Бакнежи ...

Две недели од животот минуваме бакнувајќи се

Бакнежите согоруваат калории и го продолжуваат животот. Исто така, ретко може да се најде лице кое не сака бакнежи. Романтични, влажни, страсни, нежни или копнежни, во нив сите уживаат

Ќе ви помогнеме да откриете неколку интересни факти за бакнежот. Бакнувањето во функција става дури 29 проценти од мускулите на лицето. Со други зборови, бакнувањето е ефикасна вежба која го затегнува лицето и спречува настанување на обесени образи.

Со бакнувањето се разменува слуз која содржи протеини и антигени. Тоа може да го поттикне развојот на антителата и да го зајакне имунитетот. Две третини од луѓето се бакнуваат со затворени очи, остатокот сака да се бакнува со отворени очи и да ужива во изразот на лицето на партнерот. Просечна Американка пред да се омажи се бакнува со 80 мажи. Брз и романтичен бакнеж ќе согори 2 до 3 калории, додека француски бакнеж со јазик согорува многу повеќе. Имено, една минута француски бакнеж ќе согори 26 калории. На усните има дури 200 пати повеќе нервни завршетоци отколку на врвовите на прстите. Статистиките покажале дека мажите кои ги бакнуваат своите жени пред да одат на работа живеат пет години подолго за разлика од оние кои само ќе ја треснат вратата.

Страственото бакнување од некои 90 минути ќе го зголеми крвниот притисок и ќе го забрзаат пулсот кој потоа ќе биде еднаков на оној како по кусо џогирање. По бакнежот доаѓа до намалување на крвниот притисок и следи опуштање. Ескимите ги тријат носовите за да искажат љубов и привлечност, но исто така ги потпираат носевите на образот за да уживаат во мирисот на друго лице. Со бакнување се произведуваат ендорфини кои се 200 пати појаки од морфиум. Предизвикува еуфорија и благосостојба.

Просечно лице минува две недели во бакнување. Секое второ лице на планетата својот прв француски бакнеж го доживува до 14 - тата години.
Во сериозна врска жените често на основа на бакнеж и нивната зачестеност ја проценуваат својата врска и нејзиниот квалитет.

Со помош на бакнеж, мажите откриваа колку е жената плодна

Научниците конечно дошле до решение зашто мажите сакаат сочни бакнежи. Сепак, посилниот пол бара нешто повеќе од голема страст. Тие кај жените инстиктивно бараат повисоко ниво на естроген во плунката, според која проценуваат колку жената е плодна.

Мажите сакаат сочни бакнежи, иако некои знаат и да претераат, но сето тоа е со причина, заклучила американската антропологистка Хелен Фишер. Хемискиот коктел на плунката, ни кажува дали личноста која ја бакнуваме, генетски е добар избор.

Постои и друга причина, а тоа е пренесување на тестостеронот од мажот во жената со што таа би била стимулирана за секс. “Мажите многу брзо преминуваат на директен бакнеж во уста со кој побрзо би стигнале до сексуалниот чин на задоволување“, изјавила Хелен.

Интересно е дека во ова истражување и мажите и жените потврдиле дека првиот бакнеж е "бакнеж на смртта", бидејќи врз негова основа двојката одлучува дали има поента да се започне врска или не.

Истражувањето вклучувало тест на способности кое оценувало 4 видови на темперамент, а секој темперамент е поврзан со нивоата на хемикалии во мозокот. Др. Фишер заклучила дека секој темперамент посебно одлучува каква личност ќе избере, што значи дека љубовта зависи од хемиската реакција во мозокот.

Луѓето пеjат за љубов, играат за љубов, живеат, убиваат и умираат за љубов. Прекрасна е таа зависност кога врската е убава, но и совршено ужасна кога се работи за лоша врска, изјавила Хелен за National Geographic.