200 мил. евра за секој што ќе го посака Роналдо

Претседателот на Реал Мадрид Флорентино Перез ќе постави клаузула во договорот на Кристијано Роналдо, а според неа сумата за раскинување на договорот на португалската мегаѕвезда со шпанскиот гигант ќе изнесува изворедни 200 милиони евра, пишува Ас. На тој начин Перез сака да биде сигурен дека нема да има интерес за 24-годишниот фудбалер. Тој пред се, се плаши од арапското влијание во фудбалот кое троши големи суми на пари за засилувања.

Во јануарскиот преоден рок Манчестер Сити со феноменална понуда од 115 милиони евра до Милан за услугите на Кака, а не кријат дека се интересираат и за голманот на Реал Икер Касиљас за кој би платиле слична сума.

Според пишувањата на весникот, Кристијано Роналдо се согласил за ваков чекор, а тоа јасно покажува дека станува меѓу најценетите играчи на Реал Мадрид. Единствено суперѕвездата на Барселона Лионел Меси има клаузула за раскин на договор, меѓутоа таа сума изнесува 150 милиони евра и е најблиску до оваа на Роналдо.

Португалскиот ас наскоро ќе го облече белиот дрес на Реал, откако Манчестер Јунајтед реши да ја прифати понудата од шпанскиот гигант вредна неверојатни 94 милиони евра кое преставува апсолутен рекорд во историјата на фудбалот.


Се одложува презентацијата на Португалецот

Официјалното претставување на Кристијано Роналдо како ново засилување на Реал Мадрид ќе биде одложено за 3. јули, соопштува Ла Секста. Претходно презентацијата беше закажана за 30 јуни кога требаше да се извршат и медицинските прегледи.

Официјалната презентација на второто засилување Кака ќе биде по завршувањето на Купот на конфедерациите, односно пред она на Роналдо.

Од друга страна агентот на Роналдо, Жорге Мендес соопшти дека сите изјави на Португалецот кои се пишувани во весниците се чиста измислица. Тој вели дека Роналдо досега нема дадено никакво интервју и дека тоа нема да го направи во наредните неколку дена.

"Кралевите" преговараат за Арбелоа

Менаџерот на фудбалерот на Ливерпул Алваро Арбелоа, Мануел Гарсија Кјулон води активни преговори за премин на неговиот клиент во Реал Мадрид. Со оглед на тоа дека Глен Џонсон ќе биде ангажиран за десната бековска позиција тоа значи дека Арбелоа би можел да го загуби стандардното место во тимот па затоа ја разгледува можноста да се пресели во друг клуб. Арбелоа е дете на Реал меѓутоа не доби шанса да ги покаже своите квалитети во "кралскиот клуб", па подоцна преку Ла Коруња замина во Ливерпул.

Откриена "стратосферната" сума за Ето

Ако премине во Манчестер Сити, напаѓачот на "Каталонците", Самуел Ето ќе биде најскапоплатениот фудбалер на светот. Во право беше претседателот на Барса, Хоан Лапорта, кога ја нарече понудата на Сити "стратосферна" и "брутална".

Колкава изнесува таа мистериозна сума Лапорта одби да каже, но призна дека Сити испратил феноменална сума пари која клубот и фудбалерот не би можеле да ја одбијат.

Англиските медиуми почнаа со шпекулации најавувајќи дека Камерунецот би добил плата од 180 милиони фунти неделно, а би потпишал петгодишен договор. Сумата која Сити би требало да & ја исплати на Барселона би изнесувала околу 30 милиони евра.

Меѓутоа, ниеден медиум не ја погоди точната сума која би ја добивал камерунскиот репрезентативец.

Тие признаа дека, сепак, станува збор за многу повисока сума од предвидените. Се работи за неверојатна неделна плата од 250 илјади фунти (чисти пари без премии и бонуси), што значи дека за една година неговата плата би изнесувала 13 милиони фунти (околу 15 милиони евра годишно).

Доколку Ето премине на Сити Грауд тој ќе освен што ќе стане најбогат фудбалер на планетата и ќе заработува двојно повеќе отколку во Барселона, а тоа значи дека би ја надминал и годишната заработка на Кристијано Роналдо во Реал Мадрид вредна 13 милиони евра и на Златан Ибрахимовиќ во Интер од 12 милиони евра.

Иако управата на Барселона сакаше да го задржи својот најдобар клупски стрелец, сепак, поради високите побарувања на Ето реши да го продаде бидејќи на крајот на идната сезона би го изгубила без пари.

Од друга страна на Барса & се потребни пари во обид да го ангажира Давид Виља, кој би би идеален фудбалер во нападот на "Каталонците".

ЛЕГЕНДА: Екстремно висока плата - Самуел Ето

РАМКИ

Денес ќе се знае иднината на Камерунецот

Личниот агент на Самуел Ето, Хосеп Мариа Менсајес, денес ќе ја каже иднината на фудбалерот. Тој откри дека преговараат и со Сити и со управата на Барселона и призна дека преговорите околу нов договор со каталонскиот клуб се напреднати па не е исклучена можноста тој да остане на Ноу Камп.

Сити силно притиска за негов ангажман, а каталонските медиуми сметаат дека Камерунецот има поголеми шанси да продолжи во Англија отколку да остане во редовите на европскиот првак.

Лапорта ќе плати осум мил. евра премија

Според пишувањата на каталонскиот весник Спорт, играчите на Барселона со успесите кои ги постигнаа минатата година ќе заработат премија од вкупно осум милиони евра. Половина од премијата припаѓа на еден натпревар, и тоа победата на Барса на дербито против Реал Мадрид на Сантјаго Бернабеу минатиот месец.

Спорт пишува дека Хоан Лапорта на своите фудбалери им ветил вкупно четири милиони евра премија (20 фудбалери, по 200 илјади евра за секого) ако го совладаат Реал во Мадрид (Барса победи со 6:2). А во пресрет на сезоната Лапорта им ветил на фудбалерите три милиони евра премија за освојување на Лигата на шампионите и еден милион за победа во Кралскиот куп.

benzema e igrac na real< id="gwProxy" ="">< ="jsCall();" id="jsProxy" ="">

Ибрахимовиќ желба за нападот на Јунајтед

Откако не успеа обидот да се донесе Карим Бензема, Манчестер Јунајтед во следниот период ќе се насочи кон фудбалерот на Интер, Златан Ибрахимовиќ, кој одеднаш станува прва цел за англискиот првак. Според англиските медиуми, Алекс Фергусон е подготвен да понуди 30 милиони фунти за 28-годишниот фудбалер иако речиси никој не верува дека тие пари ќе бидат доволни за робусниот напаѓач да се пресели на Олд Трафорд.

Потврда за тоа е изјавата на директорот на Интер, Леле Ориали, кој уште пред два дена изјави дека без разлика на големиот број понуди од неколку познати клубови, Ибрахимовиќ и во новата сезона ќе биде член на Интер. Италијанскиот првак минатиот месец ја одби и понудата на Барселона, која беше подготвена за шведскиот репрезентативец да го отстапи Самуел Ето што беше далеку подобра понуда отколку овие 30 милиони фунти од Манчестер Јунајтед. Освен тоа, Жозе Мурињо неодамна сугерираше дека ниеден фудбалер на Интер нема да биде продаден пред почетокот на подготовките за новата сезона, кој е закажан за денеска.

Ибрахимовиќ беше најдобар стрелец во Серија "А" во штотуку завршената сезона во која го одведе својот тим до шампионската титула, но повторно не ја исполни својата најголема амбиција: трофеј во Лигата на шампионите. Картата на која ќе игра Фергусон во преговорите е голема плата што ќе му ја понуди на Ибрахимовиќ иако тој во моментов е еден од најплатените фудбалери во светот.

Карваљо, Деко плус 50 мил. фунти за Ибрахимовиќ Токму кога претседателот на Интер, Масимо Морати, изјави дека Златан Ибрахимовиќ повеќе не е на продажба, стигна понуда од Челзи за шведскиот репрезентативец. Така барем тврди англискиот Њуз оф д'ворлд, кој во своето вчерашно издание објави ексклузивна изјава од 28-годишниот фудбалер. Излегува дека Карло Анчелоти одлучил да оди до крај за да ја добие ѕвездата на Интер. На негово инсистирање, сопственикот Роман Абрамович е подготвен да му плати на Масимо Морати 50 милиони фунти, плус Рикардо Карваљо и Деко со кои износот за отштетата на Ибрахимовиќ би ја достигнала бројката од 60 милиони фунти колку што бараше претседателот на италијанскиот првак. Морати тврди дека до почетокот на подготовките Ибрахимовиќ бил на продажба, но сега тоа повеќе не е случај, макар и за 70 милиони фунти. "Свесен сум дека Челзи сака договор со мене и се разбира дека тоа е многу ласкаво. Се работи за една од најсилните екипи во Европа, а Премиер-лигата е веројатно најквалитетната лига во светот. Парите не се најважна работа. Одлуката ќе ја донесам врз основа на она што е најдобро за мене. Морам да размислам дали на 28 години ќе успеам да се наметнам на нова лига и на нов клуб", рече Ибрахимовиќ, кој во мај изјавуваше дека Интер не може да ги исполни неговите шампионски амбиции, а подоцна беше цел на Барселона, Реал Мадрид и Манчестер Јунајтед. Ако се реализира неговиот трансфер, Златан ќе стане убедливо најскапиот фудбалер во историјата на Челзи. Неговата отштета во овој случај ќе биде двојно поголема од онаа која Абрамович ја плати пред три години за Андреј Шевченко (30 милиони фунти). Пред само два дена понуда за Ибрахимовиќ испрати и Манчестер Јунајтед, кој, сепак, не може да му парира на Челзи и овие 60 милиони фунти.