Денес на репертоарот од ЛШ е 2-то коло во групите А, Б, Ц и Д...Како дерби на колото се издвојува дуелот во Минхен меѓу Баерн и Јувентус, а интересни би требало да бидат Јунејтед - Волфсбург, Реал - Марсеј и Порто - Атлетико Мадрид...

ЦСКА Москва - Бешикташ (сре. 18:30; Група Б, Канал 5+)

Екипата на Хуанде Рамос мора да ја искористи предноста на домашниот терен и да забележи победа ако сака да остане со реални шанси за осмина-финале. Во неговиот состав кој игра топло-ладно во последно време се врати Чилеанецот Марк Гонзалез и тој би требало да биде големо засилување во овој состав. Одбраната е квалитетна, се ќе зависи од Красиќ, Гонзалез и младиот Џагоев.

Бешикташ исто мора да не загуби ако сака да има реални шанси за пласман понатаму. Турскиот шампион е во очајна серија на последните 5 натпревари нема забележано победа, има три порази во серија. Во составот ќе фали турскиот репрезентативец Тороман. Рушту и Ферари се под знак прашалник. Многу од нивната игра ќе зависи од Нихат и од Бразилецот Табата.

Тип: Домаќините се фаворити. ЦСКА игра солидно на домашен терен, но не треба да се заборави фактот дека Бешикташ нема доживаено пораз досега од руска екипа.

Манчестер Јунајтед - Волфсбург (сре. 20:45; Група Б, Канал 5+)

Јунајтед има седум последувателни победи во сите конк*ренции. Фергусон не губи на домашен терен во европските натпреварувања. Има серија од 21 дуел без пораз, од фебруари 2005-та. Во редовите на англискиот шампион се уште недостасува голамот Едвин Ван дер Саар, па затоа Фостер ќе биде повторно на голот. Во дефанзива ќе бидат Видиќ и Фердинанд, а во нападот Руни и Бербаотв.

Волфсбург е непредвидилв сезонава. Постигнува многу голови, но исто и прима многу голови. Дуото Графите-Џеко ќе биде најголемата опасност за голот на Фостер. Тие лани во сите конк*ренции постигнаа 71 гол. Не треба да се заборави и Обафеми Мартинс кој би можел да го започне овој натпревар пред се поради неговото искуство во Премиер лигата. За Армин Вех единствено играчот за врска Жоске е под знак прашалник.

Тип: Ова би требало да биде одличен дуел. Натпревар со многу голови. Јунајтед би требало да победи, но би требало да прими и некој гол во мрежата на несигурниот Фостер.

Баерн Минхен - Јувентус (сре. 20:45; Група А, Канал 5)

На Алианц Арената се игра дербито на колото. Баерн беше убедлив во првото коло со Макаби и со победа во овој дуел веќе со едната нога ќе биде во осмина-финалето. Баварците имаа пет последувателни победи пред да бидат поразени од Хамбургер во дербито од Бундеслигата. Ван Гал нема да смета на стандардните Демикелис и Ван Бомел, но во составот сигурно ќе биде ударното дуо сезонава, Робен-Рибери. Се очекува и Гомес најпосле да покаже зошто се платени 30 милиони евра за него.

Во составот на Јувентус кој се уште нема пораз сезонава се враќаат Дел Пјеро и Диего. Бразилецот би требало да биде во стартниот состав. Повредени се Момо Сисоко, Фабио Канаваро и Тјаго. На местото на Канаваро се очекува Легротаље да го започне натпреварот. Во нападот Амаури е сигурен, а Јакинта најверојатно ќе му биде партнер. Јуве киксна со Бордо и сега ќе сака да врати за тоа.

Тип: Баерн поради домашниот терен е фаворит. Сепак треба да се напомене дека последниот пораз на Баерн на домашен терен во фазата по групи  е токму од Јувентус во 2004-та година. 

Бордо - Макаби Хаифа (сре. 20:45; Група А)

Францускиот шампион ја искористи шансата да игра против ослабениот Јувентус и затоа зема бод од гостувањето во Торино. Сега ќе мора да брка две победи со Макаби за да ги одржи добрите шанси кои моментално ги има за пласман во осмина-финале. Бордо има страшен рекорд од 37 натпревари без пораз на домашен терен, а 20 дуели по ред е непоразен во сите конк*ренции од кои има дури 18 победи. Единствено Гуфран е повреден во составот на Жирондинците, а напаѓачот Кавенаги е под знак прашалник. Доброто е што Гуркуф се врати во составот.

Кај Макаби се враќа Колма по суспензијата од еден натпревар, а во тимот се враќа Тјаго Дутра. Најопасни во составот на Израелците се неверојатниот талент Голаса и Двалишвили.

Тип: Бордо е голем фаворит и би требало да освои лесни 3 бода.

Милан - Цирих (сре. 20:45; Група Ц)

Како и пред некоја сезона Росонерите спасот од лошите изданија во Калчолигата ќе го бараат во натпреварите од ЛШ. Победата на гости со Марсеј во првото коло  е потврда за тоа. Леонардо нема некои проблеми со повредени играчи и ќе ги има на располагање скоро сите фудбалери. Најверојатно Пато и Инзаги ќе биде тандемот во нападот, а позади нив ќе игра Роналдињо.

Цирих е тотален аутсајдер во оваа група, тоа го покажа и на дуелот со Реал Мадрид. Лошата форма во домашното првенство е уште една потврда за неговиот квалитет. Имаат само една победа во 6-те дуели со италијанските екипи и тоа со Емполи на домашен терен.

Тип: Милан е огромен фаворит и се освен победа на Росонерите ќе биде сензација.

Реал Мадрид - Марсеј (сре. 20:45; Група Ц)

Галактикоси се перфектни на старт на сеозната. Само победи во сите конк*ренции и ќе сакаат да ја продолжат оваа серија. Плегрини има мали проблеми со повреди, неодамна се повредија Лас Дијара и Серхио Рамос. Веќе на таа листа беа Ван Нистелрој и Арбелоа. Би требало Гаго заедно со Чаби Алонсо да бидат во средината. Во офанзивата најверојатно ќе бидат Роналдо, Кака, Бензема и Игуаин. Пепе и Гереј се сигурни во дефанзива.

На Марсеј со поразот од Валенсиен му заврши непобедливоста од 11 дуели на гостински терен во домашниот првенство. Дешам поради повреда нема да може да смета на напаѓачот Бакари Коне. Ова ќе биде враќање дома на два доскорешни фудбалери на Реал, Хајнце и Мориентес. Марсеј иако одигра добро со Милан сепак загуби и ќе мора да се вади на овој дуел со Реал ако сака да има реални шанси за осмина-финале. Имаат состав кој може да направи изненадување. Особено треба да се пази на напаѓачот Мамаду Нијанг кој е во одлична форма.

Тип: Реал нормално се фаворити, но не треба да го потценат противникот бидејќи Марсеј има состав кој може да го казни тоа. Се очекуваа многу голови.

АПОЕЛ - Челзи (сре. 20:45; Група Д)

АПОЕЛ на нашиот Бобан Грнчаров ќе има можност да се обиде да го направи и второто големо изненадување во ЛШ после освојувањето на бод на Винсенте Калдерон. Кипраните целосно се фокусирани на ЛШ, па и затоа резултатите во домашното првенство не се на некое ниво. Голем проблем за нив е што искусната полска врска овојпат изгледа нема да функционира. Зевлаков и Косовски се повредени, исто како и Португалецот Паоуло Жорге.

Челзи после одличниот старт на сезоната овој викенд изненадувачки го положи оружејто на Џеј-Џеј Би против Виган. Тоа беше прв пораз за нив сезонава. Деко, Михаел Балак, Стариџ, Оби Микел и Алекс се повредени во составот на Анчелоти. Босингва и Дрогба се суспендиани поради нередите во полуфиналето со Барса лани. Така да италијанскиот стратег ќе има големи проблеми со составот. Се очекува и Џо Кол и Жирков да бидат во стартните 11.

Тип: Челзи е фаворит и сигурно ќе победи. Доста им беше едно изненадување на Кипраните.

Порто - Атлетико Мадрид (сре. 20:45; Група Д)

Иако тимот ги загуби скоро сите ѕвезди во летниот преоден рок, сепак на дуелот со Челзи во првото коло тоа не ни се забележа. Напротив португалскиот шампион делуваше доста моќно, самуверено и само немањето среќа не им донесе бод од Стемфорд Бриџ. Тренерот Фереира има мали проблеми со повредени играчи, Варела и Кристијан Родригез нема да бидат во комбинација за овој натпревар. Поразот кој што пред 10 дена го доживеаа од Брага им беше прв после 27 натпревари во домашната лига. Халк и Фалкао ќе бидат најголемата опасност по голот на Роберто.

Атлетико од друга страна се мачи да се пронајде себеси. Всушност “црвено-белите“ овој проблем го имаат години наназад. Имаат само 3 бода и се наоѓаат во зоната за испаѓање. Во првото коло од ЛШ неочекувано одиграа само 0:0 со АПОЕЛ. Затоа мора да го вратат изгубеното токму на овој дуел со португалскиот шампион. Пернија, Раул Гарсија и Камачо се повредени во составот на Ресино. Голамот Асенхо е на младинското светско првенство, па Роберто ќе го завземе неговото место. Лани во осмина-финалето Атлетико беше елиминиран токму од Порто. Тандемот Форлан-Агуеро мора да добие поддршка и од останатите фудбалери кој многу слабо ја отворија сезоната.

Тип: Доста неизвесен натпревар. Самиот факт што лани одиграа на два пати нерешено кажува дека може и трет пат по ред да се случи тоа. Сепак не би било изненадување ако Атлетико успее и со цел плен да се врати од Драгао.