Училиштата во 23 општини се уште не ја исплатиле јануарската плата на вработените. Министерството за образование и наука вчера извести дека до понеделникот ги нема добиено пресметките за исплата на бруто-плата за јануари за училиштата од општините Илинден, Чаир, Вевчани, Тетово, Берово, Македонски Брод, Валандово, Дебар, Центар Жупа, Демир Хисар, Гевгелија, Богданци, Кавадарци, Зајас, Осломеј, Кочани, Чешиново - Облешево, Зрновци, Радовиш, Липково, Крушево, Неготино и Свети Николе.
"Исплатата на платите за вработените во училиштата не може да се изврши се додека податоците не бидат добиени од општините", велат во Министерството за образование и наука. "Ги известуваме сите општини кои не доставиле податоци согласно новиот начин на пресметка на плати, истите да ги достават најдоцна до 25 февруари. Напоменуваме дека пресметките треба да бидат проверени, со точни и веродостојни податоци и потврдени со потпис и печат од градоначалникот на општината", велат во Министерството за образование.
Управата за јавни приходи почна да пресметува дневна камата за неплатените придонеси од 0,03 отсто. Каматата се пресметува од 16 февруари, се додека не бидат платени придонесите и не биде исплатена платата на вработените