Возобновување на БИГОРСКИОТ МАНАСТИР

maria_magdalena напиша: Темава е Возобновување на Бигорскиот Манастир. Ако имате нешто околу тоа да кажете, да предложите, информирате-повелете.

Дорбо. Отсега ќе кажувам, информирам и предлагам на темава.

Сакам да кажам дека зборот „хуманост“ доаѓа од зборот „хуман“ што значи човек и оттаму хуманост значи да се помогне на човек, а не на културно-уметнички градби. Ова сакам да го потенцирам затоа што многумина на темава гледам како го злоупотребуваат тој збор и велат: „бидете хумани и донирајте за манастирот“.

Понатаму сакам да информирам дека МПЦ може и од сопствени фондови може да го обнови опожарениот манастир „Св. Јован Бигорски“ наместо да ги чека верниците и државата, како што не известува следниов извор:

ПО ПОПЛАКИТЕ ДЕКА БАВНО СЕ СОБИРААТ ПАРИ ЗА ОПОЖАРЕНИОТ МАНАСТИР
За „Бигорски“ нема, за џипови има

Тони Ангеловски

Македонската православна црква - Охридска архиепископија и од сопствени фондови може да го обнови опожарениот манастир „Св. Јован Бигорски“ наместо да ги чека верниците и државата. Тоа го велат дел од аналитичарите по зачестените поплаки дека слабо оди собирањето пари за обнова на светилиштето кое настрада на 30 септември. Реакции почнаа да пристигнуваат и од верниците, кои забележуваат дека речиси сите владици возат автомобили, главно џипови, чијашто вредност се проценува на околу 50.000 евра. За неочекувано слабиот одѕив при собирањето на средствата разговарале делегатите на неодамна одржаниот Архиепископски црковно-народен собор во Скопје, на кој биле изнесени податоци дека се собрани околу 250.000 евра од донации, што е далеку од потребните пет милиони евра на колку што стручњаците ја проценуваат штетата. Поради тоа, МПЦ апелира до верниците, особено до поголемите фирми во земјата, да помогнат во обновата на манастирот. Според Никола Наумовски од невладината „Плоштад Слобода“, несфатливо е зошто МПЦ, која располага со многу големи средства, има потреба да бара донации од фирми и од граѓани за обнова на манастирот, па уште и да критикува дека тоа се прави во мали размери. - Наместо да бара пари за манастирот, МПЦ нека ги пренамени парите кои се планирани за изградба на црквата на скопскиот плоштад и со тоа ќе се реши проблемот - вели Никола Наумовски од невладината „Плоштад Слобода“. Според него, несфатливо е како додека уште не беше изгасен пожарот во манастирот била отворена жешка телефонска линија на која се собираа пари за неговата обнова. - Нема дилеми дека „Бигорски“ треба да се обнови што поскоро, но зошто тоа не го направи црквата. Во јавноста е познато дека сите тие владици возат скапи џипови, кои се вистински луксуз за некој што нема пари. Потоа хотели и сл. Но, не е само тоа, туку и тајноста на нејзините фондови. Таму никогаш не влегол ревизор и никој не знае со колкави средства се располага - вели Наумовски. Но, од МПЦ велат дека донациите од граѓаните всушност се бараат за да се разбуди свеста кај православните христијани. Според отец Доситеј, кој е задолжен за донациите за манастирот „Св. Јован Бигорски“, досега се собрани околу 250.000 евра од потребните повеќе од пет милиони евра. Од отворената телефонска линија се обезбедени 50.000 евра, околу 50.000 евра од донации на верници и на помали фирми, 10.000 евра се помош од Владата, 50.000 евра се донации од општините и околу 70.000 евра од поголемите фирми. - Целта е да се разбуди свеста кај православните христијани и да донираат и тие, односно да си ги сакаат своите храмови. Не можам да ви дадам точна бројка колку пари се собрани во моментов затоа што таа е менлива. Имаше и одлука на соборот секоја епархија да донира во однос со своите можности - вели Коста Маринов, кој е директно инволвиран во обновувањето на манастирот. Според архимандритот Партениј, игумен на манастирот „Св. Јован Бигорски“, тие не знаат на што се должи скромниот одѕив на донаторите. Можеби, според него, тоа е резултат на негативната медиумска кампања која во последно време се води против црквата, која постојано се прозива како одговорна за несреќата и како должна финансиски да ја покрие штетата. Според архимандритот Партениј, главни донатори се сиромашните луѓе, кои даваат колку што можат. И според портпаролот на Светиот архијерејски синод, митрополит Тимотеј, не се собрани средства колку што се очекувало, но МПЦ е благодарна за секој денар што е наменет за обнова на манастирот. - Некој дава помалку, некој повеќе пари, но ние сме благодарни за секоја донација имајќи ја предвид немаштијата во која се наоѓа народот. Ние донесовме одлука секоја епархија да донира средства во зависност од можностите. Некои веќе донираа средства, а некои се уште немаат одржано епархиски одбори, но наскоро ќе го сторат тоа - вели митрополит Тимотеј, портпарол на МПЦ.

Извор: Весник Време

Затоа јас предлагам граѓаните на РМ да не си ги трошат своите финансии за вакви проекти на МПЦ.

за сите што "незнаат" што да прават со слободната волја тука е EvAngelos да им го покаже патот

Клеветник за тебе братче е мал збор, ти како да си опседнат и се што е убаво тебе ти смета. Но не заслужуваш ти олку внимание и олку зборови ама ај.Господ да ти е на помош! Си имаш ТЕЖОК проблем!

Добро кажано Messenger, навистина е жално ,но секогаш ке се најде по некој кој во цела МАКА ќе сака да се изрекламира со неговите "револуционерни" идеи и "загриженост" кон лугето! Ми се гади од такви ВОЛЦИ ВО ОВЧЈИ КОЖИ !

Бигорски Манастир во историјата, на својот грб претрпел и други несреќи и секогаш после тоа бил само посилен! Така ке биде и овај пат со Божја помош, со помош на благочестивите луѓе! Зашто секоја прачка на лозата што дава плод, Бог ја очистува за да принесе повеќе плод.

Бигорскиот Манастир Св.Јован Крстителеден е еден од нашите најголеми духовни центри во Мк. ,нашето духовно пристаниште,исцелителен центар каде што мнозина пофторно се родиле,место каде многу млади успеале да го остават ОНА што не успеале во социјалните центри и преку програмите за лечење од зависности,место каде чудата се секојдневни за оној што има очи да ги види ,место каде не само за оние што живеат таму туку за секој кој ја ставил ногата во манастирот представува ДОМ, баш заради тоа што бил синовски примен од братството на манастирот.

Материјалната помошта за Бигорски е НАЈМАЛОТО нешто што можеме да го принесеме како благодарност кон ангелското братство кое пожртвувано им служи на луѓето и на Бога, а притоа да Му принесеме и благодарност на Бога ,а и да учествуваме во историскиот призив да бидеме дел од тулите на возобновениот манастир кој како никогаш пофторно ќе блеска со неговата убавина и ке Му служи на Бога !

Изменето од repetitor - 29.Ноември.2009 во 20:34

Клеветниците немаат срам.
За нив решение не е ни бан.
Нека продолжат да тропкаат како конзерви врзани за магарешки опаш по друмовите, т.е. форумите. На верникот му приличи понизност и активно делување.

Superior напиша: Tetratka напиша: Ја се чудам зашо да не отвориме една тема за громобраните, и превозните сретства кај современите христијани...клеветници - засрамете се... Тетратка,имаш ли податоци каков беше и каков е одзивот на муслиманите по однос помагањето за возобновување на Бигорскиот Манастир?

Знам дека луѓето од реканскиот крај со душа и срце помагаат на манастирот - зашто е така... они јавно кажуваат...
Виделе многу добрини од манастирот...
Многу фамилии кои немале рожба, и бесомачни и болни од секакви болести, според нивната вера и молитвите на монасите пред чудотворната икона на св. Јован Крстител (која е од 1020 година), добиваат исцеление и рожба...
Иконата на св. Јован и самиот манастир, назад во историјата сведочат за истите случаи, затоа и самиот манастир со посебен указ од султанот е изграден невообичаено за тоа време... сите манастири се граделе со скалите надолу, а овој (Бигорски) е изграден со скалите и влезнот на горе, значи издигнат...

И султанот видел многу добрини од манастирот, па затоа и така заповедал да се изгради.... (нормално со средства од народот и игумените ктитори...)

Значи, како и денес, така и назад низ историјата - манастирот го помагаат сите,... зашто св. Јован е брз помошник и услишител на маките и прв молитвеник пред Христос - кој се моли за сите нас...

Затоа и денес народот ке го обнови манастирот... бидејќи манастирот е исполнет со љубов и духот на љубовта и нелицемерието и гостопримството на монашкото братство и игуменот Партениј, се главна христијанска доблест, нелицемерна љубов... љубов во Христа...


Изменето од Tetratka - 29.Ноември.2009 во 21:39

Бигорски и отец Партениј за време санациите после опожорувањето на манастирот:










Дел од интервјуто со отец Партениј:

- Кои други аткивности се присутни во Бигорски?

- Она што е најсуштествено за Бигорскиот манастир, и што претставува негов највпечатлив белег, е богатиот духовен живот, а тој и покрај сите искушенија, продолжува со засилен интензитет. Значи, што се однесува до браќата, тие си го исполнуваат целиот богослужбен круг, и во тој поглед нема некаква посебна разлика во нивното секојдневие, освен зголемената физичка активност околу работите со опожарениот конак и особено, градењето на 'Источни Палат”. Ни во поглед на духовната мисија што овој манастир ја врши, нема никаква разлика. Верниците и бројните духовни чеда и натаму доаѓаат, се исповедаат, заедничарат со браќата на богослужбите и секојдневните послушанија, делејќи ги со нас сите радости и таги. Зашто Бигорскиот манастир никогаш и не бил ограничен само на овој конкретен простор. Тој е во срцата на сите оние, кои божјата промисла ги донела овде и кои заминувајќи, понеле со себе и дел од нас. Се додека е така, Бигорски ќе биде повеќе од само камени ѕидови.




Изменето од Messenger - 30.Ноември.2009 во 16:21

Jovan Bigorski postoi od XX vek 

Новогодишни честитки од Бигорски манастир Св. Јован Крстител       



Почитувани,

Смирено Ви се обраќаме, знаејќи дека искрено сочувствувате со нашата несреќа и топло ќе ни излезете во пресрет, олеснувајќи ни ја болката со Вашата благородна помош. Имено, Вие знаете дека на 30-ти септември, огнената стихија во еден миг ги проголта прекрасните монашки конаци, дело на големите мијачки мајстори и завет на поранешните Бигорски игумени. Пред нашите насолзени очи за миг испезна големата трпезарија, раскошните гостински одаи со дрвени резби и портрети на славните Бигорски игумени, нашите скромни монашки келии и сите простории кои ни овозможуваа опстанок во манастирот и негово нормално функционирање. Немоќни да се справиме со таа огромна огнена сила, која се закануваше да ја зафати и црквата, се потрудивме, со ризик по нашите животи, да го спасиме барем она што беше и највредно - ретката и исклучително вредна колекција на икони од Бигорската галерија, кои датираат од 16ти, 17-ти и 18ти век, истовремено борејќи се и упатувајќи молитви кон големиот Претеча Јован, да си го заштити својот храм.

Затоа, Ве молиме да ни излезете во пресрет со купување на Новогодишни честитки од понудата на нашиот Манастир.
Напоменуваме дека средствата собрани од продажбата на честитките ќе бидат наменети за возобновување на Бигорскиот манастир.











Вашите нарачки можете да ги најавите на отец Доситеј 070/342-970 или е-mail: bigorski@t-mobile.mkОваа адреса на е-пошта е зашититена од спем-ботови, потребно е да го вклучите Javascript-от за да ја погледнете
Однапред благодариме на Вашето разбирање и помош и нека благословот на Светиот Претеча и Крстител – Јован биде секогаш со Вас и Вашите блиски.

    * Цена на една честитка е 100 денари
    * Собраните средства од продажбата на честитките ќе бидат донирани за обнова на манастирскиот комплекс Свети Јовак Бигорски

ДА ГО ОБНОВИМЕ БИГОРСКИ!

Premin Portal