КОШАРКА - новости

По ланските настапи и пласманот на ЕП во Полска немаше ама баш никаква дилема дека Џеремаја Мејси е вистинското американско решение за нашиот национален тим.

Но така беше лани, кога во септември, со оние четири победи извадивме

Полска виза за по вторпат во нашата историја да заиграме на еден Евробаскет, поточно неговиот завршен дел.

Но така беше тогаш. Сега некако ситуацијата полека почнува да се менува. А причината е исто така американска, а се вика Дариус Вашингтон.

Уште едно американско дополнение во нашиот национален тим по она почнато уште на времето на сега веќе починатиот Кенјон Џонс, па преку Рајан Стак, сe до Џеремаја Мејси.

Дека има квалитет во него тоа не беше воопшто спорно, пред сe затоа што не е лесно да се дојде до дресот, а камоли да се облече оној на екс шампионот на НБА лигата, Сан Антонио Спарс.

А иако кај нас обично владее голем, дури и огромен скептицизам кога се зборува за странци, посебно Американци, требаше "доказ" за тоа.

Охрид се покажа како вистинското нешто за еден таков момент, секако не експериментален.

Селекторот Јовица Арсиќ, и не само тој, туку и луѓето во федерацијата долго време чекаа повратна информација за и од Мејси. А кога не ја добија навреме (сe до неговото доаѓање во Словенија), се чини дека и на нивното трпение дојде крајот.

Затоа и "се појави" таа варијанта со Вашингтон, која може да се окарактеризира и како резервна.

А на "таа", на оној втор охридски дуел со Словачка, требаа нецели 19 минути да го искаже својот богат репертоар. Дариус Вашингтон ги запиша своите први поени (14) за "црвено-жолтите", но и асистенции (4), скокови (3).

Но многу повеќе од тоа значи и оној "прв контакт" кој Вашингтон го оствари со нашата (пробирлива) публика, кој излезе добар.

А тоа, пак, од друга страна само ја подотвори, ја продлабочи онаа најава дека статусот кој до тој момент, а и пред тоа, го уживаше Џеремаја Мејси полека почнува да се менува.

А Арсиќ, пак, умно вели дека сега има само поголем (странски) избор, но и тоа пропратено во стилот дека не сака да "пресече", и нормално, да каже дека, односно дали е за едната или пак другата опција.

" Кој од нив двајцата ќе игра во Полска зависи од тоа каков играч ќе ни биде потребен. Она што е важно е сите да бидат здрави, да нема повреди. А одлуката кој ќе патува ќе ја донесеме во зависност од тоа каков профил на играч ќе & биде потребен на екипата, а не според индивидуалните карактеристики" - кажа Арсиќ по проверките во Охрид.

Инаку, според правилата на ФИБА, само еден натурализиран играч смее да настапи на еден натпревар во одреден национален тим.

Со право од причина што до Полска имаме уште доста контроли. По оние горе во Словенија, и охридските, нe чека еден силен турнир во Германија, а веднаш потоа и во Турција.

Оттука е извесно дека селекторот Арсиќ ќе ја држи тензијата на највисоко можно ниво од причина што двајцата Американци и играат на две сосема различни позиции.

Па така, на пример, ако се одлучи за Вашингтон, тогаш за своето место во Полска ќе стрепат бековите или, пак обратно, ако изборот падне на Мејси во тој случај "ќе виси" некој од центрите.

Како и да е, излегува дека постои конк*рентност, а тоа може да биде само од корист кога се зборува за подготовките на нашиот национален тим.

Пред сe тоа би требало да донесе некој екстра мотив кај сите повикани и кои се дел од селекцијата која по вторпат во нашата историја треба да нe претставува на завршната манифестација наречена ЕП.


Ристе Стефанов почна со "нормални" тренинзи

Вест на денот во нашиот камп во Охрид е дека Ристе Стефанов го одработи првиот "нормален" тренинг.

Нормален, во смисла дека им се приклучи на оние редовни активности, што се вели, почна да работи со полна пареа, што секако може само да го радува стручниот штаб, од причина што Стефанов ќе ја дозасили конк*ренцијата на оние крилни позиции.

"Ристе почна да тренира, односно да учествува и во онаа т.н. 'контакт-игра', што, секако, е доста позитивно. Ќе ни треба време да го вклопиме, но сакам да го имаме 100% подготовен бидејќи ни е битен играч"- вели Арсиќ по ова прашање.

Екипата на Фени Индустри вечерва од 19 часот и 30 минути во Ваљево го игра првиот четвртфинален натпревар од БИБЛ лигата. Кавадарчани против Металац ќе се обидат да го повторат успехот од лани кога беа учесници на завршниот турнир во БИБЛ лигата.

Вториот македонски претставник во Балканската кошаркарска лига, тимот на Работнички го освои петтото место во групата и не успеа да се пласира во четвртфиналната фаза.

Во другите двојки од четвртфиналето се среќаваат: Рилски Спортист - Левски, ОКК Београд - Еуроинс Черно Море и Морнар – Ловќен.

Реванш натпреварите се играат на 24 и 25 март.