Вести

Кака се враќа на Сан Сиро

Кога на 3 јуни бразилскиот волшебник Кака замина во Мадрид и му се приклучи на славниот Реал за 67 милиони евра, ни самиот не веруваше дека по само пет месеци повторно ќе се врати на Сан Сиро. Најдобриот играч на светот за 2007 година според ФИФА и Франс фудбал мина шест сезони во црвено-црниот дрес и остави длабока трага во екипата од Сан Сиро, како и во срцата на голем број фанови на "Росонерите".

Токму целото внимание ќе биде свртено кон Бразилецот, кој сигурно со големи емоции ќе го одигра овој натпревар со Милан и сигурно ќе има можност достојно да се поздрави со своите верни навивачи кои му даваа целосна поддршка додека престојуваше во Милано.

Од друга страна Кака ќе треба и целосно да го преземе средниот ред на "Кралевите" поради отсуството на Кристијано Роналдо и Гарај поради повреди, како и Гути поради жестоката караница со тренерот Мануел Пелегрини. Со ова големиот фудбалски мајстор ќе мора да истрпи притисок од двете страни.

Пред две недели во еден куп натпревар Реал загуби со 3:2, иако водеше на полувремето со погодокот на Раул. Милан се надмина себеси и преку Пирло и Пато (два гола) ја однесоа победата, а истовремено го "спуштија на земја" мадридскиот клуб давајќи му до знаење дека огромните суми пари потрошени за засилувања не го прават еден тим шампион.

По тој натпревар Реал одигра слабо и разочарувачки на следните два. Следеше реми без голови кај Спортинг Хихон, а капак на се беше мизеријата кај Алкоркон во Купот. Овој викенд го победија Гетафе за "мир во куќа".

Милан, пак, пополека влегува во вистинската форма. Екипата на Леонардо веќе пет натпревари во сите конк*ренции нема пораз, а нападот предводен од Пато, Роналдињо и Бориело ги оправдува очекувањата.

Гостите од Шпанија ќе се борат и против една незгодна традиција кога станува збор за гостувањата на Сан Сиро. Имено, "Кралевите" ги имаат загубено сите пет досегашни гостувања против Милан и притоа имаат постигнато само еден гол. Последниот меч против "црвено-црните" одигран во ноември 2002 година, Кралскиот клуб го загуби со 1:0.

Меѓу другото, ова е дуел на најтрофејните екипи во Лигата на шампионите. Реал Мадрид и Милан заедно имаат 16 титули во ова натпреварување, а само во последните 11 години освоија вкупно пет.

Шпанските медиуми овој натпревар го нарекоа "БВин дуел" бидејќи компанијата за обложување е спонзор на двата клуба. Податок кој никој не посакува да влијае врз текот на натпреварот иако поради чудното движење на резултатот на Сантјаго Бернабе многумина се сомневаа во исправноста на натпреварот.

Минатогодишниот финалист Манчестер Јунајтед, како и нивниот ривал од Премиер-лигата Челзи имаат шанси уште вечерва да го заверат пласманот во следната фаза од најсилното европско натпреварување. И двата тима имаат максимален ефект по првите три кола, а со евентуални триумфи вечерва Англичаните со сигурност ќе се пласираат во 1/16 финалето.

"Црвените ѓаволи" имаат полесна задача бидејќи на Олд Трафорд гостува ЦСКА Москва, која обезбеди само една победа досега. Јунајтед се наоѓа во извонредна серија од 22 меча без пораз на домашен терен, а за рускиот гигант ова ќе биде прво гостување во Манчестер.

Челзи има незгодно гостување во Мадрид против Атлетико. Ова е последна шанса за екипата од Висенте Калдерон да ја спаси сезоната во Лигата на шампионите. Шпанците минатата недела го донесоа Кике Санчез Флорес за нов тренер и сигурно со големи мотиви ќе се обиде да го изненади големиот противник.

Германскиот гигант Баерн Минхен не е совладан на последните осум натпревари во европските натпреварувања, од кои пет завршиле реми. Со ваков ефект Германците го очекуваат францускиот првак Бордо и очекуваат да му се одмаздат за поразот пред две недели во Франција од 2:1.

ЈУБИЛЕЈ

Напаѓачот на Челзи Николас Анелка вечерва на Висенте Калдерон ќе го обележи 75. настап во европските купови. Французинот првиот европски настап го запиша во сезоната 1996/97 играјќи за ПСЖ. Првиот европски гол го постигна во дресот на Арсенал во групната фаза од ЛШ во сезоната 1998/99 година на гости кај Панатинаикос каде "топчиите" победија со 3:1.

Францускиот напаѓач има одиграно вкупно 50 натпревари во ЛШ, а 24 во останатите европски купови. Во сите тие мечеви има постигнато 20 погодоци.

к*рИОЗИТЕТ

Пред два дена, поточно на 1 ноември италијанскиот гигант Јувентус го прослави 112. роденден. Клубот од Торино е формиран во 1897 година и спаѓа во еден од најуспешните клубови во Италија и Европа. "Старата дама" досега има освоено вкупно 51 титули од кои има рекордни 27 во италијанската лига, три во Купот на УЕФА, две во ЛШ и Интерконтиненталниот куп. Според интернационалната федерација за фудбалска историја и статистика, Јувентус е прогласен за најдобар италијански клуб на 20 век и втор најуспешен европски клуб во истиот овој период.

ОВА МОЖЕБИ НЕ СТЕ ГО ЗНАЕЛЕ

* Автоголот на Мишел Сиани на дуелот со Баерн Минхен минатото коло беше 50. што Бордо го примил во ЛШ.

* "Жиродинците" имаат импресивна серија од 39 прволигашки натпревари без пораз на домашен терен.

* Јувентус по вторпат во историјата ќе гостува на Рамат Ган во Тел Авив. Во првото гостување одигра 1:1 со Макаби Тел Авив во сезоната 2004/05 во групите од ЛШ.

* Макаби Хаифа и Атлетико Мадрид се единствените клубови без постигнат гол оваа сезона во ЛШ.

* Победата над Макаби минатото коло беше 99 за Јувентус во европските купови.

* Манчестер Јунајтед досега има постигнато 394 гола во најелитното европско натпреварување, а примено 196.

* Од 23-те премиерлигашки погодоци на Јунајтед, 17 паднале во вториот дел од кои 8 во последните 15 минути.

* Фудбалерите на ЦСКА Москва, заедно со колегите од романската Униреа, досега извеле само шест корнери најмалку од сите екипи во ЛШ.

* Првиот гол на Пато постигнат во Мадрид на дуелот со Реал, беше 550. за Милан во европските купови.

* Фудбалерите на Милан биле фаулирани 69 пати досега, најмногу од сите учесници во ЛШ.

* Фудбалерите на Цирих направиле вкупно 60 прекршоци досега, најмногу од сите учесници во ЛШ.

* Од 29 прволигашки гола на Цирих, дури 12 паднале во периодот од 58. до 75. минута.

* Екипата на АПОЕЛ досега има примено 50 гола во европските купови.

* Порто има постигнато 248 погодоци во КЕШ и 147 во Лигата на шампионите (не вклучувајќи ги квалификациите).

* Фудбалерите на Порто имаат најмногу шутеви надвор од рамките на голот досега од сите учесници во ЛШ, вкупно 33.

* Напаѓачот на Порто, Хулк е најфаулираниот фудбалер досегашните натрпевари во ЛШ.

* Дуелот на Стемфорд Бриџ за Атлетико беше 200. во европските купови.

* Од шесте дуели до германски тимови во европските натпреварувања Бешикташ има загубено пет, а еднаш одигра реми, и тоа пред две недели против Волфсбург.

Сензационна новина 

Се самоуби репрезентативниот голман на Германија

Голманот на фудбалскиот клуб Хановер и на германската репрезентација, Роберт Енке (32), се самоубил фрлајќи се под воз вчеравечер во близина на Хановер, објавија германските медиуми, пренесува Нетпрес.

Веста ја потврдил портпаролот на полицијата во Хановер.

“Полицијата ми се јави и ме извести дека Роберт Енке починал“, изјавил за “Билд“, Мартин Кинд, претседател на клубот Хановер.

Инаку, Енке пред три години имал семејна трагедија. Починала неговата двегодишна ќерка Лара, како последица од вродена срцева мана.

Роберт Енке фудбалската кариерата ја почнал во Карл Цајс Јени, а својот прв професионален настап го имал во втората германска фудбалска лига, во ноември 1995 година, токму против својот сегашен клуб Хановер. Ги бранел боите на Борусија Менхенгладбах, Бенфика, Барселона, Фенербахче и Тенерифе, а од јули 2004 година, почнал да настапува за Хановер. Тој бил голман и на репрезентацијата на Германија под 21 година, додека за сениорската репрезентација дебитирал на 28 март 2007 година, на пријателски натпревар против Данска.

Оваа година фигурирал како прв голман на фудбалската репрезентација на Германија, но поради инфекција на желудникот ги пропуштил последните натпревари во квалификациите за Светското првенство, против Азербејџан во Хановер, против Русија во Москва и против Финска во Хамбург.

Тотенхам совлада Виген со 9:1

Како што се очекуваше екипата на Македонија Ѓ.П не допатува во Тетово да ја брани предноста од 2-0 стекната на првиот дуел со Тетекс. Од овој двобој “штоферите“ се полуфиналисти затоа што овој натпревар ќе биде регистриран со 3-0 за Тетекс.

Да биде целата оваа ситуација уште потрагична на “лавовите“ им се  заканува преселба во најнизок ранк затоа што неоправдано пропуштаат два натпревари по ред и според пропозициите треба да бидат преселени во најнизок ранк на натпреварување.

Ѓорчепетровци се актуелни бранители на титулата, а исто се и финалисти на купот. Па така ако ФФМ одлучи да го следи правилникот и да ги исклучи Ѓорчепетровци македонскиот фудбал ќе изгуби многу и се надеваме дека нема да биде така и дека ќе им се даде уште една шанса.

 

Во секој случај срамота е индивидуалните интереси да се ставаат пред клупските. Во ваквите случаи страдаат само фудбалерите, никој друг. Тој што се буни не е професионален фудбалер и него животот не му зависи само од фудбалот. Целото ова бојкотирање може да ги уништи соништата на многу млади фудбалери кои се во Македонија Ѓ.П. Едно ќе беше овој бојкот да е оправдан, но факт непобитен е дека не е и некој треба многу силно да си ја чукне главата од ѕидот за да види што прави со животите на 20-30 професионални фудбалери.

Летаат "глави" за Македонија - Канада

Под истрага на "Интерпол", а во соработка со УЕФА е пријателскиот натпревар Македонија - Канада (3:0), одигран на 14 ноември, во Струмица. Сомнение за нова "местенка" по пријава на азиските обложувалници кои во надлежните институции го пријавиле ненормалниот проток на пари. Загуба од неколку милиони и веднаш акција на инспекторите. Прва жртва од новата афера која е повторно нов удар за фудбалот во Македонија е бугарскиот арбитар Антон Генов. Тој на скандалозниот натпревар покажа дури 4 удари од белата точка. По анализите и по неколкуте состаноци во Нион донесена е одлука. Антон Генов е симнат од листата и нема да го води денешниот меч од Лигата на шампионите меѓу Динамо Киев и Барселона. И веднаш шок во Бугарија. Денешниот ден требаше да биде врв на судиската кариера на Генов, а Бугарија по 10 години ќе имаше арбитар кој ќе води натпревар од групите во Лигата на шампионите. Одлуката на УЕФА е донесена па така место Генов за главен судија е делегиран Англичанецот Веб.

Дознавме дека Генов бил повикан на сослушување во Нион и каде одговарал пред инспекторите на УЕФА. Со тоа е даден јасен сигнал дека службите кои се во војна со фудбалската мафија веќе сериозно се вклучени во пронаоѓањето докази за "местенката" на натпреварот Македонија - Канада. Нашиот национален тим победи, но некои претерале со парите и сакале за 90 минути да стигнат до милионски заработувачки.

За овој скандал веќе неколку дена знае и фудбалскиот врв во земјава кој исто така е во паника. Како и пред неколку месеци околу скандалот со Победа така и сега ФФМ на Хаџи-Ристески преку своите инсталираат лажни приказни и тревоги само за да ја насочат водата на друга брана и да се спасат од притисоците. Кој ако не ФФМ треба да одговара по најновите обвиненија (не е случајна аферата на Јонуз со СМС). Приказните се крајно неаргументирани и без важност. Велат дека луѓе од Македонија го пријавиле Генов во УЕФА дека бил пијан во Струмица на ден пред средбата. Каква срамота...! Некои луѓе се уште како да не разбираат каква моќна институција е УЕФА и што тоа значи зборот "Интерпол". Си кажуваат приказни за мали деца и што е најтрагично, и самите не веруваат во истите иако на сите треба да им биде јасно дека никој никого не може да осуди без докази. КРАЈ НА ПРИКАЗНАТА!

Што сега!? Ете ви нов срам и нови скандали. Без разлика на тоа како било и кој бил. Македонија во наредниве денови повторно ќе биде на удар од сите светски медиуми, а скандалот вчера беше топ тема кај нашиот источен сосед. Повторно сме пример за истрага околу "местенки" за интерес од обложувалниците. Катастрофа! Сега не станува збор за нечии приватни или локални клубови туку за националната гордост - репрезентацијата.

Дознавме дека на натпреварот Македонија - Канада биле огромни уплатите за наша победа, повеќе од 3 гола и триумф на домаќинот со повеќе од два гола. Тие што имале "дојава" за натпреварот во Струмица се обложувале во живо, а најголемата уплата ја направиле во 30. минута од средбата.

Натпреварот Македонија - Канада е нов случај во досието "Македонија", кое е најголемо во УЕФА затоа што постојат уште десетина клупски и репрезентативни натпревари за кои службите во Нион вршат истрага. Има ли крај на ваквите лудории поврзани со Македонија. Ние сме црна дупка во системот на УЕФА и жариште на "фудбалски" експерти кои се занимаваат со лажирање и "местење" натпревари. Не дека другите не "местат" туку само овие нашиве ги фаќаат. Не ги бива ниту во најцрните бизниси во фудбалот.

Ако се докаже дека натпреварот Македонија - Канада бил "наместен" е дури тогаш каде ќе им одат душите на оние кои се осудиле да го оцрнат националниот тим и повторно да ја срамотат државата.

Знам дека и тогаш смрдеше,ама сега ко што мирисаме изгледа ептен смрдело