Мотоциклизам

Трката денес во 14.00

Роси ќе оди на својата 100. победа

Валентино Роси е на "седмо небо" по како што самиот кажа, една од неговите најдобри победи, и оди на посебен рекорд - 100 победи на Холандското ТТ во Асен овој викенд. Актуелниот шампион е вклучен во трикратна битка за лидерското место во генерален пласман по неговата фантастична победа над својот тимски колега од Фиат Јамаха, Хорхе Лоренцо на Каталонското ГП и тоа во последната кривина. Лоренцо и светскиот шампион Кејси Стонер се израмнети со Роси на 106 поени пред седмата трка од сезоната во Асен.

"Асен е посебна патека за сите возачи и е прекрасно место да се вози Мото ГП мотоцикл, иако беше подобро пред да ја сменат патеката. По Барселона знаеме колку сме силни, но знаеме и колку нашите ривали се моќни и не смееме да се опуштиме. Монтмело беше фантастична трка за нас, една од моите најдобри победи, но шампионатот е толку тесен што не смеам да се опуштам ниту една секунда", вели Роси.

Битката е толку тесна што водечкото трио има по две победи во шесте трки досега, а Лоренцо има посебна причина да биде самоуверен откако имаше две втори места и победа во последните три трки.

"Фантастична серија за мене, и скоро не ми се верува. Сега како да почнува шампионатот од почеток бидејќи тројцата сме на исто поени. Асен е мојата омилена патека и таму одам со голема самодоверба и многу мотивација. Лани бев само шести и морам да бидам подобар од тоа. Подиум би бил прекрасен", вели Шпанецот, кој само во својата втора Мото ГП сезона се покажува како достоен ривал за Роси и Стонер.

Традиционално Холандското ТТ се оддржува во последната сабота од јуни.


И на Стонер му се допаѓа повеќе стариот Асен

Победникот од минатогодишната трка во Асен, Кејси Стонер вели дека го сака предизвикот на патеката, која е единствена преостаната од оригиналниот Светски Шампионат од 1949, но мисли дека има јасна разлика помеѓу старите и новите делови од патеката. Северниот Круг на Асен беше отстранет во 2006 за да се намали должината на 4.555 километри и да се направи место за боксот, и беше заменет со нова "модерна" секција. Старата трка од 1949 на пример имаше круг од 16.536 километри.

"Навистина уживав во старата патека и мислам дека тоа чувство го делат сите во спортот. Стариот дел од патеката се уште е забавен, но разочарувачки се новите кривини без многу можност за тркање", вели Стонер.

Мото ГП возачите се "вратија во минатото"

Шест Мото ГП возачи добија шанса да се обидат со мотоцикли од минатото на мотор-шоуто пред Холандското ТТ во Асен. Хорхе Лоренцо, Колин Едвардс, Крис Вермејлен, Марко Меландри, Јуки Такахаши и Габор Талмачи беа во музејот во Асен каде што Лоренцо возеше 250сс Јамаха, Едвардс возеше 500сс машина од 1980-тите, Вермејлен возеше 500сс Сузуки од 1976, додека Меландри возеше Бенели од 1968 година.

Де Пуние најбрз на тренингот

Ранди Де Пуние постигна најбрз круг на тренинг-сесијата пред Холандското ТТ во Асен во сабота. Французинот со својата ЛЦР Хонда стигна до време од 1:37.842, за само 0.005 секунди побрзо од шесткратниот Мото ГП шампион Валентино Роси, а веднаш зад него со 0.030 секунди послабо време беше Кејси Стонер во Дукати. Хорхе Лоренцо беше четврти најбрз по што следуваа Андреа Довициозо, Дани Педроза и Колин Едвардс.

Rossi is No.1

CESTI4KI ZA 100-TA POBEDA I OD MENE!!!!!


                  Историја во Асен




Во доминантен стил достоен за остварување на јубилејната стота гран при победа, Валентино Роси по седми пат славеше во Асен (петти пат како најдобар на трката во најсилната класа). Тој ја имаше пол позицијата, но на стартот го загуби првото место од Дани Педроса, а потоа и од Кејси Стонер, но веќе круг-два подоцна се врати на лидерската позиција и направи недостижна предност. Тимскиот колега Хорхер Лоренцо даде максимум од себе за да остане во трка со него, но „докторот“ го држеше на безбедна дистанца зад себе, поголема од две секунди. Кејси Стонер на крајот пристигна трет (Педроса падна), но повторно беше истоштен и доби медицинска помош.

- Ова е фантастично постигнување. Сто победи е одлична бројка. Им благодарам на сите момци што ми помогнаа да стигнам до тука, моите тимови во минатите десет години, Џереми Бургес и моите најблиски пријатели и семејството, кои ми ја даваа неопходната мотивација. Се надевам дека ќе освојам уште победи,- изјави Роси по симнувањето од пиедесталот, каде што го развеа знамето со бројот 100 специјално направено за оваа пригода. – Имав добро чувство за трката и знаев дека сум многу брз на две – три точки од патеката, па се обидов да излезам на чело што е можно порано и да воспоставам мој ритам. Ова беше перфектна трка, а секоја грешка можеше да има висока цена. Знаев дека Лоренцо е многу силен, па се обидов да направам предност. Веќе две трки по ред моторот има одличен сетинг, но фантастичен е од почетокот на сезоната и се надевам дека ќе продолжиме на овој начин.

Следната трка се вози за Големата награда на САД во Калифорнија, на патеката Лагуна Сека, и тоа по само осум дена. Иако за сите возачи ќе биде проблем да се прилагодат на временската разлика, веројатно најтешко ќе му биде на Кејси Стонер. Според соопштението за медиумите на Дукати, Стонер кој по подиум церемонијата отиде во болницата на патеката, наместо на прес конференцијата, признал дека „губат поени“ поради неговата ситуација.

- Се чувствував одлично цела недела, но од петокот тоа чувство почна да опаѓа и се влошуваше како што викендот одминуваше. Го земав секој можен додаток и витамин што можеше да се смисли, но ништо од тоа не изгледаше дека помага, па очигледно ќе мораме да го анализираме проблемот подлабоко бидејќи не може да продолжи вака и не чини поени. За среќа, имав фантастичен мотор под себе и му должам на тимот за тоа. Големо благодарам до Д-р Макијагодена и до нашиот физиотерапевт Фреди Денте, кои ми овозможија добра нега и во Барселона и тука. За малер, немаме многу време за да бидам фит до Лагуна, но ќе видиме што можеме да направиме,- гласи изјавата на шампионот од 2007 година.

f1almanah.com

Rosi startuva vtor, ali dvajcata direknti konk*renti padnaa strasno na kvalifikaciite...tretiot Stoner, malku podobro pomina od prviot Lorenco..da se nadevame deka se ke bide dobro i deka site ke gi vidime vo trkata vecer

MotoGP Race Classification

1 25 3 Dani PEDROSA SPA Repsol Honda Team HONDA 44'01.580 157.433
2 20 46 Valentino ROSSI ITA Fiat Yamaha Team YAMAHA 44'01.924 157.412 0.344
3 16 99 Jorge LORENZO SPA Fiat Yamaha Team YAMAHA 44'03.506 157.318 1.926
4 13 27 Casey STONER AUS Ducati Team DUCATI 44'14.012 156.695 12.432
5 11 69 Nicky HAYDEN USA Ducati Team DUCATI 44'23.243 156.152 21.663
6 10 24 Toni ELIAS SPA San Carlo Honda Gresini HONDA 44'23.621 156.130 22.041
7 9 5 Colin EDWARDS USA Monster Yamaha Tech 3 YAMAHA 44'31.781 155.653 30.201
8 8 7 Chris VERMEULEN AUS Rizla Suzuki MotoGP SUZUKI 44'34.437 155.498 32.857
9 7 14 Randy DE PUNIET FRA LCR Honda MotoGP HONDA 44'41.905 155.065 40.325
10 6 33 Marco MELANDRI ITA Hayate Racing Team KAWASAKI 44'49.608 154.621 48.028
11 5 15 Alex DE ANGELIS RSM San Carlo Honda Gresini HONDA 44'50.390 154.576 48.810
12 4 88 Niccolo CANEPA ITA Pramac Racing DUCATI 45'20.111 152.887 1'18.531
Not Classified
4 Andrea DOVIZIOSO ITA Repsol Honda Team HONDA 8'23.703 154.805 26 laps
59 Sete GIBERNAU SPA Grupo Francisco Hernando DUCATI 8'32.190 152.240 26 laps
65 Loris CAPIROSSI ITA Rizla Suzuki MotoGP SUZUKI 4'19.395 150.303 29 laps
41 Gabor TALMACSI HUN Scot Racing Team MotoGP HONDA 4'22.278 148.651 29 laps


kakva trka da imase uste samo 1 krug Doktorot ke pobedese garant ama Pedrosa na startot poleta kako NOS da imase

Prekrasna trka denes..do poslednite metri borba megu Valentino Rosi i Horhe Lorenco...Doktorot po 101 pat na pobednickoto mesto

Стартуваат новите правила



Трката за Големата награда на Чешка што се вози в недела на патеката крај Брно го означува почетокот на правилата кои носат рестрикции на ресурсите кои ќе им бидат на располагање на возачите во светското првенство во мотоциклизам. Акцентот е на ограничувањето на моторите до крајот на сезоната, вкупно пет на број за седум трки. Уште неколку други рестрикции ќе бидат аплицирани сега, а следниот блок ограничувања ќе дојде со почетокот на новата сезона во 2010 година.

На прес конференцијата одржана во пресрет на гран при викендот, Валентино Роси потврди дека тимот на Јамаха подготвил „нов материјал“, што ќе му биде на располагање.

- Се менува начинот на кој што ќе работиме со моторот. Сега ќе мора да се планира кој мотор ќе се вози на тренинзите, ќе мора да се води грижа за машината дури и по завршувањето на трката. Тоа треба да заштеди пари, па затоа е важно. Во понеделник ќе имаме тестирање, па ќе можеме да испитаме некои детали за да можеме да направиме чекор напред со новиот мотор,- вели лидерот во шампионатот.

Слично како во Јамаха, новитети ќе имаат и во другите екипи, кои работно ја минале летната пауза, при што најголем дел се однесуваат на моторите, но во Хонда и Сузуки најавија и надградби на шасијата. Сите тие ќе ги тестираат новитетите по крајот на гран при викендот, останувајќи во Чешка ден повеќе, пред да отпатуваат за втората американска трка во Индијанаполис на крајот од месецот.

Во кампот на Дукати, пак, главната вест е прилагодувањето на Мика Калио да го замени Кејси Стонер, кој најави дека поради исцрпеност на организмот ќе паузира три трки. Бидејќи септември е месец без трка поради откажувањето на унгарското гран при, Стонер ќе се врати на патеките дури по два и пол месеци одмор, во Португалија на почетокот од октомври. Финецот Калио доаѓа од сателитскиот тим Прамак Дукати, а на негово место ќе вози Италијанецот Мишел Фабрицио.

- Сакам да се заблагодарам на Дукати и на мојот регуларен тим Прамак, особено на тимскиот шеф Паоло Кампиноти, бидејќи ми ја дадоа оваа шанса. Се надевам дека Кејси ќе биде подобар по овие три трки, но очигледно ова е голема шанса за мене,- рече новата надеж на тимот од Борго Панигале.

Со ова борбата за титулата се сведува на Роси и Лоренцо, кои се со разлика од 25 бода. Тимските колеги од Јамаха доминираа и во досегашниот дел од сезоната, а сега се отвора простор за нови изненадувања од останатите возачи, особено од Хонда, бидејќи Педроса и Довициозо победија на две од последните три трки. Меѓу оние од кои не се очекуваат добри резултати викендов е Французинот Ранди де Пуние, кој на почетокот од месецот за време на мотокрос тренинг го повредил зглобот на десната нога и морал на операција, но сепак ќе настапи на ова гран при. Трката во Брно лани беше најпосетениот настан во календарот на Мото ГП, пред се поради успесите на Габор Талмаши и големиот број негови навивачи од соседната Унгарија, кои годинава се очекува да бидат меѓу четириесет до педесет илјади луѓе.


СТО ГОДИНИ ИНДИЈАНАПОЛИС



Легендарниот автодром од САД, вчера прослави 100-годишница од првата трка возена на фамозниот „брикјард“, односно на патеката поплочена со тули. На 14 август 1909 година се случила мотоциклистичка трка, а следниот настан со натпревар на машини на две тркала дојде на 99 роденден, со ланската трка на Мото ГП. Во пресрет на годинешната трка, домаќините со скромна прослава и роденденска торта ги почестија сите оние кои купиле билети вчера или поседувале доказ за претходно купени влезници.



МЕЛАНДРИ СЕ ВРАЌА ВО ГРЕСИНИ?



Иако веста е само шпекулација, Марко Меландри очигледно е решен да замине од приватната екипа Хајат. Тимот беше набрзина организиран за оваа сезона како замена за фабричката екипа на Кавасаки, која се повлече од натпреварите, но ја поддржа новоформираната дружина. Сега таа поддршка се очекува да престане, па името на Кавасаки комплетно да го снема од сцената во Мото ГП. Меландри претходно имаше успешна кариера со тимот на Фаустино Гресини за кој оствари неколку победи, па се смета за најсериозен кандидат за второто место покрај дебитантот Марко Симончели, што би значело комплетно нова постава за разлика од досегашната со Тони Елиас и Алекс де Анџелис.


f1almanah.com