Каде ви е поубаво ?

Како отсекогаш тешко сум се вклопувала во македонскиот начин на живот поради своите размислувања, однесување, очекувања и природата на работата која ја работев просто ме истиснаа сами од таа околина.

Тука сум среќна и не се оптеретувам со банални проблеми како вадење на личен документ, трескање од земја кого да фаќам за врски за работа, дека ќе летам од работа поради смена на влада, не се замарам дали газдата ми уплаќа пензиско и дали ќе ми даде плата овој месец, некоја цркавица ако тоа може да се нарече плата, не трошам енергија да им објаснувам на одередени луѓе зошто не сакам да ми доаѓаат ненајавени, не се чувствувам како под лупа ако качам некое кило вишок зошто на никој не му е гајле како изгледам.....продавачките не те гледаат со потсмев зошто не носиш кинески конфекциски број.

Од Македонија со себе го понесов само она што е позитивно, убавите сеќавања и убавите моменти поминати во основно, средно, по кафичите, свирките, концертите, долгогодишните пријателства, топлината на одредени луѓе,убавата храна и навика за готвење и добрите искуства а се друго што ме вознемирува и ме правеше нервозна и несреќна-го оставив таму.

Сега сум во животно доба каде ги зацврстувам своите животни приоритети, полека но сигурно се остварувам на лично и професионално поле и имам визија-но имам и можности и тоа ме прави сигурна и среќна.

Македонија е земјата каде се родив,пораснав и каде живее моето семејство и си ја сакам, а како човек со слободна воља одбрав да живеам во друга земја бидејќи многу повеќе ми одговара.