10 работи што можеби не сте ги знаеле за срцето

1. Сексипил. Ако веќе не вежбате класично, направете малку „гимнастика под чаршафите“. Вашето срце ќе ви биде благодарно. Истражувањето спроведено врз 2.500 мажи на возраст помеѓу 49 и 54 години покажало дека доколку доживуваат оргазам барем три пати неделно, ја преполовуваат веројатноста за смрт од некоја срцева болест. Сексот слободно може да се смета и за вежбање: проценето е дека при една енергична сексуална средба согоруваат околу 200 калории, што е еднакво на 15 минутно брзо трчање.

2. Женско срце. Жените се во предност околу некои работи за срцето, но кога се работи за кардиоваскуларните болести - главни се мажите.  Жените не доживуваат срцев удар како на филмовите: со остри болки во градите и губење на свеста. Наместо тоа, тие се жалат на умор, болка или притисок во срцето и дополнителни симптоми како мачнина и болки во грбот и вилицата.

3. Закрепнување на срцето. Скршеното срце при невозвратена љубов толку боли, што посакувате да имате „ново“ срце или барем прибор за поправање.

4. Од срце за срце. Наизглед глупавиот поглед со кој ве гледа кучето, или попатното триење на мачката од вашата нога ве тера да помислите дали е возможно тие да комуницираат со вас. Една неодамнешна студија ги става и коњите на списокот животни коишто можат да ги распознаат човечките емоции. Научниците откриле дека биењето на срцето на коњот се усогласува со биењето на срцето на човекот којшто го допира. Коњскиот детектор на емоции еден ден ќе може да ја замени апаратурата за стрес-тест.

5. Големи срца. Некои луѓе навистина имаат поголеми срца од другите. Но, зголеменото срце повеќе е знак на срцево заболување отколку на знак за вљубеност. Најчестиот тип на зголемување, наречен дилатирачка кардиомиопатија се појавува кога срцевите комори се истегнати и зголемени. Испакнатините го ослабнуваат пумпањето на срцето и се намалува дотокот на крв во органите. Ако не се лечи, зголеменото срце за кратко време откажува.

6. Смејте се, тоа е добро за вас. Смеењето од срце, она од кое ви се насолзуваат очите, прави многу повеќе од подобрување на расположението. Истражувањата покажале дека смеењето на глас ги отпушта мускулите на крвните садови со што се подобрува дотокот на крв во следните 45 минути. Кардиоваскуларните болести се последица на оштетувањето на токму овие мускули. Тоа и не е баш за смеење... или можеби е...

7. Пијте за своето срце. Една чаша црвено вино оди право кон срцето, но неодамнешните истражувања покажуваат дека истиот ефект го имаат и белите вина. Научниците го оправдуваа ефектот на црвеното вино со лушпата од грозјето, бидејќи таа е полна со одредени антиоксиданси. Бидејќи грозјето се лупи за да се добие бела варијанта од виното, многу научници претпоставуваа дека овие вина немаат позитивни ефекти на здравјето на срцето. Но лабораториските опити со глувци покажале дека внатрешноста на зрната е полна со други состојки погодни за срцето. Затоа, кога треба да изберете вино - следете го своето срце.

8. Моќна пумпа. За помалку од една минута, вашето срце пумпа крв до секоја клетка од вашето тело. И во текот на денот со околу 100.000 отчукувања лансира 9.000 литри крв богата со кислород, низ 96.650 километри крвни садови кои ги поврзуваат ткивата и органите во нашето тело. Тоа е доста добра работа за мускул со големина на тупаница.

9. Скршено срце. Скршеното срце може да предизвика губење на свеста. Истражувањата покажале дека раскинувањето со саканата личност или пак вест за смртта на сакана личност буквално може да доведе до скршени срца во облик на зголемен ризик од срцев удар. Овие трауми доведуваат до зголемено ниво на хормон на стрес кој привремено го „зашеметува“ срцето. Резултатот се симптомите на срцев удар: болки во градите и тешкотии со дишењето. Но ова заболување на срцето се лекува со блага терапија и одморање.

10. Знак на љубов. Со тежина од околу 280 грама, мускулот исполнет со крв наречен срце стана универзален знак на љубов. Старите Грци верувале дека срцето е седиштето на духот, Кинезите го сметаат за центар на среќата, а Египќаните мислеле дека од него потекнуваат емоциите и интелектот. Сепак, никој не е сигурен од каде точно потекнува поврзувањето на срцето со љубовта. Една од тезите е дека срцето го добило ова значење во античкиот грчки град Кирена во денешна Либија. Оваа колонија била позната по растението наречено Силфиум - чијашто мешунка била полна со зрна во облик на срце. Силфиумот имал лековити својства, а можно е да се користел како растително контрацептивно средство............

Наскоро светот ќе го добие првиот клинички центар за одвикнување од грицкање на нокти, кој ќе биде сместен во холандскиот град Венло и во кој пациентите ќе добиваат стручна помош за конечно да се ослободат од оваа ужасна навика.

Директорот на клиниката, Алан-Рејмонд фан Абе тврди дека тој и неговиот тим успеале да осмислат третман кој во рок од 4 недели го прави грицкањето нокти невозможно. Како доказ за тврдењето, се повикува на нивниот претходно спроведен експеримент, кој се покажал речиси 100 процентно успешен. 
”Ова е првата институција во светот која ќе се справува со овој навистина сериозен проблем. Очекуваме клиенти од целиот свет”, вели Фан Абе, најавувајќи го отворањето на клиниката за месец октомври годинава.
Неговиот третман вклучува поставување специјално изработена протеза за заби, која е едвај видлива и адаптивна за двете вилици. Носењето на протезата целосно го оневозможува грицкањето на нокти а со оглед на тоа што не е фиксна, може да се вади пред јадење. Освен тоа, на пациентите ќе им биде понудена и психолошка терапија, која дополнително ќе им го олесни одвикнувањето.Статистиките откриваат дека 45% од адолесцентите, 33% од младите луѓе и 15% од возрасните во светот, се робови на оваа навика.

....
КАКО ДА ПРЕКИНАМ ДА ГИ ГРИЦКАМ НОКТИТЕ???

За да имате нокти какви што отсекогаш сте посакувале, претходно мора да се ослободите од лошата навика да ги грицкате.

Грицкањето на ноктите не е лошо само од естетски аспект, многу повеќе е штетно за вашето здравје. Ноктите се најголемиот извор на бактерии. Размислете, со рацете работите буквално сé. Тие се најнечистиот дел од целото тело.

Истражувачите потврдиле дека под ноктите живеат многу поголем број бактерии отколку во тоалетната школка. По ова, останува на вас дали и понатаму ќе продолжите да ги грицкате ноктите.........

еве неколку брзи чекори за одвикнување од грицкањето нокти:

Лак против грицкање. Сигурно сте слушнале за ова феноменално откритие кое докажано помага во победување на лошата навика. Можете да го најдете во која било поголема аптека или парфимерија. Се нанесува исто како лак и трае долго време. Има одвратен горчлив вкус кој ќе ве предомислува секогаш кога ќе сакате ноктите да ги ставите в уста.

Маникир. Создадете навика ноктите секогаш да ви бидат средени и задолжително лакирани. Многу девојки велат дека кога имаат лак на ноктите се предомислуваат да ги грицкаат. Сигурно дека нема да сакате да го уништите францускиот маникир, особено ако дебело сте го платиле.

Вештачки нокти. Вештачките нокти се вистинска бариера што ги штити природните нокти од вашите заби. Обидете се  да ги ставите и видете го ефектот. Сигурно дека нема да сакате да ги грицкате вештачките нокти бидејќи задоволството не е исто. На овој начин им давате можност на природните нокти да пораснат под вештачките. Можеби ќе ви се допаднат и нема да посакате да ги уништите.

Работа на психата. Во ситуациите кога имате трема или сте премногу возбудени, ноктите се најдобриот начин за ослободување на непријатното чувство. Ако кај некој тоа се цигарите, кај друг благото, кај вас се ноктите. Тоа навистина не е лесно да се победи, но обидете се да најдете замена и да се воздржите. Ова е најтешко да се постигне, но дефинитивно е трајно решение............