Морати ја шокираше Европа: Ибрахимовиќ во Барселона!

Претседателот на Интер, Масимо Морати, синоќа се сретнал со Хуан Лапорта, претседателот на Барселона и решил да му го продаде Златан Ибрахимовиќ за 40 милиони евра. Според шпанските медиуми трансферот на Ибрахимовиќ во Барселона е веќе заклучен.

Масимо Морати синоќа потврдил дека преговара со Барселона околу трансферот. Работата, како што тврдат шпанските медиуми, е завршена нешто по полноќ во Милано. Шведскиот фудбалер доаѓа во актуелниот шпански и европски шампион за 40 милиони евра отштета Самуел Ето и Александар Хлеб. Камерунецот доаѓа како слободен играч, додека Белорусот останува на едногодишна зајмица.

Естудијантес победник на Копа Либертадорес

Аргентинската екипа Естудијантес со победата рано утрово против бразилскиот Крузеиро од 2:1 на гости по четврти пат во својата историја го освои пехарот во Копа Либертадорес (натпреварување во Јужна Америка слично на Лигата на шампионите). Ова беше јубилејно 50-то издание на Копа Либертадирес.

Првиот гол го постигнаа домашните преку Хенрике во 52 минута, а само пет минути подоцна гостите преку Фернандез израмнија на 1:1. Победата на Естудијантес му ја донесе Босели во 73 минута со неговиот негов осми гол во ова натпреварување, со што стана и најдобар стрелец.

Првиот натпревар во Ла Плата заврши 0:0.

Екипата на Естудијантес првите три трофеи ги освои во низа од 1968 до 1970 година.

Ибрахимовиќ прифаќа и помала плата, само да е во Барса

Ибра: Се за Барса

Златан Ибрахимовиќ е подготвен да се откаже од добар дел од актуелната плата во Интер само за да се пресели во редовите на Барселона.

Според информациите, Ибрахимовиќ е подготвен да добие за цели 4,5 милиони евра помала годишна плата од онаа која моментно ја има во Интер, само за да се најде во дресот на европскиот шампион.

„Ел Мундо Депортиво“ откри дека Швеѓанецот ќе потпише петгодишен договор вреден околу 9 милиони евра по сезона, но ако се одбијат оние 23% на име данок, тоа значи дека Ибра ќе има годишно нето плата во висина од околу 7,5 милиони евра.

До доаѓањето на Кристијано Роналдо во Реал, Ибрахимовиќ беше најплатениот фудбалер на светот.

Со оглед на тоа што неговиот менаџер Рајола секое лето потенцира дека неговиот клиент сака нов предизвик, јасно е дека и Интер ќе се согласи за разделба со него.

Шпанскиот прволигаш Виљареал забележа неверојатна победа во пријателски натпревар против шпански третолигаш со дури 27 гола.

„Жолтата подморница“ успеа да го прегази со 27:0 тимот од Валенсија, Навату, кој игра во третата регионална лига.

Напаѓачот Џонатан Переира постигна дури седум голови, а неговите соиграчи Хосеба Љоренте и Марко Рубен постигнаа по четири. Поранешниот играч на Арсенал, Роберт Пирес додаде уште два гола.



Новиот тренер на тимот Ернесто Валверде во двете полувремиња излезе со различни играчи.

Еве едно видео од мечот http://www.youtube.com/watch?v=k9zAnV2Doa8


Изменето од fiks - 21.Јули.2009 во 12:57

МИЛИОН евра месечно за Тери

Раководството на Манчестер Сити ја подготвува последната понуда за капитенот на Челзи, Џон Тери. Англиските медиуми тврдат дека таа ќе биде навистина баснословна - месечна плата од милион фунти или 12 милиони годишно со што Тери ќе биде убедливо најплатениот фудбалер во светот со поголеми примања дури и од Кристијано Роналдо.

Според Дејли меил, менаџерот на Сити, Марк Хјуз, планира да ја испрати понудата за 28-годишниот Тери најдоцна до вечерва. Како што е познато, "граѓаните" претходно понудија 32 милиони фунти како отштета за Челзи, но лондонскиот клуб тоа експресно го одби. Сега мора да се праша и самиот фудбалер бидејќи тој моментално во Челзи заработува по 135 илјади фунти неделно, а во Сити ќе има можност да ја зголеми таа сума на неверојатни 250 илјади. За споредба, договорот на Роналдо со Реал Мадрид е за неделна плата од 200 илјади евра, што значи дека Сити би можел идната сезона да го има најплатениот фудбалер во светот. Освен тоа, ако се оствари овој трансфер, Тери ќе биде најскап дефанзивец во историјата на фудбалот имајќи предвид дека во моментов тој рекорд го држи Рио Фердинанд со 29 милиони фунти кога преминуваше од Лидс во Манчестер Јунајтед.

Извори блиски до Челзи тврдат дека Тери е во големо искушение од сериозните суми кои деновиве се вртат околу него. Меѓу другото, искусниот дефанзивец бил разочаран и од фактот што Челзи летово не донесе квалитетни засилувања и тоа може да одигра голема улога врз неговата конечна одлука дали ќе остане на Стемфорд Бриџ или ќе си замине.

Мора да се признае и дека Челзи не седи со скрстени раце иако обидите што ги прави лондонскиот клуб изгледаат несериозни во споредба со понудите на Манчестер Сити. Засега има само понуда за зголемување на неделната плата и за израмнување со Френк Лампард и Михаел Балак, кои во моментов се најплатени со 140 илјади фунти неделно.

Исто така, Манчестер Сити има резервна опција ако пропадне и последниот обид за трансфер на Џон Тери. Блиску е до комплетирање на договорот со Арсенал за премин на Коло Туре за 14 милиони фунти, а во комбинација е и Џолион Лескот од Евертон за 25 милиони.

Сопственикот на Манчестер Сити, шеикот Мансур, го презеде клубот минатото лето и своето доаѓање го одбележа со трансферот на Робињо за 32,5 милиони фунти, што беше најскап во Британија на сите времиња. Ова лето веќе потроши 90 милиони фунти за ангажирање на Карлос Тевез, Емануел Адебајор, Герет Бери и Роке Санта Круз, а со оглед на неговото огромно богатство многу лесно може да се очекува летово да биде соборен уште некој рекорд.

НАЈСКАПИТЕ ДЕФАНЗИВЦИ ВО ИСТОРИЈАТА НА ФУДБАЛОТ

Играч од во година сума

1. Рио Фердинанд Лидс Манчестер Ј. 2002 29,1 мил. фунти

2. Лилиан Турам Парма Јувентус 2001 25 мил. фунти

3. Дани Алвес Севиља Барселона 2008 23,5 мил. фунти

4. Алесандро Неста Лацио Милан 2002 21 мил. фунти

5. Серхио Рамос Севиља Реал М. 2005 18 мил. фунти

Златан пристигна во Барселона

Шведскиот репрезентативец Златан Ибрахимовиќ вчера околу 18 часот по локално време пристигна во Барселона пречекан од претставниците на Барселона и околу 5000 навивачи на актуелниот европски првак. Половина час подоцна имаше средба со претседателот Лапорта, потпретседателот Рафаел Јусте, директорот за фудбал, Раул Џанлехи и техничкиот секретар Чики Бегиристаин.

"Сакам да станам дел од историјата на Барселона и навивачите уште долго да се сеќаваат на мене. Среќен сум како мало дете затоа што сум овде, ќе се обидам да ги продолжам успесите на овој клуб", кратко изјави Ибрахимовиќ по пристигнувањето во Барселона.

Денеска тој треба да ги помине лекарските прегледи, а околу 18.30 часот по локално време ќе се одржи и официјалната презентација на Ноу Камп. Најавено е дека на неа ќе присуствуваат околу 80 илјади фанови на Барса со што ќе се повтори сликата од 6 јули кога на Сантијаго Бернабе беше претставен Кристијано Роналдо.

Веќе утре се очекува Ибрахимовиќ да се приклучи на тимот на Барселона кој патува на турнеја во САД, а претходно ќе има средба и со тренерот Гвардиола.

Еве линк од преставувањето http://www.youtube.com/watch?v=bCWsFgsd46M&eur