Реконструкции на владата

   E па тоа само укажува кои се целите и кон што се стреми моменталната владејачка гарнитура. Еве уште некои други небулози (превземено од А1):
Амбициозни ветувања на новите министри

11.07.2009 19:07 

Васко Наумовски

Застој во спроведувањето на реформите од европската агенда има, но пропуштеното ќе биде многу брзо надоместено.
Според проценките на ново-старата Влада, не се изгубени сите шанси Македонија  (не збори!!!) оваа година да добие датум за почнување преговори со ЕУ, првични оптимистички најави на новиот евроинтегративец Васко Наумовски.
Секојдневните критики од Брисел адресирани до овдешните власти дека Македонија премногу време губи занимавајќи се со периферни работи не го загрижуваат потпретседателот на Владата.
Професорот Наумовски уверува - најдоцна до 15-ти септември ќе бидат усвоени неколкуте закони на кои инсистира Брисел. 
„Во согласност со акциониот план, законите се усвојуваат со определена динамика. Постојат одредени застои, но тоа не е генерална забелешка. Во координација со Собранието веќе се во најава некои од клучните закони. Некои од законите се во меѓуресорска консултација и сигурен сум дека ќе успееме да ги донесеме во определениот рок“, изјави Васко Наумовски, новиот потпретседател на Владата за европски прашања. 
Првото огнено крштевање реконструираната Влада ќе го има со доаѓањето во Скопје прво на Хавиер Солана, а потоа и на Оли Рен. Високите функционери од Брисел директно ќе ги испорачаат задачите и крајниот тајминг до кога треба бидат исполнети критериумите.
Додека еден од клучните актери во надворешната политика излезе со амбициозни планови, неговиот колега, новиот министер за образование Никола Тодоров најави решавање на клучните проблем што го тресат неговиот сектор.
За најделикатните прашања Тодоров ќе ги искористел сите свои умствени, но и физички капацитети. (????????????????)
Со млади и надежни кадри Владата ќе се обиде да испрати јасен сигнал за нејзините намери за што побрза интеграција на Македонија во европските организации. 
Па ви се молам, на што личи ова ????? Аман веќе од овие „млади и надежни“ кои се се уште на ниво на зрелост и менталитет од типот „светот почнува со мене и јас ќе средам се“ (а потоа ги треска реалноста по носот, бидејки така влегуваат во светот на возрасните и гледаат дека не е се розово во животот и не се најјаките батки од типот Химен и Ерик Бананамен) ја доведоа земјата пред банкрот и во длабока разединетост. На дрскоста и беозбразноста (јас пак ќе речам дека се работи и за несвесност) и нема крај. 
Ние тука на форумов што не сме политичари по професија, ама си дискутираме по малку и испаѓа дека имаме повеќе реален поглед и перспектива врз ситуацијата во МК (што се однесува до евроинтеграциската политика на моменталната влада повеќе од очигледно е дека цело ова време не е заинтересирана МК да влезе во ЕУ, дека многу слабо се работи на тоа,но дека се натпреваруваат „кој е бољи батка у маало“, а сега тоа и меко се кажува во јавноста, ама сепак никого мува не го лази од срам)....КАТАСТРОФА. 
Она што „теши“ се оставките. Можеби сепак имало некои чесни луѓе  (кои не можеле да трпат диктат и притисок ) во тој наш македонски политички свет.
Жалосно, жалосно и пак - жалосно за една таква прекрасна земја каква што е Македонија....

Изменето од chuchuliga - 12.Јули.2009 во 12:01

Внеси реплика	страница <1 16 171819 20 27 >
Tweet