НОВИТЕТИ

Iron Man напиша: Вистински разбеснет бик Италијанскиот бренд е спремен да го лансира проектот Gallardo LP550-2, зад чие име се крие познатиот бик, но сега со погон на задните тркала. Lamborghini се враќа на системот на погон на задните тркала. За разлика од вообичаениот AWD погон, оваа комбинација ќе нуди исклучително повеќе забава во возењето. Силата на атмосферскиот 5.2-литарски V10 мотор е намалена за 10КС и сега изнесува 550 КЅ (LP560-4 развива 560 КС). Моторот доаѓа комбиниран со шестстепенски рачен менувач. Десет коњи помалку нема ни да се почувствуваат на конечните перформанси, бидејќи масата на возилото е намалена за цели 30 kg и спринт до стотка трае само 3.9 секунди. Само 250 примероци ќе бидат произведени, а ќе биде и 10% поевтин од моделот LP560-4. Понудени се дури осум бои на каросеријата, па изборот нема да биде едноставен, но тоа се слатки маки на идните сопственици. За разлика од Gallardo со погон на сите четири тркала, кој не бара и одредени возачки вештини, погонот на задните тркала е наменет на поискусните играчи, бидејќи сигурно нема да биде детска игра да се задржи „бикот“ под контрола.

Кралски крстосувач – новиот Jaguar XJ



Додека германските луксузни производители, се натпреваруваат кој ќе вгради повеќе технологија во своите автомобили, Британците остануваат верни на својата традиција – кај новиот XJ се е подредено на ретро стилот, квалитетот на материјалите и на препознатливиот дизајн.



Секако, бидејќи се наоѓа во високата премиум класа, на Jaguar XJ не му недостасува технологија – има DVD, телевизија, Bowers&Wilkins аудио систем... Но, внатрешноста повеќе плени со квалитетната кожа најубава на допир, квалитетната пластика и дрво на кокпитот... Тука се е направено за патниците да се чувствуваат кралски – нешто кое Германците не можат да го постигнат, бидејќи, нели, ја немаат Кралицата Елизабета.



И моторите се подредени на уживањето на патниците, а како ретко во модел од високата класа и на уживањето на возачот во најсилната Supersport изведба на 5.0 V8 моторот со 510 КС (0-100 за 4,9 секунди). Овој бензинец, доаѓа во вкупно три изведби, па покрај најсилната, ќе може да се порача и во верзијата со 470, односно 385 КС. За свесните за околината, тука е би турбо дизелашот 3.0 V6 со 275 КС. Сите мотори се спарени со ZF автоматски менувач со шест степени на пренос.



Бидејќи во XJ нема секогаш да се возат патници на задната клупа, вграден е системот Drive Selector, кој овозможува префрлање од удобен, крстосувачки мод на работа, во спортски мод. Тогаш, суспензијата станува потврда и моторот побрзо одговара на командите на возачот, што е гаранција за неговото уживање. Од друга страна, за оние пак кои сакаат друг да ги вози во својот автомобил, тука е и продолжената изведба со 12,5 cm повеќе простор за колената на задната клупа.



Од надвор, кај новиот XJ се забележуваат сличности со помалиот XF, но посебно забележителен е задниот дел, кој делува многу екстравагантно, а личи и на оној на Lancia Thesis. Во внатрешноста, дизајнот е покласичен, со многу ретро елементи и неколку футуристички детали.



Кралскиот крстосувач ќе биде достапен на купувачите од почетокот на 2010 година, по цена блиска на германската конк*ренција составена од светото тројство, Mercedes S Class, BMW 7 и Audi A8.

Официјална скица на Astra Coupe





Според наведувањата на изворите, Coupe изведбата на новата Astra би можела позначајно да се разликува од стандардната со пет врати, а според зборовите на Malcom Ward, шефот на дизајн, тој модел би требало во голема мерка да личи на приложената скица.

Coupe изведбата на пазарот би требало да се појави во 2011 година и со многу посебни дизајнерски елементи да има и пониска линија на покривот, поагресивна маска и светла. Причината е во желбата на произведувачот, овој модел визуелно значително да се разликува од оној со пет врати кој првенствено би требало да биде семеен избор, додека Coupe ќе биде наменет за помладите. Од Opel ветуваат одлични аеродинамички својства кои со динамичниот изглед ќе се одразат и на економичноста на автомобилот.

Ward, исто така, изненадувачки изјавил дека ентериерот на Astra ќе биде поквалитетен од оној на Insignia! Имено, Insignia започна нова насока на дизајнот на ентериерот на Opel, па така оној во Astra, ќе ги следи истите дизајнерски елементи, но со зголемен квалитет на материјалите.

koli.com.mk

Peugeot го најави преубавиот 308 RCZ

Преубавото купе Peugeot 308 RCZ премиерно беше претставено на саемот за автомобили во Франкфурт 2007, но само како прототип. Студијата тогаш ги воодушеви посетителите. Две години подоцна, на истиот саем ќе биде претставена и сериската изведба.

Како и досега, Peugeot претстави фотографии на кои се гледа само силуетата и делови од сериското купе.

Peugeot 308 RCZ е изработен врз платформата на стандардната 308-ца, но го карактеризира далеку попривлечен дизајн кој потсетува на Audi TT. Така овој концепт го карактеризираат големи 19-инчни тркала, особено низок кров, големи штитници од кал  и издувен систем поставен на средина.

Со тежина од само 1200 килограми, 308 RCZ од нула до 100 километри на час развива за 7 секунди. Максималната брзина изнесува 235 км/час, а просечната потрошувачка е 6,7 литри на 100 километри. Иако премиерата е во септември, продажбата на 308 RCZ ќе започне следната година на пролет. Овие податоци се однесуваат на 1,6-литарскиот мотор кој е прикажан во концептот, но француската компанија најавува и други агрегати за серискиот модел.

Ferrari – најпопуларна марка во светот!


Гордо исправеното црно коњче на жолта основа или “Il Cavallino Rampante“ (во оригиналот на италијански) е убедливо највлијателната, најпопуларна марка на автомобили во светот според анкетата на “Top Gear Live“.


За Ferrari го имаат дадено својот глас половина од анкетираните, а второпласираниот Aston Martin е најпопуларен за четвртина од вкупниот број испитаници. “Бронзата“ му припаѓа на Lamborghini, a конечниот пласман можете да го проследите на приложената табела.


Логично е да се претпостави дека огромната популарност на Ferrari се должи на историјата, имиџот и нивото учество во светскиот шампионат во Формула 1 континуирано од 1950 година, додека пак популарноста на Aston Martin се препишува на фактот што тоа е официјално возило на тајниот британски агент Џејмс Бонд. Судејќи според листата се стекнува јасна слика кои се критериумите по кои е направен изборот, па според нас тука секако недостасуваат една Alfa Romeo или Alpine на пример, барем на местото на оние последнопласираните.

Позиција   Марка            Гласови (%)
   1.      Ferrari            2525 (48)
   2.      Aston Martin       1289 (25)
   3.      Lamborghini        470 (9)
   4.      Bugatti             263 (5)
   5.      Porsche             234 (4)
   6.      Maserati            143 (3)
   7.      Spyker              117 (2)
   8.      Lotus               80 (2)
   9.      Koenigsegg           70 (1)
10.      Pagani               44 (1)

koli.com.mk