следата фаза од ЛШ. Во најлош можен момент доаѓа отпуштањето на Маркус Бабел, но ако Кристијан Горс ги одведе во осминафинале тоа ќе биде многу добро за зголемување на неговата самодоверба, но и на целиот тим. До пролет ќе можат да му се посветат на првенството. Капитенот Хицлспрегер е повреден, исто како и Хиберт, Сами Кедира и Мартин Ланиг. Неизвесни се Здравко Кузмановиќ и Артур Бока. Тоа се големи проблеми за Грос, бидејќи тоа му се и најважните фудбалери. Во нпадот би требало Погребњак и Какау да бидат партнери.

Униреа е дебитант и има можност ако остане непоразена да направи историски успех со пласманот во најдобрите 16. Имаат четири победи по ред во сите конк*ренции. Георге Попеску нема да смета на Рикардо Вилана, но и капитенот Галамаз му е под знак прашалник.

Тип: Романците се многу тежок противник, доста жилав и организиран тим, па ќе им биде многу тешко на “Швабите“, но би требало да успеат и на крај да победат. Ако Ромаците поведат сигурно се во осминафинале.  

Севиља - Ренџерс (сре. 20:45, Група Г)

Сосема беззначен натпревар. Севиља е сигурно во следната фаза, Ренџерс сигурно последни, па резервните тимови би можеле да се пресметаат на Санчез Пижуан. 

Олимпијакос - Арсенал (сре. 20:45, Група Х)

Многу важен натпревар за Грците. Со бод се изборуваат за историски пласман во следната фаза. Зико има многу проблеми со повредени фудбалери и тоа е најголемата грижа за стратегот на Олимпијакос.

Во слична положба е и Арсен Венгер. И тој има многу повредени фудбалери а многу е веројатно и да го изнесе младинскиот состав на теренот затоа што се сигурни на првата позиција во групата.

Тип: Олимпијакос игра одлична одбрана и би требало да ги задржатналетите на Англичаните и да се изборат за тој толку посакуван бод.

Стандард - АЗ Алкмаар (сре. 20:45, Група Х)

Стандард има опција за пласман понатаму само ако Арсенал го победи Олимпијакос. Во тој случај Белгијците ќе треба да го совладаат холандскиот шампион. лошото е што белгискиот шампион е во серија од 4 средби без победа. Стивен Дефур е се уште повреден, а суспендирани се Мангала и Гонзалез. Под знак прашалник е напаѓачот Мбокани.

Холандскиот тим има теорија за Европа лигата, а таа вели само победа и ништо друго. Далеку се од ланската форма АЗ затоа и настана промена на клупата. Отпуштен беше Роналд Куман, а на негово место дојде Дик Адвокат. Холанѓаните немаат проблеми со повредите и тоа се одлични вести за нив.

Тип: Домаќините се фаворити, но не се исклучува можноста за АЗ да изненади. Тоа е многу веројатно, исто колку што е веројатно да има и многу голов

Со синоќешните натпревари од 6.коло во групите Е, Ф, Г и Х завршија натпреварите од првата фаза во Лигата на шампионите, а последните натпревари не донесоа изненадувања.

Во А групата водечкиот тандем забележа победи. Фиорентина на „Енфилд“ го совлада уште еднаш Ливерпул овој пат со 2:1, додека Лион ја оствари најубедливата победа синоќа 4:0 против унгарски Дебрецин. За гостите сите 90 минути ги одигра македонскиот  интернационалец Мирсад Мијадиновски.
Фиорентина е прва со 15 бодови, Лион освои 13, Ливерпул 7, а Дебрецин остана без бодови.

Во Б групата фаворитите не дозволија изненадување. Европскиот првак Барселона иако губеше со 1:0 на гостувањето во Киев кај Динамо на крајот славеше со 2:1, пораз по кој Украинците останаа и без место во Лигата на Европа. Интер пред своите навивачи го совлада Рубин Казан со 2:0.
Барселона го освои првото место со 11 бодови, Интер е втор во 9, Рубин има 6, а Динамо Киев 5.

Во Ц групата Севиља триумфираше над Глазгов Ренџерс со 1:0, додека во директниот дуел за пласман во осминафиналето, Штутгарт ја совлада Униреа со 3:1 .
Севиља со 13 бодови го освои првото место, Штутгарт собра 9 за втората позиција, еден повеќе од Униреа. Глазгов Ренџерс е последен со 2 бода.

Во Д групата драмата се одигра во Лиеж каде Стандард со голот на голманот Болат во судиското надополнување го изедначи резулатот против АЗ и обезбеди пласман во Лигата на Европа, додека Олимпијакос немаше пробелм против комбинираниот тим на Арсенал и славеше со 1:0.
Прв е Арсенал со 13 бодови, пред Олимпијакос со 10, Стандард е трет со 5, еден повеќе од АЗ.

Пласман во осминафиналето од Лигата на шампионите обезбедија: Бордо, Манчестер Јунајтед, Реал Мадрид, Челзи, Арсенал, Фиорентина, Севиља и Барселона (како првопласирани ќе бидат носители на жрепката на 18.декември), Баерн, ЦСКА Москва, Милан, Порто, Лион, Интер, Штутгарт и Олимијакос (како второпласирани).
Во Лигата на Европа ќе продолжат третопласираните: Ливерпул, Рубин, Униреа, Стандард, Јувентус, Волсбург, Олимпик Марсеј и Атлетико Мадрид.

По репрезентативните обврски фудбалерите на европските гиганти целосно се сконцентрирани кон новите предизвици во Лигата на шампионите. На ред се реванш дуелите каде Фиорентина и Арсенал ќе бркаат гол негатива против Баерн односно Порто.

"Виолетовите" и "топчиите" претрпеа идентични порази од 2:1, а сега се "острат" за сигурни победи без примен погодок. На првиот меч во Минхен Баерн победи со контроверзниот гол на Мирослав Клосе, по кое следеа низа реакции и критики кон судијата Том Хенинг Евребо. Меѓутоа одлуката е конечна и сега Фиорентина ќе мора да го надополнува негативниот резултат. Иако стартуваше со големи амбиции во новата сезона во италијанското првенство како што одминуваше времето почнуваше да се чувствува немоќта на Фиорентина.

"Виолетовите" забележаа само една победа на последните пет натпревари поради што паднаа на 10. позиција на табелата со само теоретски шанси за излез во Европа следната сезона. Во саботата загубија дома од Јувентус, што само ја продлабочија кризата која владее меѓу фудбалерите. Дуелот со Баерн е исклучително важен за тосканскиот клуб и тренерот Чезаре Прандели ќе се обиде да ги посоветува своите фудбалери да заборават на негативните резултати и да се сконцентрираат на елитата каде првата пречка е славниот "баварски клуб". За овој меч сигурно ќе отсуствуваат Масимо Гоби, кој заработи суспензија поради црвениот картон на првиот дуел на Алианц арената, и Адријан Муту поради добро познатиот допинг скандал.

Баерн неодамна го прослави 110. роденден и посакува тоа да го круниса со трофејот од Лигата на шампионите. За тоа може да се надеваат бидејќи тимот од почетокот на ноември не знае за пораз. Составот на Луис ван Гал одигра 18 натпревари и притоа забележа 14 чисти победи вклучувајќи ги триумфите над Макаби и Јувентус во групната фаза од ЛШ. Поради повредата на Мартин Демикелис тренерот Ван Гал ќе мора да прави мали рокади во дефанзивниот ред, а во стартниот тим се очекува дуото Робен-Рибери. Првиот го прескокна саботниот меч со Келн поради ситна повреда, а Французинот одигра само половина полувреме.

Во Лондон Арсенал ќе се обиде по третпат во серија да го мине осминафиналето од најелитното европско натпреварување. "Топчиите" го пречекуваат Порто со еден огромен проблем во своите редови, повредата на капитенот Сеск Фабрегас. Шпанецот заработи повреда на првенствениот меч со Барнли, а вчера постоеја мали шанси тој да настапи. Меѓутоа, во попладневните часови веќе беше јасно дека шпанскиот фудбалер нема да биде во можност да им помогне на своите соиграчи.

"Едноставно Фабрегас е недостапен за овој дуел. Се надевав дека лекарскиот тим ќе го оспособи за игра, меѓутоа тој има повреда на задната ложа и не смеам да ризикувам со него. Се надевам дека останатите фудбалери ќе го надополнат неговото отсуство", изјави Венгер.

Поради отсуството на Вилијам Галас поради повреда, се очекува во стартниот тим повторно да добие шанса ветеранот Сол Кемпбел, кој всушност беше стрелец на единствениот гол во Португалија. Промени ќе има и на голманската позиција. На местото на Лукаш Фабиански, кој беше главниот виновник за поразот од првиот меч ќе стартува Мануел Алмуниа.

Порто веќе ги загуби шансите за шампионскиот трофеј во домашното првенство оваа сезона и целосно се концентриран кон настапите во Лигата на шампионите. Португалците важат за опасен тим предводен од Меирелес, Хулк, Мариано и голгетерот број 1 Радамел Фалкао. Токму овие играчи се главните адути за успех на 24-кратниот португалски шампион и двократен освојувач на трофејот од Лигата на шампионите (КЕШ).

ОВА МОЖЕБИ НЕ СТЕ ГО ЗНАЕЛЕ

Арсенал има забележано 49 нерешени резултати во УЕФА натпреварувањата.

Фудбалерите на Арсенал и Фиорентина упатиле 32 удари надвор од голот, што е најмалку од сите екипи во нокаут-фазата.

Шампионот на Португалија, Порто, примил 297 голови во УЕФА натпреварувањата.

Фудбалерите на Порто упатиле 56 удари кон голот, најмногу од сите во ЛШ, а нивниот напаѓач Хулк 14 пати го утнал голот најмногу од сите фудбалери во нокаут-фазата.

Фудбалерот на Порто Фернандо заедно со Сивок од Бешикташ и Алмеида од Динамо имаат собрано по четири жолти картони досега најмногу од сите фудбалери во ЛШ.

Белгискиот арбитар Франк де Блекере по третпат ќе му суди на Арсенал, а првпат на Порто. Во двата меча под негово водство Арсенал извојувал победи, над Оксер (2002 година групна фаза од ЛШ) и Спарта Прага (трето квалификациско коло за влез во ЛШ во 2007. година).

Екипата на Фиорентина успеала да надополни негативен резултат од првиот меч двапати во седум обиди. Последниот случај беше против Атлетико во Купот на УЕФА во сезоната 1989/90 кога победи дома со 1:0 израмнувајќи го резултатот од првата средба во Мадрид. На крајот "виолетовите" победиле на пенали.

Со поразот во Минхен Фиорентина го прекина серијата од пет едноподруго победи. Претходно нивниот рекорд беше три триумфа по ред и тоа во сезоната 1969/70.

Порто секогаш губел кога играл во Лондон. Со Арсенал се сретнал двапати и си одел со порази од 2:0 и 4:0. Со Челзи ги има одмерено силите трипати и бил поразен со 1:0, 2:1, 3:1, а со Тотенхем еднаш со резултат од 3:1.

ЈУБИЛЕЈ

Брзоногиот напаѓач на Арсенал Тео Волкот вечерва ќе одигра 25. натпревар во Лигата на шампионите. Волкот пристигна на Емирати во 2006 година од Саутемптон, а истата година освен во Премиер-лигата дебитираше и во Лигата на шампионите.

Тео Волкот